സോളിഡാരിറ്റി യൂത്ത് മൂവ്മെന്റ് കോഴിക്കോട് ജില്ല പ്രവർത്തക കൺവെൻഷൻ സംസ്ഥാന പ്രസിഡന്റ് സി.ടി. സുഹൈബ് ഉദ്ഘാടനം ചെയ്യുന്നു
കോഴിക്കോട്: ഫലസ്തീൻ വിമോചനപോരാട്ടങ്ങൾക്ക് പുതുജീവൻ നൽകുന്ന ചരിത്ര സംഭവമാണ് ഹമാസ് നേതാവ് ഇസ്മാഈൽ ഹനിയ്യയുടെ രക്തസാക്ഷിത്വമെന്ന് സോളിഡാരിറ്റി സംസ്ഥാന പ്രസിഡന്റ് സി.ടി. സുഹൈബ്. ജന്മനാടിന്റെ വിമോചനം സ്വപ്നം കണ്ട് പോരാട്ടവീഥിയിൽ സജീവമായവരാണ് ഫലസ്തീൻ വിമോചനപോരാളികളും അവരുടെ നേതൃത്വവും. നേതാക്കളുടെ രക്തസാക്ഷിത്വങ്ങൾ എക്കാലത്തും ഫലസ്തീൻ പോരാട്ടങ്ങളെ കൂടുതൽ ശക്തിപ്പെടുത്തിയിട്ടേ ഉള്ളൂവെന്നും അദ്ദേഹം പറഞ്ഞു. മെഡിക്കൽ കോളജ് കനിവ് ഓഡിറ്റോറിയത്തിൽ നടന്ന സോളിഡാരിറ്റി യൂത്ത് മൂവ്മെന്റ് കോഴിക്കോട് ജില്ല പ്രവർത്തക കൺവെൻഷൻ ഉദ്ഘാടനം ചെയ്യുകയായിരുന്നു അദ്ദേഹം.
സംസ്ഥാന സെക്രട്ടറിമാരായ അൻവർ സ്വലാഹുദ്ധീൻ, ടി. ഇസ്മാഈൽ, ജമാഅത്തെ ഇസ്‌ലാമി ജില്ല പ്രസിഡന്റ് ഫൈസൽ പൈങ്ങോട്ടായി, സോളിഡാരിറ്റി ജില്ല പ്രസിഡന്റ് സജീർ എടച്ചേരി, ജില്ല ജനറൽ സെക്രട്ടറി അഫീഫ് ഹമീദ്, സെക്രട്ടറിമാരായ ഷക്കീർ പുറക്കാട്, നബീൽ മുഹമ്മദ് എന്നിവർ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.