കവർന്ന ബിജെ.പി 'തെരഞ്ഞെടുപ്പ്​ ഫണ്ട്​' തിരിച്ചേൽപിച്ച്​ തടിയൂരാൻ നീക്കം

തൃ​ശൂ​ർ: തെരഞ്ഞെടുപ്പിനോടനുബന്ധിച്ച്​ കടത്തിയിരുന്ന പണം കൊ​ട​ക​ര​യിൽ കൃത്രിമ അപകടമുണ്ടാക്കി തട്ടിയെടുത്ത കേസിൽ പ്രതിപ്പട്ടികയിൽ ഉൾപെടാതിരിക്കാനുള്ള നീക്കം സജീവം.  പ്ര​തി​ക​ളി​ൽ​നി​ന്ന്​ പ​ണം കൈ​പ്പ​റ്റി​യ​വ​രി​ൽ ചി​ല​ർ പൊ​ലീ​സി​നെ തി​രി​ച്ചേ​ൽ​പി​ച്ചു. ആ​ദ്യം നി​ഷേ​ധി​ച്ച​വ​രാ​ണ് പി​ന്നീ​ട് പ​ണ​മെ​ത്തി​ക്കു​ന്ന​ത്. തി​രി​ച്ചേ​ൽ​പി​ച്ചി​ല്ലെ​ങ്കി​ൽ പ്ര​തി​പ്പ​ട്ടി​ക​യി​ൽ ഇ​ടം നേ​ടു​മെ​ന്ന പൊ​ലീ​സി​െൻറ മു​ന്ന​റി​യി​പ്പി​ലാ​ണ് പ​ണം തി​രി​ച്ചേ​ൽ​പി​ച്ചു തു​ട​ങ്ങി​യ​ത്. എ​ന്നാ​ൽ, പ​ല​രും തി​രി​ച്ചേ​ൽ​പി​ച്ചി​ട്ടി​ല്ല, അ​വ​രെ കൂ​ട്ടു​പ്ര​തി​യാ​ക്കു​ന്ന​ത​ട​ക്ക​മു​ള്ള തീ​രു​മാ​ന​ങ്ങ​ളി​ലേ​ക്ക് ക​ട​ക്കാ​നാ​ണ് പൊ​ലീ​സ് തീ​രു​മാ​നം.

ബി​.ജെ.പിയുടെ തെരഞ്ഞെടുപ്പ്​ പ്രവർത്തനങ്ങൾക്കുള്ള പണം പാർട്ടി നേതാക്കളുടെ അറിവോടെ കൃത്രിമ അപകടമുണ്ടാക്കി തട്ടിയെടുക്കുകയായിരുന്നു. രേഖകളില്ലാത്ത പണമായതിനാൽ എത്ര തുകയാണ്​ വാഹനത്തിൽ ഉണ്ടായിരുന്നത്​ എന്നത്​ സംബന്ധിച്ച്​ ഇപ്പോഴും അവ്യക്​തതയുണ്ട്​. അ​റ​സ്​​റ്റി​ലാ​യ​വ​ർ പ​ല​രും അ​വ​ർ​ക്ക് കി​ട്ടി​യ തു​ക​യി​ൽ നിന്ന്​ ബ​ന്ധു​ക്ക​ൾ​ക്കും അ​ടു​പ്പ​ക്കാ​ർ​ക്കും ന​ൽ​കി​യി​രു​ന്നു. 19 പ്ര​തി​ക​ളെ​യാ​ണ് കേ​സി​ൽ ഉ​ൾ​പ്പെ​ടു​ത്തി​യ​ത്. ഒ​രാ​ളെ കൂ​ടി പി​ടി​കൂ​ടാ​നു​ണ്ട്.

ക​സ്​​റ്റ​ഡി​യി​ൽ വാ​ങ്ങി​യ നാ​ല് പ്ര​തി​ക​ളു​മാ​യി പൊ​ലീ​സ് ക​ണ്ണൂ​ർ, കൂ​ത്തു​പ​റ​മ്പ്, മ​ട്ട​ന്നൂ​ർ എ​ന്നി​വി​ട​ങ്ങ​ളി​ലെ​ത്തി തെ​ളി​വെ​ടു​ത്തു. വെ​ള്ളി​യാ​ഴ്ച ഇ​വ​രെ വ​യ​നാ​ട്ടി​ലെ​ത്തി​ച്ച് തെ​ളി​വെ​ടു​ക്കും. ഇ​തി​നി​ടെ പ്ര​തി​ക​ളി​ൽ ചി​ല​ർ​ക്ക് കോ​വി​ഡ് ല​ക്ഷ​ണ​ൾ ക​ണ്ട​തി​നാ​ൽ കൂ​ടു​ത​ൽ പ്ര​തി​ക​ളെ ക​സ്​​റ്റ​ഡി​യി​ലെ​ടു​ത്ത് േചാ​ദ്യം ചെ​യ്യാ​നും തെ​ളി​വെ​ടു​ക്കാ​നും സാ​ധി​ക്കാ​ത്ത​ത് അ​ന്വേ​ഷ​ണ​ത്തെ പ്ര​തി​സ​ന്ധി​യി​ലാ​ക്കു​ന്നു​ണ്ട്.

25 ല​ക്ഷ​വും കാ​റും ന​ഷ്​​ട​പ്പെ​ട്ടെ​ന്നാ​ണ് കൊ​ട​ക​ര പൊ​ലീ​സി​ന് കോ​ഴി​ക്കോ​ട് സ്വ​ദേ​ശി അ​ബ്കാ​രി ധ​ർ​മ​രാ​ജി​െൻറ ഡ്രൈ​വ​ർ ഷം​ജീ​ർ ന​ൽ​കി​യ പ​രാ​തി. എ​ന്നാ​ൽ, ഒ​രു പ്ര​തി​യി​ൽ​നി​ന്ന് മാ​ത്രം 31 ല​ക്ഷ​ത്തോ​ള​വും മ​റ്റൊ​രാ​ളി​ൽ​നി​ന്ന് മൂ​ന്ന് ല​ക്ഷ​വും ര​ണ്ട് പ്ര​തി​ക​ളി​ൽ നി​ന്നാ​യി 10 ല​ക്ഷ​ത്തി​െൻറ​യും ഇ​ട​പാ​ട് വി​വ​ര​ങ്ങ​ൾ അ​റി​ഞ്ഞ​തോ​ടെ ന​ഷ്​​ട​പ്പെ​ട്ട​ത് 25 ല​ക്ഷ​മ​ല്ലെ​ന്ന് പൊ​ലീ​സി​ന് വ്യ​ക്ത​മാ​യി. ക​ർ​ണാ​ട​ക​യി​ൽ​നി​ന്ന്​ എ​ത്തി​ച്ച പ​ണ​മാ​ണ് ക​വ​ർ​ച്ച ചെ​യ്യ​പ്പെ​ട്ട​തെ​ന്നും സ്ഥി​രീ​ക​രി​ച്ചി​ട്ടു​ണ്ട്.