കാസര്‍കോട്: ഉള്ളിച്ചാക്കുകളുടെ മറവില്‍ ലോറിയില്‍ ലക്ഷങ്ങളുടെ പാന്‍ ഉല്‍പന്നങ്ങള്‍ കടത്തുന്നതിനിടെ രണ്ടുപേരെ കാസര്‍കോട് സി.ഐ പി. അജിത് കുമാറും സംഘവും അറസ്റ്റ് ചെയ്തു. മലപ്പുറം പൂക്കാട്ടിലിലെ ഉദയ ചന്ദ്രന്‍, കോട്ടക്കല്‍ പൂക്കിപ്പറമ്പിലെ അബ്ദുല്‍ ലത്തീഫ് എന്നിവരാണ് അറസ്റ്റിലായത്.
രഹസ്യവിവരത്തെ തുടര്‍ന്ന് സി.ഐയും സംഘവും കാസര്‍കോട് പുതിയ ബസ് സ്റ്റാന്‍ഡിന് സമീപം നടത്തിയ പരിശോധനക്കിടെയാണ് പാന്‍ ഉല്‍പന്നങ്ങള്‍ പിടികൂടിയത്. ലോറിയുടെ പിറക് ഭാഗത്ത് ഉള്ളിച്ചാക്കുകള്‍ വെക്കുകയും അകത്ത് പാന്‍മസാല ഉല്‍പന്നങ്ങള്‍ ഒളിപ്പിച്ചുമാണ് കടത്താന്‍ ശ്രമിച്ചത്.
എസ്.ഐ ചന്ദ്രന്‍, എ.എസ്.ഐ മോഹനന്‍, രമേശന്‍, സീനിയര്‍ സിവില്‍ പൊലീസ് ഓഫിസര്‍ ഫിലിപ്പ്, ഷാജു, സിവില്‍ പൊലീസ് ഓഫിസര്‍ സുമേഷ്, ഉണ്ണികൃഷ്ണന്‍ എന്നിവര്‍ പരിശോധക സംഘത്തിലുണ്ടായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.