തൃശൂര്‍: വെള്ളികുളങ്ങരയില്‍ ഭര്‍ത്താവ് തീ കൊളുത്തിയ യുവതി ദലിത് യുവതി മരിച്ചു. വെള്ളികുളങ്ങര സ്വദേശി ജിത്തുവാണ് കൊല്ലപ്പെട്ടത്. ഞായറാഴ്ചയാണ് സംഭവം നടന്നത്. യുവതിയുടെ ഭർത്താവ് വിരാജു ആണ് ജിത്തുവിനെ പെട്രോളൊഴിച്ച ശേഷം ജീവനോടെ കത്തിച്ചത്. ഗുരുതര പൊള്ളലേറ്റ് മെഡിക്കൽ കോളെജിൽ ചികിത്സയിലായിരുന്ന ജിത്തു ഇന്ന് പുലർച്ചെ മരണത്തിന് കീഴടങ്ങി. പ്രതി വിരാജു ഒളിവിലാണ്.
ഇരുവരും ഏറെ നാളായി പിരിഞ്ഞ് താമസിക്കുകയായിരുന്നു. വായ്പ തിരിച്ചടക്കാനായി കുടുംബശ്രീ യോഗത്തിനെത്തിയ ജിത്തുവിനെ ആസൂത്രിതമായാണ് ഇയാൾ കൊലപ്പെടുത്തിയത്. യോഗം കഴിഞ്ഞ് ജിത്തു പുറത്തിറങ്ങിയപ്പോഴാണ് സംഭവം.
ഇരുപതിലേറെപ്പേർ നോക്കി നിൽക്കെയാണ് ക്രൂരകൃത്യം നടന്നത്. സംഭവസമയം യുവതിയുടെ അഛനും ഇവിടെയുണ്ടായിരുന്നു. തീ ആളിക്കത്തിയതോടെ ഒന്നും ചെയ്യാൻ കഴിയാത്ത സാഹചര്യമായിരുന്നുവെന്നാണ് നാട്ടുകാരുടെ പ്രതികരണം. ഒളിവിലുള്ള വിരാജുവിനായി പൊലീസ് അന്വേഷണം ഊർജിതമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.