കണ്ണീരടക്കാനാവാതെ സന്തതസഹചാരി വിനോദ്

വാ​ഴൂ​ർ: കാ​നം രാ​ജേ​ന്ദ്ര​ൻ ഓ​ർ​മ​യാ​കു​മ്പോ​ൾ ക​ണ്ണീ​ര​ട​ക്കാ​നാ​വാ​തെ വി​തു​മ്പു​ക​യാ​ണ്​ ഡ്രൈ​വ​റാ​യി​രു​ന്ന വി​നോ​ദ്. 18 വ​ർ​ഷ​മാ​യി കാ​ന​ത്തി​നൊ​പ്പ​മു​ള്ള അ​ടൂ​ർ വെ​ള്ള​ച്ചി​റ വി​നോ​ദ് കാ​ന​ത്തി​ന്‍റെ വി​ശ്വ​സ്ത​നും മ​ക​നെ​പ്പോ​ലെ​യു​മാ​യി​രു​ന്നു.

പാ​ർ​ട്ടി പ​രി​പാ​ടി​ക​ളാ​യാ​ലും സ്വ​കാ​ര്യ ആ​വ​ശ്യ​ങ്ങ​ളാ​യാ​ലും വി​നോ​ദ് ഒ​പ്പ​മു​ണ്ടാ​കും. കാ​ന​ത്തി​ന്‍റെ വീ​ട്ടി​ലും വി​നോ​ദി​ന് ഒ​രു മു​റി​യു​ണ്ടാ​യി​രു​ന്നു. യാ​ത്ര പോ​യാ​ൽ ഇ​രു​വ​രും ക​ഴി​യു​ന്ന​ത് ഒ​രേ മു​റി​യി​ലാ​ണ്.

കാ​ന​ത്തി​ന് ഭ​ക്ഷ​ണം, മ​രു​ന്ന്, വ​സ്ത്ര​ങ്ങ​ൾ തു​ട​ങ്ങി എ​ല്ലാം എ​ടു​ത്തു കൊ​ടു​ക്കു​ന്ന​ത് വി​നോ​ദാ​യി​രു​ന്നു. എ​റ​ണാ​കു​ള​ത്ത് ആ​ശു​പ​ത്രി​യി​ൽ പ്ര​വേ​ശി​പ്പി​ച്ച​പ്പോ​ൾ മു​ത​ൽ മ​ര​ണം വ​രെ കാ​ന​ത്തി​നൊ​പ്പം മു​ഴു​സ​മ​യ​വും വി​നോ​ദ് ഉ​ണ്ടാ​യി​രു​ന്നു. എ​വി​ടെ പോ​ക​ണ​മെ​ങ്കി​ലും വി​നോ​ദ് കൂ​ടെ വേ​ണ​മെ​ന്ന് കാ​ന​ത്തി​ന് നി​ർ​ബ​ന്ധ​മാ​യി​രു​ന്നു.

ഡ്രൈ​വ​റാ​യി ക​ണ്ടി​ട്ടി​ല്ല, ഒ​ന്ന് ദേ​ഷ്യ​പ്പെ​ട്ടി​ട്ടു​പോ​ലു​മി​ല്ല. ഒ​രു മ​ക​നെ​പ്പോ​ലെ പ​രി​ഗ​ണി​ച്ച വ​ലി​യ മ​നു​ഷ്യ​ന്റെ വേ​ർ​പാ​ടി​ലൂ​ടെ ന​ഷ്ട​മാ​കു​ന്ന​ത് ഒ​ര​ച്ഛ​ന്റെ സ്‌​നേ​ഹ​മാ​ണെ​ന്ന് വി​നോ​ദ് പ​റ​ഞ്ഞു.

ആദ്യവസാനം ഒപ്പംനിന്ന്​ സി.പി.ഐ മന്ത്രിമാർ​;​ അന്തിമോപചാരം അർപ്പിച്ച്​ പ്രമുഖർ

കോ​ട്ട​യം: സി.​പി.​ഐ നേ​തൃ​ത്വ​ത്തി​നൊ​പ്പം കാ​നം രാ​ജേ​ന്ദ്ര​ന്‍റെ സം​സ്​​കാ​ര​ച്ച​ട​ങ്ങി​ൽ എ​ൽ.​ഡി.​എ​ഫ്​ നേ​തൃ​നി​ര ഒ​ന്നാ​കെ​യെ​ത്തി. മു​ഖ്യ​മ​ന്ത്രി പി​ണ​റാ​യി വി​ജ​യ​നും മ​ന്ത്രി​മാ​ർ​ക്കു​മൊ​പ്പം എ​ൽ.​ഡി.​എ​ഫ്​ നേ​താ​ക്ക​ളെ​ല്ലാം കാ​ന​ത്തെ കൊ​ച്ചു​ക​ള​പ്പു​ര​യി​ടം വീ​ട്ടി​ലെ​ത്തി അ​ന്തി​മോ​പ​ചാ​രം അ​ർ​പ്പി​ച്ചു.

