ബി.ജെ.പി അക്കൗണ്ട്​ തുറന്നതോടെ കേരളത്തിന്‍റെ അക്കൗണ്ട്​ പൂട്ടി -ധനമന്ത്രി

തി​രു​വ​ന​ന്ത​പു​രം: ബി.​ജെ.​പി അ​ക്കൗ​ണ്ട്​ തു​റ​ന്ന​തോ​ടെ കേ​ര​ള​ത്തി​ന്‍റെ അ​ക്കൗ​ണ്ട്​ പൂ​ട്ടി​യെ​ന്ന്​ മ​ന്ത്രി കെ.​എ​ൻ. ബാ​ല​ഗോ​പാ​ൽ. കേ​ര​ള​ത്തി​ൽ ബി.​ജെ.​പി അ​ക്കൗ​ണ്ട്​ തു​റ​ന്നാ​ൽ വ​ലി​യ​കാ​ര്യ​മു​ണ്ടാ​വു​മെ​ന്നാ​ണ്​ പ്ര​ച​രി​പ്പി​ച്ചി​രു​ന്ന​ത്. ഇ​ത്ര​യ​ധി​കം കേ​ര​ള​വി​രു​ദ്ധ​മാ​യ ബ​ജ​റ്റ്​ ഉ​ണ്ടാ​യി​ട്ടി​ല്ലെ​ന്നും മ​​​ന്ത്രി മാ​ധ്യ​മ​പ്ര​വ​ർ​ത്ത​ക​രോ​ട്​ പ​റ​ഞ്ഞു.

മോ​ദി സ​ർ​ക്കാ​റി​ന്‍റെ ആ​യു​സ്സി​നും ഭാ​വി​ക്കും വേ​ണ്ടി​യു​ള്ള​താ​ണ്​ ഈ ​ബ​ജ​റ്റ്. രാ​ജ്യ​ത്തി​ന്‍റെ സ​മ്പ​ത്ത്​ ചി​ല സം​സ്ഥാ​ന​ങ്ങ​ൾ​ക്ക്​ മാ​ത്രം വി​ത​ര​ണം ചെ​യ്യു​ന്ന​വ​ർ​ക്ക്​ ഫെ​ഡ​റ​ലി​സ​ത്തെ​ക്കു​റി​ച്ച്​ പ​റ​യാ​ൻ അ​വ​കാ​ശ​മി​ല്ല. ഭ​ക്ഷ്യ സ​ബ്​​സി​ഡി​യ​ട​ക്ക​മു​ള്ള​വ​യി​ൽ വെ​ട്ടി​ക്കു​റ​വ്​ വ​രു​ത്തി. ആ​രോ​ഗ്യ​രം​ഗം, തൊ​ഴി​ലു​റ​പ്പ്​ പ​ദ്ധ​തി, ദാ​രി​ദ്ര്യ നി​ർ​മാ​ർ​ജ​നം തു​ട​ങ്ങി​യ​വ​ക്കും വി​ഹി​ത​ത്തി​ൽ കു​റ​വു​ണ്ടാ​യി.

കേ​ര​ളം 24,000 കോ​ടി​യു​ടെ പാ​ക്കേ​ജ്​ ആ​വ​ശ്യ​​പ്പെ​ട്ട​ത്​ പ​രി​ഗ​ണി​ച്ചി​ല്ല. മ​റ്റു​ സം​സ്ഥാ​ന​ങ്ങ​ൾ വി​ക​സ​ന​ത്തി​നാ​ണ്​ പ​ണം ആ​വ​ശ്യ​പ്പെ​ട്ട​ത്. കേ​ര​ളം ആ​വ​ശ്യ​പ്പെ​ട്ട​ത്​ കു​റ​വു​വ​രു​ത്തി​യ വി​ഹി​ത​മാ​ണ്. രാ​ജ്യ​ത്തെ​ത​ന്നെ വ​ലി​യ പ​ദ്ധ​തി​യാ​യ വി​ഴി​ഞ്ഞം തു​റ​മു​ഖ​ത്തി​ന്​ ബ​ജ​റ്റി​ൽ ഒ​ന്നു​മി​ല്ല. എ​യിം​സി​ന്‍റെ കാ​ര്യ​വും പ​റ​യു​ന്നി​ല്ല. ബ​ജ​റ്റി​ലെ വി​വേ​ച​ന​ത്തി​നെ​തി​രെ മി​ക്ക സം​സ്ഥാ​ന​ങ്ങ​ളി​ലും പ്ര​തി​ഷേ​ധ​മു​ണ്ട്. ​കേ​ന്ദ്രം പു​ന​രാ​ലോ​ച​ന​ക്ക്​ ത​യാ​റാ​കേ​ണ്ടി​വ​രു​മെ​ന്നു​റ​പ്പാ​ണെ​ന്നും മ​ന്ത്രി പ​റ​ഞ്ഞു.