അരക്കോടിയുടെ ഭൂമിയെ ചൊല്ലി മടിക്കൈയിൽ സി.പി.എം-സി.പി.ഐ പോര്

കാ​ഞ്ഞ​ങ്ങാ​ട്: സി.​പി.​ഐ ക്ല​ബി​ന്‍റെ കൈ​വ​ശ​മു​ള്ള അ​ര​ക്കോ​ടി രൂ​പ വി​ല ക​ണ​ക്കാ​ക്കു​ന്ന ഭൂ​മി​യെ ചൊ​ല്ലി മ​ടി​ക്കൈ​യി​ൽ സി.​പി.​എം- സി.​പി.​ഐ പോ​ര്. മ​ടി​ക്കൈ മി​നി ബ​സ് സ്റ്റാ​ൻ​ഡ് കം ​ഷോ​പ്പി​ങ് കോം​പ്ല​ക്സ് പ​ണി​യാ​ൻ മ​ടി​ക്കൈ ​ഗ്രാ​മ​പ​ഞ്ചാ​യ​ത്ത് ആ​ലോ​ചി​ക്കു​ന്ന കാ​ഞ്ഞി​ര​പ്പൊ​യി​ൽ ടൗ​ണി​ലെ സ്ഥ​ലം കൈ​യേ​റി സി.​പി.​ഐ അ​നു​കൂ​ല ക്ല​ബ് പ്ര​വൃ​ത്തി​ക​ൾ ആ​രം​ഭി​ച്ചെ​ന്ന ആ​രോ​പ​ണ​വു​മാ​യി സി.​പി.​എം പ്ര​വ​ർ​ത്ത​ക​ർ രം​ഗ​ത്തെ​ത്തി.

വ​ര്‍ഷ​ങ്ങ​ളാ​യി റ​വ​ന്യൂ സ്ഥ​ലം കൈ​യേ​റി പ്ര​വ​ര്‍ത്തി​ക്കു​ന്ന ക്ല​ബി​ന്‍റെ മ​റ​വി​ലാ​ണ് ക​ഴി​ഞ്ഞ ദി​വ​സം ടി​പ്പ​ര്‍ ലോ​റി​യി​ൽ മ​ണ്ണെ​ത്തി​ച്ച് ഇ​വി​ടെ ത​ള്ളി​യ​തെ​ന്നാ​ണ് പ​രാ​തി. വ​ര്‍ഷ​ങ്ങ​ളാ​യി ഇ​വി​ടെ രാ​ത്രി​യി​ൽ നി​ർ​ത്തി​യി​ടു​ന്ന സ്വ​കാ​ര്യ ബ​സു​ക​ളെ വി​ല​ക്കി ചെ​ങ്ക​ല്ല് ഉ​പ​യോ​​ഗി​ച്ച് ത​ട​ഞ്ഞി​ട്ടു​മു​ണ്ടെ​ന്ന് ഇ​വ​ർ ചൂ​ണ്ടി​ക്കാ​ട്ടു​ന്നു. ഇ​തോ​ടെ​യാ​ണ് പ്ര​​ദേ​ശ​ത്ത് ഭൂ​രി​പ​ക്ഷ​മു​ള്ള സി.​പി.​എം പ്ര​വ​ര്‍ത്ത​ക​ര്‍ പ്ര​തി​ഷേ​ധം ഉ​യ​ര്‍ത്തി​യ​ത്.

പ​രാ​തി​യാ​യ​തോ​ടെ അ​മ്പ​ല​ത്ത​റ വി​ല്ലേ​ജ് ഓ​ഫി​സ​ര്‍ സോ​ബി​രാ​ജി​ന്‍റെ നേ​തൃ​ത്വ​ത്തി​ൽ സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി. ക്ല​ബി​ന് 10 സെൻറ് ഭൂ​മി അ​നു​വ​ദി​ക്കാ​ൻ സ​ര്‍ക്കാ​റി​നോ​ട് ശി​പാ​ര്‍ശ ചെ​യ്തി​ട്ടു​ണ്ടെ​ങ്കി​ലും ഇ​തു​വ​രെ ഭൂ​മി അ​നു​വ​ദി​ച്ചി​ട്ടി​ല്ലെ​ന്ന് സി.​പി.​എം കേ​ന്ദ്ര​ങ്ങ​ൾ ചൂ​ണ്ടി​ക്കാ​ട്ടി.

ശി​പാ​ർ​ശ​യു​ടെ മ​റ​വി​ലാ​ണ് സ​മീ​പ​ത്തെ 30 സെൻറ് കൂ​ടി കൈ​യ​ട​ക്കാ​ൻ നീ​ക്കം ന​ട​ത്തു​ന്ന​തെ​ന്നാ​ണ് ആ​രോ​പ​ണം. മ​ല​യോ​ര​ത്തേ​ക്കു​ള്ള പ്ര​ധാ​ന പാ​ത​യാ​യ ചെ​മ്മ​ട്ടം​വ​യ​ൽ കാ​ലി​ച്ചാ​ന​ടു​ക്കം പാ​ത​യോ​ര​ത്തെ സ്ഥ​ല​ത്തി​ന് സെൻറി​ന് ഒ​രു ല​ക്ഷ​ത്തി​ന് മു​ക​ളി​ൽ വി​ല​യു​ണ്ട്.

