കൊച്ചി: അഴീക്കോട് നിയമസഭ മണ്ഡലത്തിലെ തെരഞ്ഞെടുപ്പ് റദ്ദാക്കിയത് സ്റ്റേ ചെയ്ത ഹരജി ഹൈകോടതി വിധി പറയാൻ മാറ്റി. തെരഞ്ഞെടുപ്പ് റദ്ദാക്കിയ നടപടി രണ്ടാഴ്ചത്തേക്ക് സ്റ്റേ ചെയ്തിട്ടുണ്ടെങ്കിലും ഇത് തുടരണമോ തുടരുന്നെങ്കിൽ ഉപാധികളോടെ വേണമോ എന്നത് സംബന്ധിച്ചാണ് കോടതി തീരുമാനമെടുക്കുക. തെരഞ്ഞെടുപ്പ് റദ്ദാക്കി തന്നെ അയോഗ്യനാക്കിയതിന് പിന്നാലെ കെ.എം. ഷാജിയാണ് ഉത്തരവിന് സ്റ്റേ ആവശ്യപ്പെട്ട് ഹരജി നൽകിയത്.
തെരഞ്ഞെടുപ്പിൽ കെ.എം. ഷാജി വർഗീയപ്രചാരണം നടത്തിയെന്ന് ചൂണ്ടിക്കാട്ടി എതിർ സ്ഥാനാർഥിയായിരുന്ന എം.വി. നികേഷ് കുമാർ നൽകിയ ഹരജിയിലാണ് സിംഗിൾ ബെഞ്ച് തെരഞ്ഞെടുപ്പ് റദ്ദാക്കുകയും എം.എൽ.എയായിരുന്ന ഷാജിയെ അയോഗ്യനാക്കുകയും ചെയ്തത്. ഇതിന് പിന്നാലെയാണ് ഉത്തരവിന് രണ്ടാഴ്ചത്തേക്ക് സ്റ്റേ അനുവദിച്ചത്.അതേസമയം, ഹരജിക്കാരന് ഒരാഴ്ചക്കകം 50,000 രൂപ കോടതിച്ചെലവ് നൽകാനുള്ള നിർദേശം പാലിക്കണമെന്നും ആവശ്യപ്പെട്ടിരുന്നു. ഇൗ തുക കെട്ടിെവച്ചതായി ചൊവ്വാഴ്ച കേസ് പരിഗണിക്കെവ ഷാജിയുടെ അഭിഭാഷകൻ അറിയിച്ചു.
എം.എൽ.എ എന്ന നിലയിൽ കെ.എം. ഷാജി പ്രതിഫലം കൈപ്പറ്റുന്നതും വോട്ടിങ്ങിൽ പങ്കെടുക്കുന്നതും തടയണമെന്നാണ് നികേഷ് കുമാറിെൻറ വാദം. ഇക്കാര്യത്തിൽ സുപ്രീംകോടതി അടക്കം ഒേട്ടറെ ഉത്തരവുകൾ പുറപ്പെടുവിച്ചിട്ടുള്ളതായും ചൂണ്ടിക്കാട്ടി. ഇതുസംബന്ധിച്ച രേഖകളും ഹാജരാക്കി. തുടർന്നാണ് ഹരജി വിധി പറയാൻ മാറ്റിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.