കൊല്ലത്തും അപകടം അരികെ !

കൊ​ല്ലം: താ​നൂ​രി​ലെ ദാ​രു​ണ​മാ​യ ജ​ല​ദു​ര​ന്ത​ത്തി​ന്‍റെ പ​ശ്ചാ​ത്ത​ല​ത്തി​ൽ ജ​ല​ഗ​താ​ഗ​ത സു​ര​ക്ഷ​യെ​ക്കു​റി​ച്ച്​ ച​ർ​ച്ച​ക​ൾ ഉ​യ​രു​മ്പോ​ൾ, കൊ​ല്ല​ത്തെ ജ​ല​വി​നോ​ദ​മേ​ഖ​ല​ക്കു​മേ​ൽ ക​രി​നി​ഴ​ൽ കൂ​ടു​ത​ൽ വ്യാ​പി​ക്കു​ക​യാ​ണ്. ‘കൊ​ല്ല​ത്തു​മു​ണ്ടാ​കും ഇ​ത്ത​ര​ത്തി​ലൊ​രു ദു​ര​ന്തം, ഇ​ന്ന​ല്ലെ​ങ്കി​ൽ നാ​ളെ’ എ​ന്നാ​ണ്​ അ​ഷ്ട​മു​ടി​യെ തൊ​ട്ട​റി​ഞ്ഞ്​ ബോ​ട്ടി​ങ്​ മേ​ഖ​ല​യി​ൽ വ​ർ​ഷ​ങ്ങ​ളാ​യി പ്ര​വ​ർ​ത്തി​ക്കു​ന്ന വ്യ​ക്തി​ക​ൾ മു​ന്ന​റി​യി​പ്പ്​ ന​ൽ​കു​ന്ന​ത്.

അ​ഷ്ട​മു​ടി​ക്കാ​യ​ലും മ​ൺ​റോ​തു​രു​ത്തും സാ​മ്പ്രാ​ണി​ക്കോ​ടി​യു​മെ​ല്ലാം തി​ല​ക​ക്കു​റി​യാ​യ കൊ​ല്ല​ത്തി​ന്‍റെ വി​നോ​ദ​സ​ഞ്ചാ​ര​മേ​ഖ​ല​യു​ടെ ശാ​പ​മാ​യി അ​ന​ധി​കൃ​ത ജ​ല​യാ​ന​ങ്ങ​ൾ നി​ർ​ബാ​ധം ആ​ളു​ക​ളെ കു​ത്തി​നി​റ​ച്ച്​ പോ​കു​ന്ന കാ​ഴ്ച​യാ​ണ്​ കാ​യ​ലോ​ള​ങ്ങ​ളി​ലു​ള്ള​ത്. താ​നൂ​ർ ദു​ര​ന്ത​ത്തി​ന്‍റെ ആ​ഘാ​തം മാ​റാ​തെ വി​റ​ങ്ങ​ലി​ച്ച്​ നി​ന്ന തി​ങ്ക​ളാ​ഴ്ച​യും അ​ഷ്ട​മു​ടി​യി​ലൂ​ടെ അ​ന​ധി​കൃ​ത സ​ർ​വി​സു​ക​ൾ ന​ട​ത്തി​യെ​ന്ന പ​രാ​തി ക​ല​ക്ട​ർ​ക്ക്​ മു​ന്നി​ൽ എ​ത്തി​യി​ട്ടു​ണ്ട്. എ​ന്നാ​ൽ, ക​ഴി​ഞ്ഞ​കാ​ല​ങ്ങ​ളി​ലെ​പോ​ലെ ഇ​ത്ത​വ​ണ​യും ആ​ദ്യ​ത്തെ ഒ​രു ബ​ഹ​ള​ത്തി​നു​ശേ​ഷം അ​ധി​കൃ​ത​ർ ക​ണ്ണ​ട​ച്ചാ​ൽ വ​ൻ ദു​ര​ന്ത​മാ​കും കൊ​ല്ല​ത്തെ കാ​ത്തി​രി​ക്കു​ന്ന​തെ​ന്നാ​ണ്​ പ​രാ​തി​ക്കാ​ർ ചൂ​ണ്ടി​ക്കാ​ട്ടു​ന്ന​ത്.

കൊ​ല്ലം ജി​ല്ല​യി​ൽ പോ​ർ​ട്ട്​ ഓ​ഫി​സി​ൽ എ​ല്ലാ ന​ട​പ​ടി​ക്ര​മ​ങ്ങ​ളും പാ​ലി​ച്ച്​ ര​ജി​സ്​​ട്രേ​ഷ​ൻ നേ​ടി​യ​ത് ഹൗ​സ്​​ബോ​ട്ടു​ക​ളും ശി​ക്കാ​ര​ക​ളും ഉ​ൾ​പ്പെ​ടു​ന്ന​ 184 ജ​ല​യാ​ന​ങ്ങ​ളാ​ണ്. എ​ന്നാ​ൽ, അ​ന​ധി​കൃ​ത​മാ​യി നി​ര​വ​ധി യാ​ന​ങ്ങ​ൾ ജി​ല്ല​യി​ൽ സ​ർ​വി​സ്​ ന​ട​ത്തു​ന്നു​ണ്ട്​. സാ​​മ്പ്രാ​ണി​ക്കോ​ടി മേ​ഖ​ല​ക്ക്​ സ​മീ​പം​ത​ന്നെ 20ഓ​ളം അ​ന​ധി​കൃ​ത ബോ​ട്ടു​ക​ൾ വി​നോ​ദ​സ​ഞ്ചാ​രി​ക​ളെ ‘റാ​ഞ്ചാ​ൻ’ കാ​ത്തു​നി​ൽ​ക്കു​ന്ന കാ​ഴ്ച​യും പ​തി​വാ​ണ്.