ഹൈ​സ്കൂ​ൾ, സ​ഹ​ക​ര​ണ ബാ​ങ്ക് തു​ട​ങ്ങി നി​ര​വ​ധി സ്ഥാ​പ​ന​ങ്ങ​ൾ ഇ​വി​ടെ പ്ര​വ​ര്‍ത്തി​ക്കു​ന്നു​ണ്ട്. പ​ഞ്ചാ​യ​ത്തി​ന്‍റെ കി​ഴ​ക്ക​ൻ അ​തി​ര്‍ത്തി​യി​ലെ പ്ര​ധാ​ന കേ​ന്ദ്ര​മാ​ണ് കാ​ഞ്ഞി​ര​പ്പൊ​യി​ൽ. സി.​പി. എം. ​ഉ​ട​മ​സ്ഥ​ത​യി​ൽ മ​ടി​ക്കൈ അ​മ്പ​ല​ത്തു​ക​ര​യി​ൽ പ്ര​വ​ര്‍ത്തി​ക്കു​ന്ന എ.​കെ.​ജി ക്ല​ബി​ന്‍റെ മു​ന്നി​ൽ ഒ​രു മു​റി കൂ​ട്ടി​യെ​ടു​ക്കു​മ്പോ​ഴും സ​ഹ​ക​ര​ണ ബാ​ങ്ക് ക​ര്‍ഷ​ക​ര്‍ക്കു​വേ​ണ്ടി സാ​ധ​ന​ങ്ങ​ൾ സൂ​ക്ഷി​ക്കാ​നു​ള്ള സം​വി​ധാ​നം ഒ​രു​ക്കു​മ്പോ​ഴും പ​രാ​തി ഉ​യ​ർ​ത്തി​യ സി.​പി.​ഐ​ക്കാ​രാ​ണ് പ​ട്ടാ​പ്പ​ക​ൽ കൈ​യേ​റ്റം ന​ട​ത്തു​ന്ന​തെ​ന്നാ​ണ് സി.​പി.​എം അ​നു​കൂ​ലി​ക​ളു​ടെ ആ​രോ​പ​ണം.

ക്ല​ബി​നു പി​ന്നി​ലെ സ്വ​കാ​ര്യ വ്യ​ക്തി​യു​ടെ വീ​ട്ടി​ലേ​ക്ക് റ​വ​ന്യൂ ഭൂ​മി​യി​ലൂ​ടെ വ​ഴി​യൊ​രു​ക്കാ​ൻ ചി​ല​ര്‍ നേ​ര​ത്തെ ശ്ര​മി​ച്ച​താ​യും ആ​ക്ഷേ​പ​മു​യ​ർ​ത്തി​യി​ട്ടു​ണ്ട്. ഭൂ​മി കൈ​യേ​റി​യെ​ന്ന വാ​ദ​ത്തെ സി.​പി.​ഐ നേ​താ​ക്ക​ൾ എ​തി​ർ​ത്തു. സി.​പി.​എം ക്ല​ബാ​ണ് സ്ഥ​ലം കൈ​യേ​റി കെ​ട്ടി​ടം പ​ണി​ത​തെ​ന്ന് സി.​പി.​ഐ കേ​ന്ദ്ര​ങ്ങ​ൾ തി​രി​ച്ച​ടി​ച്ചു. കേ​ര​ളപ്പിറ​വി​ക്ക് മു​മ്പ്​ സി.​പി.​ഐ ക്ല​ബി​ന്‍റെ കൈ​വ​ശ​മു​ള്ള​താ​ണ് ഭൂ​മി. കെ​ട്ടി​ട ന​മ്പ​ർ ഉ​ൾ​പ്പെ​ടെ ഭൂ​മി​യി​ലെ ക്ല​ബി​നു​ണ്ട്.

സ്ഥ​ലം പ​തി​ച്ചു കി​ട്ടാ​ൻ അ​പേ​ക്ഷ ന​ൽ​കി​യ​പ്പോ​ൾ അ​ന്ന​ത്തെ ഉ​ദ്യോ​ഗ​സ്ഥ​ർ സി.​പി.​എം ക്ല​ബി​ന് സ്ഥ​ലം പ​തി​ച്ചു ന​ൽ​ക​ൽ ന​ട​പ​ടി വേ​ഗ​ത്തി​ലാ​ക്കി. സി.​പി.​ഐ​യു​ടെ ഫ​യ​ൽ വെ​ച്ച് താ​മ​സി​പ്പി​ച്ച​താ​ണെ​ന്ന് സി.​പി.​ഐ നേ​താ​ക്ക​ൾ പ​റ​ഞ്ഞു. മ​ടി​ക്കൈ​യി​ലെ സ്ഥ​ലം കൈ​യേ​റ്റ ലി​സ്റ്റ് സി.​പി.​ഐ​യു​ടെ കൈ​വ​ശ​മു​ണ്ടെ​ന്നാ​ണ്​ നേ​താ​ക്ക​ൾ അ​വ​കാ​ശ​പ്പെ​ടു​ന്ന​ത്.