വടകര തിരുവള്ളൂരിൽ ഭാര്യയും ഭർത്താവും മരിച്ച നിലയിൽ

തിരുവള്ളൂർ: വടകര തിരുവള്ളൂർ കാഞ്ഞിരാട്ടുതറയിൽ അർബുദ രോഗിയായ വീട്ടമ്മയും ഭർത്താവും വീട്ടിനകത്ത് മരിച്ച നിലയിൽ. കുയ്യാലിൽ മീത്തൽ ഗോപാലൻ (68), ഭാര്യ ലീല (63) എന്നിവരാണ് മരിച്ചത്. തിങ്കളാഴ്ച പുലർച്ചെ അഞ്ചു മണിയോടെയാണ് സംഭവം നാട്ടുകാർ അറിയുന്നത്.

ലീലയുടെ മൃതദേഹം കിടപ്പുമുറിയിലെ കട്ടിലിനടിയിലും ഗോപാലൻ തൂങ്ങി മരിച്ച നിലയിലുമാണ്. ഭാര്യയെ കഴുത്ത് ഞെരിച്ച് കൊന്ന ശേഷം ഭർത്താവ് ആത്മഹത്യ ചെയ്തതാണെന്നാണ് പ്രാഥമിക നിഗമനം. ഇവർക്കു മക്കളില്ല. വടകര പൊലീസ് സ്ഥലത്തെത്തി അന്വേഷണം ആരംഭിച്ചു.