തിരുവനന്തപുരം: മുഖ്യമന്ത്രി പിണറായി വിജയനെതിരെ രൂക്ഷവിമർശനവുമായി കോൺഗ്രസ് നേതാവും നേമത്തെ യു.ഡി.എഫ് സ്ഥാനാർഥിയുമായ കെ. മുരളീധരൻ. മുഖ്യമന്ത്രി എത്ര ശരണം വിളിച്ചാലും അയ്യപ്പൻ ക്ഷമിക്കില്ലെന്നും വിശ്വാസികളെ വഞ്ചിച്ച സർക്കാറാണിതെന്നും അദ്ദേഹം വിമർശിച്ചു. വട്ടിയൂർക്കാവ് മണ്ഡലത്തിലെ ജവഹർനഗർ സ്കൂളിൽ വോട്ട് രേഖപ്പെടുത്തിയ ശേഷം പ്രതികരിക്കുകയായിരുന്നു അദ്ദേഹം.
ശരണം വിളിക്കേണ്ട സമയത്ത് പ്രധാനമന്ത്രിയും മുഖ്യമന്ത്രിയും ശരണം വിളിച്ചില്ല. അതിെൻറ ദോഷം ഈ സർക്കാർ ഇനി അനുഭവിച്ചേ മതിയാകൂ. സംസ്ഥാനത്ത് തുടർഭരണമുണ്ടാകില്ല. 80 സീറ്റുകൾനേടി യു.ഡി.എഫ് അധികാരത്തിൽ വരും. നേമത്ത് ശക്തമായ ത്രികോണ മത്സരമാണ് നടക്കുന്നത്. അവിടെ നിന്ന് വലിയ ഭൂരിപക്ഷത്തിൽ താൻ വിജയിക്കും. സംസ്ഥാനത്ത് ബി.ജെ.പി ഇത്തവണ വട്ടപ്പൂജ്യമാകും. 'ക്യാപ്റ്റൻ' ഒരിക്കലും 'ലീഡർ' എന്ന പേരിന് ബദൽ ആകില്ല. ക്യാപ്റ്റനെ പി. ജയരാജൻപോലും അംഗീകരിക്കുന്നിെല്ലന്നും അദ്ദേഹം പ്രതികരിച്ചു. ക്യാപ്റ്റനെന്ന് വിളിക്കുന്നത് കരുണാകരനെ ലീഡർ എന്ന് വിളിക്കുന്നത് പോലെയാണെന്ന് കോടിയേരി ബാലകൃഷ്ണൻ നേരത്തേ പറഞ്ഞിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.