ഡ്രോ​ണി​ൽ പ​ണി​പാ​ളി നി​യ​മ​ലം​ഘ​ക​ർ

പൊ​ന്നാ​നി: മ​ണ​ൽ​ക​ട​ത്തി​നി​ടെ ഡ്രോ​ൺ എ​ത്തി​യ​പ്പോ​ൾ ക​ണ്ണു​പൊ​ത്തിക്കളി. ആ​ൾ​ക്കൂ​ട്ട​ത്തി​ലേ​ക്ക് കാ​മ​റ പ​റ​ന്നി​റ​ങ്ങി​യ​പ്പോ​ൾ ക​ണ്ട​ത് മീ​ൻ വി​ൽ​പ​ന​യും ഇ​റ​ച്ചി ക​ച്ച​വ​ട​വും. ലോ​ക്ഡൗ​ൺ മേ​ഖ​ല​യി​ലെ ഹെ​ലി കാം ​ഓ​പ​റേ​ഷ​നി​ൽ നി​ര​വ​ധി​പേ​ർ കു​ടു​ങ്ങി. മൂ​ന്നു​പേ​ർ​ക്കെ​തി​രെ കേ​സെ​ടു​ത്തു. കോ​വി​ഡ് തീ​വ്ര മേ​ഖ​ല​യാ​യ പൊ​ന്നാ​നി​യി​ൽ അ​പ്ര​തീ​ക്ഷി​ത​മാ​യി ആ​കാ​ശ നി​രീ​ക്ഷ​ണ കാ​മ​റ പ​റ​ന്നി​റ​ങ്ങി​യ​പ്പോ​ൾ നി​യ​മം ലം​ഘി​ച്ച​വ​ർ ശ​രി​ക്കും പെ​ട്ടു.

ആ​ദ്യം ഡ്രോ​ൺ പ​റ​ന്ന​ത് പൊ​ന്നാ​നി ലൈ​റ്റ് ഹൗ​സി​ന് സ​മീ​പ​മാ​യി​രു​ന്നു. കൂ​ട്ടം കൂ​ടി നി​ൽ​ക്കു​ന്ന​വ​രും പു​റ​ത്തി​റ​ങ്ങി​യ​വ​രും കാ​മ​റ ക​ണ്ട​തോ​ടെ മു​ഖം പൊ​ത്തി വീ​ട്ടി​ലേ​ക്ക് ഓ​ടി​ക്ക​യ​റി. പി​ന്നീ​ട് ന​ഗ​ര​ത്തി​​െൻറ വി​വി​ധ​യി​ട​ങ്ങ​ളി​ലാ​യി​രു​ന്നു കാ​മ​റ​യു​ടെ പ്ര​വ​ർ​ത്ത​നം. പ​തി​വി​ല്ലാ​ത്ത ആ​ൾ​ക്കൂ​ട്ടം ക​ണ്ട​തോ​ടെ നി​രീ​ക്ഷ​ണ കാ​മ​റ താ​ഴ്ന്ന് പ​റ​ന്ന​പ്പോ​ൾ ക​ണ്ട​ത് അ​ന​ധി​കൃ​ത മ​ത്സ്യ, മാം​സ വി​ൽ​പ​ന. ഇ​ക്കാ​ര്യം ശ്ര​ദ്ധ​യി​ൽ​പ​ട്ട​തോ​ടെ നി​മി​ഷ​ങ്ങ​ൾ​ക്ക​കം പൊ​ലീ​സെ​ത്തി 45 കി​ലോ മ​ത്സ്യ​വും ഒ​രു ക്വി​ൻ​റ​ൽ ബീ​ഫും കൈ​യോ​ടെ പൊ​ക്കി. വി​ൽ​പ​ന​ക്കാ​ർ​ക്കെ​തി​രെ കേ​സെ​ടു​ക്കു​ക​യും ചെ​യ്തു. 

തു​ട​ർ​ന്നാ​ണ് ഭാ​ര​ത​പ്പു​ഴ​യി​ലേ​ക്ക് ആ​കാ​ശ നി​രീ​ക്ഷ​ണ കാ​മ​റ​യെ​ത്തി​യ​ത്. കാ​മ​റ പ്ര​വ​ർ​ത്ത​ന മ​റി​യാ​തെ ചി​ല​ർ പു​ഴ​യി​ൽ​നി​ന്ന്​ ത​കൃ​തി​യാ​യി മ​ണ​ൽ വാ​രു​ക​യാ​യി​രു​ന്നു അ​പ്പോ​ൾ. ഡ്രോ​ൺ എ​ത്തി​യെ​ന്ന് മ​ന​സ്സി​ലാ​യ​തോ​ടെ എ​ൻ​ജി​ൻ സ്​​റ്റാ​ർ​ട്ട് ചെ​യ്ത് വ​ഞ്ചി കു​തി​ച്ചു പാ​ഞ്ഞു. വ​ഞ്ചി​യേ​ക്കാ​ൾ വേ​ഗ​ത​യി​ൽ ഡ്രോ​ണും പ​റ​ന്നു. ഡ്രോ​ൺ താ​ഴ്ന്ന് വ​രു​ന്ന​ത് മ​ന​സ്സി​ലാ​ക്കി​യ മ​ണ​ൽ തൊ​ഴി​ലാ​ളി​ക​ൾ പി​ന്നെ കാ​മ​റ​യി​ൽ​നി​ന്ന്​ ര​ക്ഷ​പ്പെ​ടാ​നു​ള്ള ശ്ര​മ​ത്തി​ലാ​യി. എ​ന്നാ​ൽ, ഇ​വ​രു​ടെ മു​ഖ​ങ്ങ​ൾ കൃ​ത്യ​മാ​യി പ​തി​ഞ്ഞ​തോ​ടെ ഡ്രോ​ൺ തി​രി​ച്ചു പ​റ​ന്നു. ഇ​വ​ർ​ക്കെ​തി​രെ​യും കേ​സെ​ടു​ക്കു​മെ​ന്നും സി.​ഐ ശ​ശീ​ന്ദ്ര​ൻ മേ​ല​യി​ൽ പ​റ​ഞ്ഞു.