മ​ന്ത്രി​മാ​രാ​യ കെ. ​രാ​ജ​ൻ, റോ​ഷി അ​ഗ​സ്റ്റി​ൻ, ആ​ന്‍റ​ണി രാ​ജു, അ​ഹ​മ്മ​ദ് ദേ​വ​ർ​കോ​വി​ൽ, എ.​കെ. ശ​ശീ​ന്ദ്ര​ൻ, കെ. ​കൃ​ഷ്ണ​ൻ​കു​ട്ടി, കെ.​എ​ൻ. ബാ​ല​ഗോ​പാ​ൽ, വി.​എ​ൻ. വാ​സ​വ​ൻ, സ​ജി ചെ​റി​യാ​ൻ, കെ. ​രാ​ധാ​കൃ​ഷ്ണ​ൻ, ഡോ. ​ആ​ർ. ബി​ന്ദു, പി. ​പ്ര​സാ​ദ്, ജി.​ആ​ർ. അ​നി​ൽ, ജെ. ​ചി​ഞ്ചു റാ​ണി എ​ന്നി​വ​ർ സം​സ്​​കാ​ര​ച്ച​ട​ങ്ങി​ൽ പ​​ങ്കെ​ടു​ത്തു. സി.​പി.​ഐ മ​ന്ത്രി​മാ​ർ ആ​ദ്യ​വ​സാ​നം മൃ​ത​ദേ​ഹ​ത്തി​നൊ​പ്പ​മു​ണ്ടാ​യി​രു​ന്നു.

സി.​പി.​ഐ ദേ​ശീ​യ സെ​ക്ര​ട്ട​റി ഡി. ​രാ​ജ, സെ​ക്ര​ട്ടേ​റി​യ​റ്റ് അം​ഗം കെ. ​നാ​രാ​യ​ണ, എ​ൽ.​ഡി.​എ​ഫ് ക​ൺ​വീ​ന​ർ ഇ.​പി. ജ​യ​രാ​ജ​ൻ, സി.​പി.​എം സം​സ്ഥാ​ന സെ​ക്ര​ട്ട​റി എം.​വി. ഗോ​വി​ന്ദ​ൻ, ഡെ​പ്യൂ​ട്ടി സ്പീ​ക്ക​ർ ചി​റ്റ​യം ഗോ​പ​കു​മാ​ർ, ചീ​ഫ് വി​പ് ഡോ. ​എ​ൻ. ജ​യ​രാ​ജ്, എം.​പി​മാ​രാ​യ ജോ​സ് കെ. ​മാ​ണി, തോ​മ​സ് ചാ​ഴി​കാ​ട​ൻ, ആ​ന്‍റോ ആ​ന്‍റ​ണി, എ.​എം. ആ​രി​ഫ്, പി. ​സ​ന്തോ​ഷ് കു​മാ​ർ, എം.​എ​ൽ.​എ​മാ​രാ​യ വാ​ഴൂ​ർ സോ​മ​ൻ, അ​നൂ​പ് ജേ​ക്ക​ബ്, ക​ട​ന്ന​പ്പ​ള്ളി രാ​മ​ച​ന്ദ്ര​ൻ, പി.​പി. ചി​ത്ത​ര​ഞ്ജ​ൻ, തി​രു​വ​ഞ്ചൂ​ർ രാ​ധാ​കൃ​ഷ്ണ​ൻ, പി.​സി. വി​ഷ്ണു​നാ​ഥ്, സി.​കെ. ആ​ശ, മാ​ണി സി. ​കാ​പ്പ​ൻ, ജോ​ബ് മൈ​ക്കി​ൾ, സെ​ബാ​സ്റ്റ്യ​ൻ കു​ള​ത്തു​ങ്ക​ൽ, പി.​ജെ. ജോ​സ​ഫ്, തോ​മ​സ് കെ. ​തോ​മ​സ്, മു​ഹ​മ്മ​ദ് മു​ഹ്സി​ൻ, ​നേ​താ​ക്ക​ളാ​യ ആ​നി രാ​ജ, വൈ​ക്കം വി​ശ്വ​ൻ, പ​ന്ന്യ​ൻ ര​വീ​ന്ദ്ര​ൻ, എ. ​വി​ജ​യ​രാ​ഘ​വ​ൻ, വി.​എ​സ്. സു​നി​ൽ​കു​മാ​ർ, എം.​എ. ബേ​ബി, പി.​സി. ചാ​ക്കോ, കാ​സിം ഇ​രി​ക്കൂ​ർ, പി.​സി. തോ​മ​സ്, സി.​കെ. ശ​ശി​ധ​ര​ൻ, വി​നോ​യ് വി​ശ്വം, പി.​പി. സു​നീ​ർ, പ്ര​കാ​ശ് ബാ​ബു, ഇ.​എ​സ്. ബി​ജി​മോ​ൾ, ടി.​ജെ. ആ​ഞ്ച​ലോ​സ്, ഷാ​നി​മോ​ൾ ഉ​സ്മാ​ൻ, ജോ​യ്​​സ്​ ജോ​ർ​ജ്, പി.​സി. ജോ​ർ​ജ്, കെ.​പി. രാ​ജേ​ന്ദ്ര​ൻ, എ​ള​മ​രം ക​രീം, വെ​ൽ​ഫെ​യ​ർ പാ​ർ​ട്ടി സം​സ്ഥാ​ന വൈ​സ്​ പ്ര​സി​ഡ​ന്‍റ്​ പി.​എ. അ​ബ്ദു​ൽ ഹ​ക്കീം, കോ​ട്ട​യം ജി​ല്ല ട്ര​ഷ​റ​ർ നി​സാ​ർ അ​ഹ​മ്മ​ദ്, സം​വി​ധാ​യ​ക​ൻ വി​ന​യ​ൻ, ബി​നീ​ഷ് കോ​ടി​യേ​രി, എ​റ​ണാ​കു​ളം റേ​ഞ്ച് ഡി.​ഐ.​ജി പു​ട്ട​വി​മ​ലാ​ദി​ത്യ, കോ​ട്ട​യം ജി​ല്ല ക​ല​ക്ട​ർ വി. ​വി​ഘ്നേ​ശ്വ​രി, ജി​ല്ല പൊ​ലീ​സ് മേ​ധാ​വി കെ. ​കാ​ർ​ത്തി​ക് എ​ന്നി​വ​ര​ട​ക്കം നി​ര​വ​ധി​പേ​ർ വീ​ട്ടി​ലെ​ത്തി അ​ന്തി​മോ​പ​ചാ​രം അ​ർ​പ്പി​ച്ചു.

