ന്യൂഡൽഹി: നക്സൽ വർഗീസ് കൊള്ളക്കാരനായ വിവരം തനിക്കറിയില്ലെന്ന് സി.പി.െഎ സംസ്ഥാന സെക്രട്ടറി കാനം രാജേന്ദ്രൻ. കൊലക്കേസിലും കവർച്ചക്കേസിലൂം പ്രതിയായ കൊടുംകുറ്റവാളിയായിരുന്നുവെന്ന് സംസ്ഥാന സർക്കാർ ഹൈകോടതിയിൽ അറിയിച്ചതു സംബന്ധിച്ച് സി.പി.െഎ ദേശീയ നിർവാഹക സമിതി യോഗത്തിനിടെ മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം.
കമ്യൂണിസ്റ്റ് പാർട്ടി പിളർന്നശേഷം വർഗീസ് സി.പി.എമ്മിെൻറ ഒാഫിസ് സെക്രട്ടറിയാണെന്നാണ് ഞങ്ങളുടെ അറിവ്. എം.വി. രാഘവൻ അടക്കമുള്ളവർ അങ്ങനെയാണ് ഞങ്ങളോട് പറഞ്ഞിട്ടുള്ളത്. വർഗീസ് കൊടുംകുറ്റവാളിയായത് അറിഞ്ഞില്ല ^കാനം വ്യക്തമാക്കി.
ബി.ഡി.ജെ.എസിനെ എൽ.ഡി.എഫിൽ എടുക്കുന്നതു സംബന്ധിച്ച ചർച്ചയൊന്നുമില്ലെന്ന് കാനം തുടർന്നു. മൂന്നാറിലെ എല്ലാ ൈകയേറ്റങ്ങളും ഒഴിപ്പിക്കണമെന്നാണ് സി.പി.െഎയുടെ നിലപാട്. അതിൽ മാറ്റമില്ല. പിണറായി സർക്കാറിനെ വിലയിരുത്താൻ സമയമായിട്ടില്ല. സർക്കാറിെൻറ പ്രവർത്തനം വിലയിരുത്തി ഒരു വർഷത്തിനു ശേഷം അഭിപ്രായം പറയാമെന്നും കാനം പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.