കൊണ്ടോട്ടി: കരിപ്പൂർ വിമാനത്താവളത്തിൽ ഇടത്തരം-വലിയ വിമാനങ്ങളുടെ സർവിസ് പുനരാരംഭിക്കാൻ ശിപാർശ ചെയ്തതും അതിനെതിരെ തടസ്സം ഉന്നയിച്ചതും വിമാനത്താവള അതോറിറ്റി. കരിപ്പൂരിൽനിന്ന് കോഡ് ഇയിൽ വരുന്ന ബി 777-200 ഇ.ആർ, ബി 777-200 എൽ.ആർ, എ 330-300, എ 330-300 ആർ, ബി 777-300 ഇ.ആർ, ബി 787-800 വിമാനങ്ങളുടെ സർവിസിന് ശിപാർശ ചെയ്ത് അതോറിറ്റിയിലെ എക്സിക്യൂട്ടിവ് ഡയറക്ടർ (ഒാപറേഷൻസ്) ജെ.പി. അലക്സ് ഡയറക്ടർ ജനറൽ ഒാഫ് സിവിൽ ഏവിയേഷന് (ഡി.ജി.സി.എ) നൽകിയ കത്താണ് പുറത്തുവന്നത്. വിവരാവകാശ നിയമപ്രകാരം ലഭിച്ച രേഖകൾ മലബാർ െഡവലപ്പ്െമൻറ് ഫോറമാണ് പുറത്തുവിട്ടത്.
കത്ത് പ്രകാരം കരിപ്പൂരിൽനിന്ന് കോഡ് ഇയിൽ ഉൾപ്പെടുന്ന വിമാനങ്ങൾക്ക് അനുമതി നൽകാെമന്നാണ് ഡി.ജി.സി.എക്ക് ശിപാർശ ചെയ്തത്. എന്നാൽ, ഇതേ അതോറിറ്റി, സർവിസ് നടത്താൻ സൗദി എയർലൈൻസ് സമർപ്പിച്ച റിപ്പോർട്ട് രണ്ട് മാസമാണ് പിടിച്ചുവെച്ചത്. അതോറിറ്റി നൽകിയ ശിപാർശയുടെ അടിസ്ഥാനത്തിൽ റിപ്പോർട്ട് വിശദമായി പഠിച്ച ഡി.ജി.സി.എ സർവിസ് നടത്തുന്നതിെൻറ നടപടിക്രമങ്ങളുടെ ഭാഗമായി വിമാന കമ്പനികളിൽനിന്ന് റിപ്പോർട്ട് ആവശ്യപ്പെട്ടിരുന്നു. ഇൗ റിപ്പോർട്ടാണ് അതോറിറ്റി ആസ്ഥാനത്ത് രണ്ട് മാസം പിടിച്ചുവെച്ചശേഷം ബുധനാഴ്ച ഡി.ജി.സി.എക്ക് കൈമാറിയത്.
ഡി.ജി.സി.എയുടെയും അതോറിറ്റിയുടെയും സംയുക്ത സംഘം കരിപ്പൂരിൽ പരിശോധന നടത്തിയതടക്കമുള്ള കാര്യങ്ങൾ കത്തിൽ വിശദീകരിക്കുന്നുണ്ട്. സംഘത്തിെൻറ പരിശോധനയിൽ ബി 777 വിഭാഗത്തിലെ വിമാനത്തിന് സർവിസ് നടത്താനുള്ള റൺവേ നീളം കരിപ്പൂരിലുണ്ടെന്ന് പറയുന്നു. തുടർന്ന് കോഡ് ഇയിലെ വിവിധ വിമാനങ്ങളുടെ സർവിസിനായി സാധ്യതപഠനം നടത്തി. പിന്നീട് സൗദിയ ബി 777-200 എൽ.ആർ, ബി 777-200 ഇ.ആർ, എ 330-300 വിഭാഗത്തിലെ വിമാനങ്ങൾക്കും എയർ ഇന്ത്യ ബി 777-200 എൽ.ആർ, ബി 777-300 ഇ.ആർ, ബി 787-800 എന്നിവക്കും എമിറേറ്റ്സ് ബി 777-200 എൽ.ആർ, ബി 777-300 ഇ.ആർ എന്നിവക്കും സർവിസ് നടത്താൻ പഠനം നടത്തിയതായി കത്തിലുണ്ട്്. കത്തിനൊപ്പം ഇൗ പഠന റിപ്പോർട്ടുകളും ഡി.ജി.സി.എക്ക് സമർപ്പിച്ചിരുന്നു. തുടർന്നാണ് താൽപര്യം പ്രകടിപ്പിച്ച വിമാന കമ്പനികളിൽനിന്ന് നടത്തിപ്പുക്രമം ആവശ്യപ്പെട്ടത്.
