സംവരണ അട്ടിമറി: അലോട്ട്​മെൻറ്​ റദ്ദാക്കുന്നത്​ രണ്ടാം തവണ

തി​രു​വ​ന​ന്ത​പു​രം: ഗു​രു​ത​ര ക്ര​​മ​ക്കേ​ടി​നെ തു​ട​ർ​ന്ന്​ സം​സ്ഥാ​ന​ത്ത്​ എ​ൻ​ജി​നീ​യ​റി​ങ്​ അ​ലോ​ട്ട്​​മെ​ന്‍റ്​ റ​ദ്ദാ​ക്കു​ന്ന​ത്​ ര​ണ്ടാം​ത​വ​ണ. 2020ലാ​ണ്​ അ​ന്തി​മ അ​ലോ​ട്ട്​​മെ​ന്‍റ്​ പ​ട്ടി​ക പി​ൻ​വ​ലി​ക്കേ​ണ്ടി വ​ന്ന​ത്. അ​ന്ന്​ ന്യൂ​ന​പ​ക്ഷ പ​ദ​വി മ​റി​ക​ട​ന്ന്​ മു​ന്നാ​ക്ക സം​വ​ര​ണം ന​ട​പ്പാ​ക്കി​യ​ത്​ ചൂ​ണ്ടി​ക്കാ​ട്ടി മാ​ധ്യ​മം വാ​ർ​ത്ത പ്ര​സി​ദ്ധീ​ക​രി​ച്ച​തി​നെ തു​ട​ർ​ന്നാ​ണ്​ അ​ലോ​ട്ട്​​മെ​ന്‍റ്​ റ​ദ്ദാ​ക്കി​യ​ത്.

അ​ലോ​ട്ട്​​മെ​ന്‍റി​ൽ പി​ഴ​വി​ല്ലെ​ന്ന്​ പ്ര​വേ​ശ​ന പ​രീ​ക്ഷാ ക​മീ​ഷ​ണ​റേ​റ്റ്​ വാ​ദം ഉ​ന്ന​യി​ച്ചെ​ങ്കി​ലും മാ​ധ്യ​മം വാ​ർ​ത്ത വ​ന്ന​തോ​ടെ​ പ​ട്ടി​ക ഒ​ന്ന​ട​ങ്കം റ​ദ്ദാ​ക്കി അ​ന്വേ​ഷ​ണ​ത്തി​ന്​ ഉ​ത്ത​ര​വി​ടേ​ണ്ടി​വ​രി​ക​യാ​യി​രു​ന്നു.

ഇ​ത്ത​വ​ണ സം​വ​ര​ണ വി​ഭാ​ഗ​ങ്ങ​ളെ സം​വ​ര​ണ സീ​റ്റി​ൽ മാ​ത്രം ഒ​തു​ക്കാ​നാ​യി ​േഫ്ലാ​ട്ടി​ങ്​ സം​വ​ര​ണം നി​ർ​ത്ത​ലാ​ക്കാ​ൻ ഉ​ന്ന​ത വി​ദ്യാ​ഭ്യാ​സ വ​കു​പ്പ്​ ര​ഹ​സ്യ സ​ർ​ക്കു​ല​ർ പ്ര​വേ​ശ​ന പ​രീ​ക്ഷാ ക​മീ​ഷ​ണ​റേ​റ്റി​ന്​ ന​ൽ​കി​യ​തും മാ​ധ്യ​മം ആ​ണ്​ പു​റ​ത്തു​കൊ​ണ്ടു​വ​ന്ന​ത്. സം​വ​ര​ണ വി​ഭാ​ഗ​ങ്ങ​ൾ​ക്ക്​ വ​ൻ സീ​റ്റ്​ ന​ഷ്ടം സം​ഭ​വി​ക്കു​മെ​ന്നും വ്യ​ക്​​ത​മാ​യ​തോ​ടെ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ഇ​ട​പെ​ട്ട്​ സ​ർ​ക്കു​ല​ർ ന​ട​പ്പാ​ക്കു​ന്ന​ത്​ ത​ട​ഞ്ഞു. 2019ൽ ​മെ​ഡി​ക്ക​ൽ പ്ര​വേ​ശ​ന​ത്തി​ന്​ മു​ന്നാ​ക്ക സം​വ​ര​ണം ന​ട​പ്പാ​ക്കി​യ​പ്പോ​ൾ ഇ​ത​ര സം​വ​ര​ണ വി​ഭാ​ഗ​ങ്ങ​ൾ​ക്ക്​ ല​ഭി​ക്കേ​ണ്ട സ​ർ​ക്കാ​ർ മെ​ഡി​ക്ക​ൽ കോ​ള​ജു​ക​ളി​ലെ 21 എം.​ബി.​ബി.​എ​സ്​ സീ​റ്റു​ക​ൾ ഇ.​ഡ​ബ്ല്യു.​എ​സ്​ വി​ഭാ​ഗ​ത്തി​ന്​ ന​ൽ​കി​യ​തും മാ​ധ്യ​മം വാ​ർ​ത്ത​യെ തു​ട​ർ​ന്ന്​ റ​ദ്ദാ​ക്കി​യി​രു​ന്നു. 

