തേക്കിൻകാട് മൈതാനത്ത് പാർട്ടി കൊടികളും പരസ്യബോർഡുകളും വിലക്കി ഹൈ​കോടതി

കൊ​ച്ചി: തൃ​ശൂ​ർ തേ​ക്കി​ൻ​കാ​ട് മൈ​താ​ന​ത്ത് രാ​ഷ്ട്രീ​യ പാ​ർ​ട്ടി​ക​ളു​ടെ കൊ​ടി​ക​ളും പ​ര​സ്യ​ബോ​ർ​ഡു​ക​ളും ഹോ​ർ​ഡി​ങ്ങു​ക​ളും സ്ഥാ​പി​ക്കു​ന്ന​തി​ന്​ ഹൈ​കോ​ട​തി​യു​ടെ വി​ല​ക്ക്.

തൃ​ശൂ​ർ ന​ഗ​ര​സ​ഭ പ​രി​ധി​യി​ലെ ന​ട​പ്പാ​ത​ക​ളി​ൽ കാ​ൽ​ന​ട​ക്കാ​ർ​ക്ക് ഭീ​ഷ​ണി​യാ​കു​ന്ന പ​ര​സ്യ​ബോ​ർ​ഡു​ക​ൾ, ഹോ​ർ​ഡി​ങ്ങു​ക​ൾ, താ​ൽ​ക്കാ​ലി​ക നി​ർ​മി​തി​ക​ൾ എ​ന്നി​വ സ്ഥാ​പി​ക്കു​ന്നി​ല്ലെ​ന്ന് ന​ഗ​ര​സ​ഭ സെ​ക്ര​ട്ട​റി ഉ​റ​പ്പു​വ​രു​ത്ത​ണം.​ മൈ​താ​ന​ത്തി​ന്​ ചു​റ്റു​മു​ള്ള പൊ​തു​റോ​ഡു​ക​ളു​ടെ ന​ട​പ്പാ​ത​ക​ളി​ൽ വ​ട​ക്കും​നാ​ഥ ക്ഷേ​ത്ര​ത്തി​ലെ വാ​ർ​ഷി​കോ​ത്സ​വം, മ​ത​പ​ര​മാ​യ ച​ട​ങ്ങു​ക​ൾ തു​ട​ങ്ങി​യ​വ​യു​ടെ ബോ​ർ​ഡു​ക​ളോ ഹോ​ർ​ഡി​ങ്ങു​ക​ളോ സ്ഥാ​പി​ക്കു​ന്നി​ല്ലെ​ന്ന് കൊ​ച്ചി​ൻ ദേ​വ​സ്വം ബോ​ർ​ഡ് ഉ​ദ്യോ​ഗ​സ്ഥ​രും ഉ​റ​പ്പു​വ​രു​ത്ത​ണ​മെ​ന്ന്​ ജ​സ്റ്റി​സ് അ​നി​ൽ കെ. ​ന​രേ​ന്ദ്ര​ൻ, ജ​സ്റ്റി​സ് പി.​ജി. അ​ജി​ത് കു​മാ​ർ എ​ന്നി​വ​ര​ട​ങ്ങു​ന്ന ഡി​വി​ഷ​ൻ ബെ​ഞ്ച്​ ഉ​ത്ത​ര​വി​ട്ടു.

വ​ട​ക്കും​നാ​ഥ ക്ഷേ​ത്ര​വു​മാ​യി ബ​ന്ധ​പ്പെ​ട്ട പ​രി​പാ​ടി​ക​ൾ​ക്കോ പൂ​രം പ്ര​ദ​ർ​ശ​ന​ത്തി​നോ അ​ല്ലാ​തെ തേ​ക്കി​ൻ​കാ​ട് മൈ​താ​ന​ത്ത് എ​ന്തെ​ങ്കി​ലും പ​രി​പാ​ടി ന​ട​ത്ത​ണ​മെ​ങ്കി​ൽ ഹൈ​കോ​ട​തി​യു​ടെ പ്ര​ത്യേ​ക അ​നു​മ​തി വാ​ങ്ങു​ക, മൈ​താ​നം പ്ലാ​സ്റ്റി​ക് നി​രോ​ധി​ത മേ​ഖ​ല​യാ​യി സൂ​ക്ഷി​ക്കു​ക, ക​ഴി​ഞ്ഞ ഡി​സം​ബ​ർ 31ന്​ ​പു​തു​വ​ത്സ​രാ​ഘോ​ഷ ഭാ​ഗ​മാ​യി ന​ട​ത്തി​യ​തു​പോ​ലു​ള്ള റോ​ക് ബാ​ൻ​ഡു​ക​ളു​ടെ സം​ഗീ​ത പ​രി​പാ​ടി​ക​ൾ പാ​ടി​ല്ല, മൈ​താ​ന​വു​മാ​യി ബ​ന്ധ​പ്പെ​ട്ട്​ ഹൈ​കോ​ട​തി ന​ൽ​കു​ന്ന ഉ​ത്ത​ര​വു​ക​ൾ ബോ​ർ​ഡ് ഉ​ദ്യോ​ഗ​സ്ഥ​ർ ക​ർ​ശ​ന​മാ​യി പാ​ലി​ക്കു​ക തു​ട​ങ്ങി​യ നി​ർ​ദേ​ശ​ങ്ങ​ളും​ ന​ൽ​കി​യി​ട്ടു​ണ്ട്.

തേ​ക്കി​ൻ​കാ​ട് മൈ​താ​ന​ത്ത് രാ​ത്രി പാ​ർ​ക്കി​ങ്​ അ​നു​വ​ദി​ക്ക​രു​തെ​ന്നും മാ​ലി​ന്യം ത​ള്ളു​ന്ന​ത്​ ത​ട​യ​ണ​മെ​ന്നും ആ​വ​ശ്യ​പ്പെ​ട്ട് തൃ​ശി​വ​പേ​രൂ​ർ വ​ട​ക്കും​നാ​ഥ​ൻ ദേ​വ​സ്ഥാ​നം ട്ര​സ്റ്റ് സെ​ക്ര​ട്ട​റി കെ.​ബി. സു​മോ​ദ് ന​ൽ​കി​യ ഹ​ര​ജി​യാ​ണ്​ കോ​ട​തി പ​രി​ഗ​ണി​ച്ച​ത്.