കരിപ്പൂരിനെ അട്ടിമറിക്കുന്ന
ഉദ്യോഗസ്ഥർക്കെതിരെ അന്വേഷണം വേണം –എം.ഡി.എഫ്
കോഴിക്കോട്: സ്വകാര്യ വിമാനത്താവളങ്ങളെ സഹായിക്കുന്നതിനായി കരിപ്പൂരിനെ തകർക്കുന്ന ഉദ്യോഗസ്ഥർക്കെതിരെ ശക്തമായ അന്വേഷണം നടത്തണമെന്ന് മലബാർ െഡവപ്മെൻറ് േഫാറം (എം.ഡി.എഫ്) ഭാരവാഹികൾ വാർത്തസമ്മേളനത്തിൽ ആവശ്യെപ്പട്ടു. കരിപ്പൂരിലേക്കുള്ള വലിയ വിമാനങ്ങളുടെ സർവിസ് മുടക്കാൻ എയർപോർട്ട് അതോറിറ്റി ഒാഫ് ഇന്ത്യയിലെ ഉയർന്ന ഉദ്യോഗസ്ഥർ കൂട്ടുനിൽക്കുകയാണ്.
നിലവിലുള്ള സാഹചര്യത്തിൽ കരിപ്പൂരിലേക്കുള്ള സർവിസിന് പറ്റുമെന്ന് കണ്ടെത്തിയ വലിയ-ഇടത്തരം വിമാനങ്ങൾക്ക് അനുമതി നൽകണമെന്ന് എയർപോർട്ട് അതോറിറ്റി ഒാഫ് ഇന്ത്യ, ഡയറക്ടറേറ്റ് ജനറൽ ഒാഫ് സിവിൽ ഏവിയേഷനോട് (ഡി.ജി.സി.എ) രേഖാമൂലം ആവശ്യപ്പെട്ടിട്ട് മാസങ്ങൾ പിന്നിട്ടു. നടപടിക്രമങ്ങളുെട ഭാഗമായി ഡി.ജി.സി.എ ആവശ്യപ്പെട്ട എല്ലാ രേഖകളും എയർപോർട്ട് അതോറിറ്റി ഒാഫ് ഇന്ത്യക്ക് സമർപ്പിച്ചു. ആ ഫയൽ എയർപോർട്ട് അതോറിറ്റി എക്സിക്യൂട്ടീവ് ഡയറക്ടർ പൂഴ്ത്തിയതായും എം.ഡി.എഫ് പ്രസിഡൻറ് െക.എം. ബഷീർ ആരോപിച്ചു. സംഭവവുമായി ബന്ധപ്പെട്ട് സെൻട്രൽ വിജിലൻസ് കമീഷൻ, എയർപോർട്ട് അതോറിറ്റി വിജിലൻസ് കമീഷണർ, സി.ബി.െഎ എന്നിവർക്ക് പരാതി നൽകിയിട്ടുെണ്ടന്നും അവർ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.