ചെന്നൈ: കേരള പൊലീസ് ടീം സഞ്ചരിച്ചിരുന്ന കാർ അപകടത്തിൽപ്പെട്ട് ഒരു മരണം. കൊച്ചി ഇ ൻഫോ പാർക്ക് സ്റ്റേഷനിലെ നാല് പൊലീസുദ്യോഗസ്ഥർ ഉൾപ്പെടെ അഞ്ചുപേർക്ക് പരിക്കേറ്റു.
പെൺകുട്ടിയെ കാണാതായ കേസന്വേഷണത്തിെൻറ ഭാഗമായി ഹൈദരാബാദിലേക്ക് പോകവെ തിരുപ്പൂർ അവിനാശി ആലംപാളയത്തിന് സമീപംവെച്ച് നിയന്ത്രണംവിട്ട കാർ ദേശീയപാതയിലെ മേൽപാലത്തിെൻറ സെൻറർ മീഡിയനിലിടിച്ച് മറിയുകയായിരുന്നു. വ്യാഴാഴ്ച പുലർച്ചയാണ് അപകടം.
സംഭവസ്ഥലത്ത് പെൺകുട്ടിയുടെ അടുത്ത ബന്ധുവും ഡ്രൈവറുമായ തിരുവനന്തപുരം സ്വദേശി ഹരിനാരായണൻ (51) മരിച്ചു. പൊലീസ് ഉദ്യോഗസ്ഥരായ വിനായകൻ, രാജേഷ്, ഡിനിൽ, അനിൽകുമാർ, പെൺകുട്ടിയുടെ ബന്ധു വിനു വേണുഗോപാൽ എന്നിവർക്ക് പരിക്കേറ്റു. ഇവരെ കോയമ്പത്തൂർ കോവൈ മെഡിക്കൽ സെൻറർ ആശുപത്രിയിൽ പ്രവേശിപ്പിച്ചു. അവിനാശി പൊലീസ് കേസെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.