കാനം ഉറച്ച നിലപാടുള്ള കമ്യൂണിസ്റ്റ്​ -ഡി. രാജ

വാ​ഴൂ​ർ: കാ​നം രാ​ജേ​ന്ദ്ര​ന്റെ വേ​ർ​പാ​ട് ഇ​ന്ത്യ​യി​ലെ ഇ​ട​തു​പ​ക്ഷ പ്ര​സ്ഥാ​ന​ങ്ങ​ൾ​ക്ക് തീ​രാ​ന​ഷ്ട​മാ​ണെ​ന്ന് സി.​പി.​ഐ ദേ​ശീ​യ സെ​ക്ര​ട്ട​റി ഡി. ​രാ​ജ. കാ​നം ഉ​റ​ച്ച നി​ല​പാ​ടു​ക​ളു​ള്ള ക​മ്യൂ​ണി​സ്റ്റും പ്ര​തി​ബ​ദ്ധ​ത​യു​ള്ള നേ​താ​വു​മാ​യി​രു​ന്നെ​ന്നും ഡി. ​രാ​ജ അ​നു​സ്മ​രി​ച്ചു. കാ​നം രാ​ജേ​ന്ദ്ര​ന്റെ സം​സ്കാ​ര ച​ട​ങ്ങു​ക​ൾ​ക്ക് ശേ​ഷം കാ​ന​ത്തെ വീ​ട്ടു​മു​റ്റ​ത്ത് ചേ​ർ​ന്ന സ​ർ​വ​ക​ക്ഷി യോ​ഗ​ത്തി​ൽ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.

കാ​ന​ത്തി​ന്റെ വേ​ർ​പാ​ട് ഉ​ൾ​ക്കൊ​ള്ളാ​ൻ ക​ഴി​യു​ന്നി​ല്ലെ​ന്നും മ​ട​ങ്ങി​വ​രു​മെ​ന്ന പ്ര​തീ​ക്ഷ അ​ദ്ദേ​ഹം പ​ങ്കു​വെ​ച്ചി​രു​ന്ന​താ​യും സി.​പി.​എം സം​സ്ഥാ​ന സെ​ക്ര​ട്ട​റി എം.​വി. ഗോ​വി​ന്ദ​ൻ പ​റ​ഞ്ഞു. രാ​ഷ്ട്രീ​യ​ത്തി​ന് അ​തീ​ത​മാ​യി എ​ല്ലാ​വ​രോ​ടും ന​ല്ല ബ​ന്ധം കാ​ത്തു​സൂ​ക്ഷി​ച്ച നേ​താ​വാ​യി​രു​ന്നു കാ​ന​മെ​ന്ന് തി​രു​വ​ഞ്ചൂ​ർ രാ​ധാ​കൃ​ഷ്ണ​ൻ എം.​എ​ൽ.​എ ഓ​ർ​മി​ച്ചു. സി.​പി.​ഐ ജി​ല്ല സെ​ക്ര​ട്ട​റി അ​ഡ്വ. വി.​ബി. ബി​നു അ​ധ്യ​ക്ഷ​ത വ​ഹി​ച്ചു.