എ​ൻ​ജി​നീ​യ​റി​ങ്: സംവരണ വിഭാഗങ്ങൾക്ക്​ തിരികെ ലഭിച്ചത്​ ആയിരത്തോളം സീറ്റ്​

തി​രു​വ​ന​ന്ത​പു​രം: സം​വ​ര​ണം അ​ട്ടി​മ​റി​ച്ചു​ള്ള മൂ​ന്നാം അ​ലോ​ട്ട്​​മെ​ന്‍റ്​ ന​ട​പ​ടി റ​ദ്ദാ​ക്കി​യ​തി​ലൂ​ടെ ഒ.​ബി.​സി, എ​സ്.​സി വി​ഭാ​ഗ​ങ്ങ​ൾ​ക്ക്​ തി​രി​കെ ല​ഭി​ക്കു​ന്ന​ത് സ​ർ​ക്കാ​ർ കോ​ള​ജി​ലേ​ത്​ ഉ​ൾ​പ്പെ​ടെ​ നൂ​റു​ക​ണ​ക്കി​ന്​ എ​ൻ​ജി​നീ​യ​റി​ങ്​ സീ​റ്റ്. കേ​ര​ള​ത്തി​ൽ റാ​ങ്കി​ങി​ൽ ഒ​ന്നാം സ്ഥാ​ന​ത്തു​ള്ള തി​രു​വ​ന​ന്ത​പു​രം കോ​ള​ജ്​ ഓ​ഫ്​ എ​ൻ​ജി​നീ​യ​റി​ങി​ൽ മാ​ത്രം 27 വി​ദ്യാ​ർ​ഥി​ക​ളെ​യാ​ണ്​ അ​ർ​ഹ​ത​യു​ണ്ടാ​യി​ട്ടും സ്​​റ്റേ​റ്റ്​ മെ​റി​റ്റ്​ സീ​റ്റി​ലേ​ക്ക്​ മാ​റ്റാ​തെ സം​വ​ര​ണ സീ​റ്റി​ൽ ഒ​തു​ക്കി​യ​ത്. ഇ​വ​ർ മെ​റി​റ്റ്​ സീ​റ്റി​ലേ​ക്ക്​ മാ​റു​ന്ന​തോ​ടെ അ​തേ സം​വ​ര​ണ വി​ഭാ​ഗ​ത്തി​ലെ അ​ത്ര​യും വി​ദ്യാ​ർ​ഥി​ക​ൾ​ക്ക് സം​വ​ര​ണ സീ​റ്റി​ലേ​ക്ക്​ അ​ധി​ക​മാ​യി വ​രാ​ൻ ക​ഴി​യു​മാ​യി​രു​ന്നു. ഇ​തി​നു​ള്ള അ​വ​സ​ര​മാ​ണ്​ ത​ട​യാ​ൻ ശ്ര​മം ന​ട​ന്ന​ത്.

