കെ-ഫോൺ ശൃംഖല വാടകക്കും; കോടികൾ പ്രതീക്ഷ

തി​രു​വ​ന​ന്ത​പു​രം: ദ​രി​ദ്ര്യ​രേ​ഖ​ക്ക്​​ താ​​​ഴെ​യു​ള്ള കു​ടും​ബ​ങ്ങ​ൾ​ക്ക്​ സൗ​ജ​ന്യ ഇ​ൻ​റ​​ർ​നെ​റ്റ്​ എ​ന്ന​തി​നൊ​പ്പം സ്വ​കാ​ര്യ സേ​വ​ന​ദാ​താ​ക്ക​ൾ​ക്ക്​ ഒ​പ്​​റ്റി​ക്ക​ൽ ഫൈ​ബ​ർ ശൃം​ഖ​ല വാ​ട​ക​ക്ക്​ ന​ൽ​കു​ക വ​ഴി കെ-​ഫോ​ൺ പ്ര​തീ​ക്ഷി​ക്കു​ന്ന​ത്​ കോ​ടി​ക​ളു​ടെ വ​രു​മാ​നം. ഐ.​എ​സ്.​പി ലൈ​സ​ൻ​സ്​ ല​ഭി​ച്ച​തി​നു​ പി​ന്നാ​ലെ ഇ​തി​നു​ള്ള ന​ട​പ​ടി​ക​ളും സ​ർ​ക്കാ​ർ സ​ജീ​വ​മാ​ക്കി.

'ലീ​സ്​ ടു ​ലൈ​ൻ' എ​ന്നാ​ണ്​ വാ​ട​ക​ദൗ​ത്യ​ത്തി​ന്​ പേ​ര്​. നി​ല​വി​ൽ 48 ഫൈ​ബ​റാ​ണ്​ കേ​ബി​ൾ ലൈ​നു​ക​ളി​ലു​ള്ള​ത്​. കെ-​ഫോ​ണി​നും കെ.​എ​സ്.​ഇ.​ബി​ക്കു​മാ​യി 20-22 ഫൈ​ബ​ർ ലൈ​നു​ക​ളാ​ണ്​ വേ​ണ്ടി​വ​രു​ക. ശേ​ഷി​ക്കു​ന്ന 26 ലൈ​നു​ക​ളാ​ണ്​ സ്വ​കാ​ര്യ ഇ​ന്‍റ​ർ​നെ​റ്റ്​ സേ​വ​ന​ദാ​താ​ക്ക​ൾ​ക്കു വാ​ട​ക​​ക്ക്​ ന​ൽ​കു​ന്ന​ത്. കെ-​ഫോ​ണി​നാ​യി 30,000 കി​ലോ​മീ​റ്റ​ർ ശൃം​ഖ​ല​യാ​ണ്​ സം​സ്ഥാ​ന​ത്താ​കെ സ​ജ്ജ​മാ​ക്കി​യ​ത്. ഒ​രു കി​ലോ​മീ​റ്റ​ർ നെ​റ്റ്​​വ​ർ​ക്കി​ന്​ 20,000 രൂ​പ വാ​ട​ക നി​ശ്ച​യി​ച്ചാ​ലും വ​ലി​യ തു​ക വ​രു​മാ​ന​മാ​യി ല​ഭി​ക്കു​മെ​ന്നാ​ണ്​ പ്ര​തീ​ക്ഷ. 30,000 കി​ലോ​മീ​റ്റ​ർ നെ​റ്റ്​​വ​ർ​ക്ക്​ 20,000 രൂ​പ​ക്ക്​​ വാ​ട​ക​ക്ക്​​ ന​ൽ​കി​യാ​ൽ 60 കോ​ടി രൂ​പ ല​ഭി​ക്കും. ഇ​ത്​ ഒ​രു ലൈ​നി​ൽ​നി​ന്നു​ള്ള വ​രു​മാ​ന​മാ​ണ്. ഇ​ത്ത​ര​ത്തി​ൽ ല​ഭി​ക്കു​ന്ന വ​രു​മാ​നം പ​ദ്ധ​തി​ച്ചെ​ല​വു​ക​ൾ​ക്കും അ​റ്റ​കു​റ്റ​പ്പ​ണി​ക്കു​മാ​യി വി​നി​യോ​ഗി​ക്കാ​നാ​ണ്​ തീ​രു​മാ​നം.

