തിരുവനന്തപുരം: ബോണക്കാട് വനമേഖലയിലേക്ക് പ്രവേശിക്കുന്നതും വന ഭൂമി കൈയേറുന്നതും തടയാൻ നടപടിയെടുക്കണമെന്ന് സർക്കാറിനോട് ഹൈകോടതി.
ബോണക്കാട് കുരിശുമല സംരക്ഷണ സമിതി എന്ന സംഘടനയുടെ നേതൃത്വത്തിൽ ബുധനാഴ്ച ബോണക്കാട് കുരിശുമല തീർഥാടനം പ്രഖ്യാപിച്ച പശ്ചാത്തലത്തിലാണ് ഉത്തരവ്. ബോണക്കാട്ട് വനത്തിൽ കുരിശ് സ്ഥാപിക്കാനുള്ള നീക്കം തടയണമെന്നാവശ്യപ്പെട്ടുള്ള ഹരജിയിൽ തൽസ്ഥിതി തുടരാൻ 2017 ഒാഗസ്റ്റ് 31ന് കോടതി ഉത്തരവുണ്ടായിരുന്നു.
ബുധനാഴ്ച കുരിശുമല തീർഥാടനം നടത്താനുള്ള നീക്കം ചൂണ്ടിക്കാട്ടി ഹരജിക്കാരനായ ജയചന്ദ്രൻ ഉപ ഹരജി നൽകിയിരുന്നു. ഇൗ ഹരജി പരിഗണിച്ചാണ് കോടതിയുടെ ഇപ്പോഴത്തെ ഉത്തരവ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.