ഒ​മ്പ​ത്​ സ​ർ​ക്കാ​ർ കോ​ള​ജു​ക​ളി​ൽ​നി​ന്നാ​യി ഏ​ക​ദേ​ശം 300 ല​ധി​കം സീ​റ്റാ​ണ്​ സം​വ​ര​ണ വി​ഭാ​ഗം വി​ദ്യാ​ർ​ഥി​ക​ൾ​ക്ക്​ ന​ഷ്​​ട​പ്പെ​ടേ​ണ്ടി​യി​രു​ന്ന​ത്. സീ​റ്റ്​ ഡി​മാ​ന്‍റു​ള്ള പ്ര​ധാ​ന സ്വാ​ശ്ര​യ കോ​ള​ജു​ക​ൾ കൂ​ടി പ​രി​ഗ​ണി​ക്കു​മ്പോ​ൾ ഈ ​സീ​റ്റ്​ ന​ഷ്ടം ആ​യി​ര​ത്തോ​ളം വ​രു​മെ​ന്നാ​ണ്​ ഏ​ക​ദേ​ശ ക​ണ​ക്ക്. ഇ​ത്ര​യും സീ​റ്റ്​ സം​വ​ര​ണ വി​ഭാ​ഗ​ത്തി​നു​ ന​ഷ്ട​പ്പെ​ടു​ന്ന​താ​ണ്​ ‘മാ​ധ്യ​മം’ വാ​ർ​ത്ത​യി​ലൂ​ടെ ത​ട​യ​​പ്പെ​ട്ട​ത്.

പു​തു​ക്കി​യ അ​ലോ​ട്ട്​​മെ​ന്‍റ്​ പ്ര​സി​ദ്ധീ​ക​രി​ച്ച​പ്പോ​ൾ തി​രു​വ​ന​ന്ത​പു​രം സി.​ഇ.​ടി​യി​ൽ മാ​ത്രം 27 വി​ദ്യാ​ർ​ഥി​ക​ളെ സം​വ​ര​ണ സീ​റ്റി​ൽ നി​ന്ന്​ മെ​റി​റ്റ്​ സീ​റ്റി​ലേ​ക്ക്​ മാ​റ്റി. പ​ക​രം 27 പേ​ർ​ക്ക്​ സം​വ​ര​ണ സീ​റ്റി​ൽ അ​ലോ​ട്ട്​​മെ​ന്‍റാ​യി.

ഇ​തി​ൽ 10 പേ​ർ മു​സ്​​ലിം വി​ദ്യാ​ർ​ഥി​ക​ളും എ​ട്ടു പേ​ർ ഈ​ഴ​വ വി​ഭാ​ഗ​ത്തി​ൽ​നി​ന്നും ര​ണ്ടു പേ​ർ പി​ന്നാ​ക്ക ഹി​ന്ദു വി​ഭാ​ഗ​ത്തി​ൽ നി​ന്നു​മാ​ണ്. ഇ​തി​ന്​ പു​റ​മെ വി​ശ്വ​ക​ർ​മ, ലാ​റ്റി​ൻ കാ​ത്ത​ലി​ക്, പി​ന്നാ​ക്ക കൃ​സ്ത്യ​ൻ, എ​സ്.​സി വി​ഭാ​ഗ​ങ്ങ​ൾ​ക്കും വി​വി​ധ സ​ർ​ക്കാ​ർ കോ​ള​ജു​ക​ളി​ൽ അ​ർ​ഹ​ത​പ്പെ​ട്ട സീ​റ്റ്​ തി​രി​കെ ല​ഭി​ച്ചു.

രണ്ടായിരത്തിലേറെ പേരുടെ പ്രവേശനം മാറിമറിഞ്ഞു; പാതിവഴിയിൽ കുരുങ്ങി വിദ്യാർഥികളും രക്ഷിതാക്കളും