ഭാ​ര​ത്​ ഇ​ല​ക്​​ട്രി​ക്​ ലി​മി​റ്റ​ഡി​നാ​ണ്​ കെ-​ഫോ​ൺ ശൃം​ഖ​ല​യി​ലെ അ​റ്റ​കു​റ്റ​പ്പ​ണി ചു​മ​ത​ല. ഏ​ഴു​ വ​ർ​ഷ​ത്തേ​ക്ക് 368 കോ​ടി​യാ​ണ്​ അ​റ്റ​കു​റ്റ​പ്പ​ണി​ക്കു​ ചെ​ല​വ്​ ക​ണ​ക്കാ​ക്കു​ന്ന​ത്. ഗാ​ർ​ഹി​ക ക​ണ​ക്ഷ​നി​ൽ ത​ട​സ്സം നേ​രി​ട്ടാ​ൽ നാ​ലു​ മ​ണി​ക്കൂ​റി​നു​ള്ളി​ൽ പ​രി​ഹ​രി​ക്ക​ണ​മെ​ന്നാ​ണ്​ വ്യ​വ​സ്ഥ. ഇ​തി​ന്​ ജി​ല്ല അ​ടി​സ്ഥാ​ന​ത്തി​ൽ സം​ഘ​ങ്ങ​​ളെ വി​ന്യ​സി​ക്കും. ഒ​രു ജി​ല്ല​യി​ൽ​ത​ന്നെ നാ​ലും​ അ​ഞ്ചും സം​ഘ​ങ്ങ​ളും വാ​ഹ​ന​ങ്ങ​ളു​മു​ണ്ടാ​കും.

കെ-​ഫോ​ണി​ന്​ വ​രു​മാ​ന മാ​ർ​ഗ​ങ്ങ​ൾ ക​ണ്ടെ​ത്തു​ന്ന​തി​നു ശി​പാ​ർ​ശ സ​മ​ർ​പ്പി​ക്കാ​ൻ പ്ര​ത്യേ​ക സ​മി​തി​യെ​യും സ​ർ​ക്കാ​ർ നി​യോ​ഗി​ച്ചി​ട്ടു​ണ്ട്. ചീ​ഫ്​ സെ​ക്ര​ട്ട​റി​യു​ടെ നേ​തൃ​ത്വ​ത്തി​ൽ ധ​ന​കാ​ര്യ സെ​ക്ര​ട്ട​റി, ഐ.​ടി സെ​ക്ര​ട്ട​റി, ഡി​ജി​റ്റ​ൽ യൂ​നി​വേ​ഴ്​​സി​റ്റി വൈ​സ്​ ചാ​ൻ​സ​ല​ർ, കെ.​എ​സ്.​ഐ.​ടി.​ഐ.​എ​ൽ എം.​ഡി എ​ന്നി​വ​രാ​ണ്​ സ​മി​തി​യി​ലു​ള്ള​ത്. ദാ​രി​ദ്ര്യ​രേ​ഖ​ക്കു​ മു​ക​ളി​ലു​ള്ള കു​ടും​ബ​ങ്ങ​ൾ​ക്കും നി​ര​ക്ക്​ ഈ​ടാ​ക്കി ഇ​ന്‍റ​ർ​നെ​റ്റ്​ ല​ഭ്യ​മാ​ക്കും. ഇ​തി​നു​ള്ള താ​രീ​ഫ്​ കെ.​എ​സ്.​ഐ.​ടി.​ഐ.​എ​ൽ ത​യാ​റാ​ക്കി സ​ർ​ക്കാ​ർ അ​നു​മ​തി​ക്കു കാ​ത്തി​രി​ക്കു​ക​യാ​ണ്. 

ആദ്യഘട്ടത്തിൽ സൗജന്യ ഇന്‍റർനെറ്റ് 14,000 കുടംബങ്ങൾക്ക്

തിരുവനന്തപുരം: കെ-ഫോൺ വഴി സംസ്ഥാനത്ത് ആദ്യഘട്ടത്തിൽ നൽകുന്നത് ദാരിദ്ര്യ രേഖക്ക് താഴെ വരുന്ന 14,000 കുടുംബങ്ങൾക്കുള്ള സൗജന്യ ഇന്‍റർനെറ്റ് കണക്ഷൻ.

ഒരു നിയോജകമണ്ഡലത്തിൽ 100 കുടുംബങ്ങൾക്ക് വീതമാണ് സേവനം ലഭ്യമാക്കുക. ഗുണഭോക്താക്കളെ തെരഞ്ഞെടുത്ത് പട്ടിക കൈമാറേണ്ട ചുമതല തദ്ദേശ സ്ഥാപനങ്ങൾക്കാണ്. ഇൻറർനെറ്റ് സർവിസ് പ്രൊവൈഡർ ലൈസൻസ് ലഭിച്ചതോടെ നടപടി വേഗത്തിലായിട്ടുണ്ടെങ്കിലും തദ്ദേശ സ്ഥാപനങ്ങൾ ഇതുവരെ പട്ടിക കൈമാറിയിട്ടില്ല.

സെക്കന്‍ഡിൽ 15 എം.ബി വേഗത്തിലാണ് കുടുംബങ്ങൾക്കുള്ള ഇന്‍റർനെറ്റ് ലഭ്യത. പ്രതിമാസം 150 ജി.ബി വരെ ഉപയോഗിക്കാം.

പ്രദേശിക സേവന ദാതാക്കൾ വഴിയാണ് ഇന്‍റർനെറ്റ് ലഭ്യമാക്കുക. ഇതിന്‍റെ ടെൻഡർ നടപടികളെല്ലാം പൂർത്തിയായി. ഇൻറർനെറ്റ് സർവിസ് പ്രൊവൈഡർ ലൈസൻസ് ലഭിച്ച ശേഷം കണക്ഷൻ നൽകിയാൽ മതിയെന്നായിരുന്നു സർക്കാർ നിലപാട്.