കൊച്ചി: രാഹുൽ ഗാന്ധിക്കെതിരെ അശ്ലീല പരാമർശം നടത്തിയ ഇടുക്കി മുൻ എം.പി ജോയ്സ് ജോർജിനെതിരെ രാഹുലിന്‍റെ കേരളത്തിലെ 'അമ്മമാർ'. അപഖ്യാതി പറഞ്ഞുണ്ടാക്കിയ േജായ്സ് ജോർജിന് മാനസിക രോഗമുണ്ടെങ്കിൽ ചികിത്സക്ക് പോകണം. പെൺപിള്ളേർ രാഹുലിനെ കാണുന്നത് കൂട്ടുകാരനെ പോലെയോ സഹോദരനെ പോലയോ ആണ് എന്നും അവർ കൂട്ടിച്ചേർത്തു.
തെരഞ്ഞെടുപ്പ് പ്രചാരണത്തിന് കഴിഞ്ഞയാഴ്ച കേരളത്തിലെത്തിയ രാഹുലിനെ ഉഴവൂരിൽ നിന്നു കൂത്താട്ടുകുളത്തേക്കുള്ള യാത്രയിലാണ് ആറുകാക്കൽ ഏലിക്കുട്ടി ചാക്കോയും അന്നമ്മ ചാണ്ടിയും കണ്ടുമുട്ടുന്നത്. സോണിയ ഗാന്ധിയോട് അന്വേഷണം പറയണമെന്ന് ഏലിക്കുട്ടി രാഹുലിനെ പറഞ്ഞേൽപിച്ചു. സോണിയാ ഗാന്ധിയെയും ഇന്ദിരാ ഗാന്ധിയെയും അറിയാവുന്നവരാണ് ഞങ്ങളൊക്കെയെന്ന് അന്നമ്മ ഡയലോഗടിച്ചിരുന്നു. കാറിന് പുറത്തിറങ്ങിയ രാഹുലിനെ അന്നമ്മ കെട്ടിപ്പിടിച്ച് ഉമ്മവെക്കുന്ന വിഡിയോകൾ സമൂഹ മാധ്യമങ്ങളിൽ വൈറലായിരുന്നു. ഇരുവർക്കുമൊപ്പമുള്ള വിഡിയോയും ചിത്രങ്ങളും രാഹുൽ ഗാന്ധി സോഷ്യൽ മീഡിയയിൽ പങ്കുവെച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.