തി​രു​വ​ന​ന്ത​പു​രം: സം​വ​ര​ണ അ​ട്ടി​മ​റി​യെ തു​ട​ർ​ന്ന്​ എ​ൻ​ജി​നീ​യ​റി​ങ്​ മൂ​ന്നാം അ​ലോ​ട്ട്​​മെ​ന്‍റ്​ പി​ൻ​വ​ലി​ച്ച്​ പു​തു​ക്കി​യ പ​ട്ടി​ക പ്ര​സി​ദ്ധീ​ക​രി​ച്ച​പ്പോ​ൾ ര​ണ്ടാ​യി​ര​ത്തി​ലേ​റെ വി​ദ്യാ​ർ​ഥി​ക​ളു​ടെ അ​ലോ​ട്ട്​​മെ​ന്‍റി​ൽ മാ​റ്റം. താ​ൽ​ക്കാ​ലി​ക അ​ലോ​ട്ട്​​മെ​ന്‍റി​ൽ സ​ർ​ക്കാ​ർ കോ​ള​ജു​ക​ളി​ലെ സ്​​റ്റേ​റ്റ്​ മെ​റി​റ്റ്​ സീ​റ്റു​ക​ളി​ലേ​ക്ക്​ അ​ലോ​ട്ട്​ ചെ​യ്ത​വ​രി​ൽ ന​ല്ലൊ​രു ശ​ത​മാ​ന​വും പു​റ​ത്താ​യി. പ​ക​രം ഈ ​സീ​റ്റു​ക​ളി​ലേ​ക്ക്​ സം​വ​ര​ണ വി​ഭാ​ഗ​ത്തി​ൽ​നി​ന്ന്​ അ​ർ​ഹ​ത​യു​ള്ള​വ​ർ​ക്ക്​ മാ​റ്റം​ല​ഭി​ച്ചു.

പ​ല വി​ദ്യാ​ർ​ഥി​ക​ൾ​ക്കും കോ​ഴ്​​സും കോ​ള​ജും മാ​റി​യി​ട്ടി​ല്ലെ​ങ്കി​ലും അ​ലോ​ട്ട്​​മെ​ന്‍റ്​ ന​ൽ​കി​യ സീ​റ്റി​ലാ​ണ്​ മാ​റ്റം. ഇ​വ​ർ​ക്ക്​ മെ​റി​റ്റ്​ സീ​റ്റി​ലേ​ക്ക്​ മാ​റ്റം ല​ഭി​ച്ച​തോ​ടെ ഒ​ഴി​ഞ്ഞ സം​വ​ര​ണ സീ​റ്റി​ലേ​ക്ക്​ അ​തേ സം​വ​ര​ണ വി​ഭാ​ഗ​ത്തി​ൽ നി​ന്നു​ള്ള​വ​ർ​ക്ക്​ ക​യ​റ്റം ല​ഭി​ച്ചു. ഇ​തി​ന​നു​സൃ​ത​മാ​യി ഇ​വ​ർ​ക്ക്​ പി​റ​കി​ൽ നി​ൽ​ക്കു​ന്ന​വ​ർ​ക്ക്​ കോ​ള​ജി​ലോ കോ​ഴ്​​സി​ലോ സീ​റ്റി​ലോ മാ​റ്റം​വ​ന്നു.

അ​തേ​സ​മ​യം, ​വ്യാ​ഴാ​ഴ്ച അ​ർ​ധ​രാ​ത്രി​യോ​ടെ മൂ​ന്നാം അ​ന്തി​മ അ​ലോ​ട്ട്​​മെ​ന്‍റ്​ പ്ര​സി​ദ്ധീ​ക​രി​ക്കു​മെ​ന്ന വി​​ശ്വാ​സ​ത്തി​ൽ വെ​ള്ളി​യാ​ഴ്ച കോ​ള​ജി​ൽ പ്ര​വേ​ശ​നം നേ​ടാ​നാ​യി പു​റ​പ്പെ​ട്ട ഒ​ട്ടേ​റെ പേ​ർ അ​ലോ​ട്ട്​​മെ​ന്‍റ്​ റ​ദ്ദാ​ക്കി​യ​തോ​ടെ പെ​രു​വ​ഴി​യി​ലാ​യി.

ദൂ​ര​ദി​ക്കു​ക​ളി​ൽ​നി​ന്ന്​ യാ​ത്ര പു​റ​പ്പെ​വ​ർ​ക്ക് വെ​ള്ളി​യാ​ഴ്ച കോ​ള​ജി​ൽ പ്ര​വേ​ശ​നം നേ​ടാ​നാ​യ​തു​മി​ല്ല. ഉ​ന്ന​ത വി​ദ്യാ​ഭ്യാ​സ മ​ന്ത്രി​യു​ടെ ഓ​ഫി​സി​ൽ ഉ​ൾ​പ്പെ​ടെ വ്യാ​പ​ക പ​രാ​തി എ​ത്തി​യ​തോ​ടെ​യാ​ണ്​ പു​തു​ക്കി​യ അ​ലോ​ട്ട്​​മെ​ന്‍റ്​ പ്ര​സി​ദ്ധീ​ക​രി​ച്ച​ത്.