കണ്ണൂർ: തലശ്ശേരി ദേശീയ പാതയിൽ പെയിന്റ് ലോറിക്ക് തീ പിടിച്ചത് നാട്ടിലാകെ പരിഭ്രാന്തി പരത്തി. ചൊവ്വാഴ്ച വൈകിട്ട് മുഴപ്പിലങ്ങാട് ടോൾ ബൂത്തിന് സമീപമാണ് അപകടം നടന്നത്. തീപിടിച്ചത് ഗ്യാസ് ടാങ്കർ ലോറിയാന്നെന്നായിരുന്നു അഭ്യൂഹം. സംഭവത്തെ തുടർന്ന് പരിസരത്തെ താമസക്കാർ വീട്ടിൽ നിന്ന് ഒഴിഞ്ഞു. വ്യാപാര സ്ഥാപനങ്ങൾ അടച്ചിട്ടു. തലശ്ശേരിയിൽ നിന്നും കണ്ണൂരിൽ നിന്നും എത്തിയ അഗ്നിശമന യൂനിറ്റ് തീ ഒരു മണിക്കൂറോളം കഠിന പ്രയത്നം ചെയ്താണ് തീ അണച്ചത്.
അപകടത്തെ തുടർന്ന് കണ്ണൂർ-തലശ്ശേരി ദേശീയ പാതയിൽ മണിക്കൂറുകളോളം ഗതാഗതം സ്തംഭിച്ചു. അപകട കാരണം വ്യക്തമല്ല. ആർക്കും ആളപായമില്ല.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.