തിരുവനന്തപുരം: ഹയർസെക്കൻഡറി അധ്യാപക സ്ഥലംമാറ്റത്തിൽ കേരള അഡ്മിനിസ്ട്രേറ്റിവ് വിധിക്ക് വിരുദ്ധമായി ജോയിനിങ് അനുമതി നൽകി സർക്കുലർ പുറപ്പെടുവിച്ച പൊതുവിദ്യാഭ്യാസ ഡയറക്ടർ ട്രൈബ്യൂണൽ മുമ്പാകെ നിരുപാധികം മാപ്പപേക്ഷിച്ചു.
ഡയറക്ടർ എസ്. ഷാനവാസിനെതിരായ കോടതിയലക്ഷ്യം പരിഗണിക്കുന്നതിനിടെയാണ് മാപ്പപേക്ഷയുമായി സത്യവാങ്മൂലം സമർപ്പിച്ചത്. ഹയർസെക്കൻഡറി അധ്യാപക സ്ഥലംമാറ്റത്തിനുള്ള രണ്ട് പട്ടിക ട്രൈബ്യൂണൽ നേരത്തേ റദ്ദാക്കിയിരുന്നു.
എന്നാൽ, ഹൈകോടതി ഇടക്കാല ഉത്തരവ് വ്യാഖ്യാനിച്ച് സ്കൂളുകളിൽനിന്ന് വിടുതൽ ചെയ്തവരും പുതിയ സ്കൂളിൽ ജോയിൻ ചെയ്യാത്തവരുമായ അധ്യാപകർക്ക് ജോയിനിങ് അനുമതി നൽകി മേയ് നാലിന് ഡയറക്ടർ സർക്കുലർ പുറത്തിറക്കി.
ഇതിനെതിരെയാണ് ഒരുപറ്റം അധ്യാപകർ ട്രൈബ്യൂണലിനെ സമീപിച്ചത്. ഇതോടെ കഴിഞ്ഞ 17ന് ഡയറക്ടർ സർക്കുലർ പിൻവലിച്ചു. ട്രൈബ്യൂണൽ കേസ് വെള്ളിയാഴ്ച വീണ്ടും പരിഗണിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.