ക​ഴി​ഞ്ഞ ഡി​സം​ബ​റി​ൽ പോ​ർ​ട്ട്​ ഉ​ദ്യോ​ഗ​സ്ഥ​ർ ന​ട​ത്തി​യ പ​രി​ശോ​ധ​ന​യി​ൽ ര​ജി​സ്​​ട്രേ​ഷ​നും ലൈ​സ​ൻ​സും ആ​വ​ശ്യ​മാ​യ സ​ജ്ജീ​ക​ര​ണ​ങ്ങ​ളും ഇ​ല്ലാ​ത്ത​തി​ന്​ മൂ​ന്ന​ര​ല​ക്ഷം രൂ​പ​യാ​ണ്​ ഒ​രൊ​റ്റ ദി​വ​സം പി​ഴ​യി​ട്ട​ത്. എ​ന്നാ​ൽ, അ​തി​നെ​തി​രെ മു​ഖ്യ​മ​ന്ത്രി​ക്കു​വ​രെ പ​രാ​തി ന​ൽ​കി പ്ര​തി​രോ​ധി​ക്കാ​നു​ള്ള ശ്ര​മ​ങ്ങ​ളാ​ണു​ണ്ടാ​യ​ത്. ജി​ല്ല​യി​ലെ ഏ​റ്റ​വും പ്ര​ശ​സ്ത​മാ​യ മ​ൺ​റോ​തു​രു​ത്തി​ലും കൊ​ല്ല​ത്ത്​ അ​ധി​കാ​രി​ക​ളു​ടെ തൊ​ട്ടു​മു​ന്നി​ലു​ള്ള അ​ഷ്ട​മു​ടി​ക്കാ​യ​ലോ​ര​ങ്ങ​ളി​ലും അ​ന​ധി​കൃ​ത യാ​ന​ങ്ങ​ൾ ത​കൃ​തി​യാ​യി ഓ​ടു​ന്നു​ണ്ട്.

സാ​​മ്പ്രാ​ണി​ക്കോ​ടി​യി​ൽ

വി​ല​ക്കി​യ​പ്പോ​ൾ ‘മേ​രി​ലാ​ൻ​ഡ്​’

സു​ര​ക്ഷ പ്ര​ശ്ന​ങ്ങ​ൾ ഉ​യ​ർ​ന്ന​തി​നെ​തു​ട​ർ​ന്ന്​ പൂ​ട്ടി​യി​ടു​ക​യും പി​ന്നീ​ട്​ ക​ർ​ശ​ന നി​യ​ന്ത്ര​ണ​ങ്ങ​ളോ​ടെ തു​റ​ക്കു​ക​യും​ചെ​യ്ത സാ​മ്പ്രാ​ണി​ക്കോ​ടി​യി​ൽ ജി​ല്ല ഭ​ര​ണ​കൂ​ടം ക​ത്രി​ക​പ്പൂ​ട്ടി​ട്ട​തോ​ടെ പു​തി​യ തു​രു​ത്തു​ക​ൾ ക​ണ്ടെ​ത്തി അ​ന​ധി​കൃ​ത ബോ​ട്ട്​ സ​ർ​വി​സു​കാ​ർ ‘ഉ​ല്ലാ​സ​യാ​ത്ര’ തു​ട​രു​ക​യാ​ണ്. നീ​ണ്ട​ക​ര പാ​ല​ത്തി​ന്​ സ​മീ​പം അ​ഴി​മു​ഖ​ത്തോ​ട​ടു​ത്ത്​ അ​പ​ക​ടം പി​ടി​ച്ച ചെ​റി​യ തു​രു​ത്തി​നാ​ണ്​ മേ​രി​ലാ​ൻ​ഡ്​ എ​ന്ന്​ പേ​രു​മി​ട്ട്​ യാ​ത്ര​ക്കാ​രെ എ​ത്തി​ക്കു​ന്ന​ത്.

ഡി.​ടി.​പി.​സി​യി​ൽ രേ​ഖ​ക​ളെ​ല്ലാം സ​മ​ർ​പ്പി​ച്ച്​ ര​ജി​സ്റ്റ​ർ ചെ​യ്ത ബോ​ട്ടു​ക​ൾ​ക്ക്​ മാ​ത്ര​മാ​ണ്​ സാ​മ്പ്രാ​ണി​ക്കോ​ടി തു​രു​ത്തി​ൽ ആ​ളെ എ​ത്തി​ക്കാ​നും ഇ​റ​ക്കാ​നും അ​നു​മ​തി​യു​ള്ള​ത്. ഇ​ത്ത​ര​ത്തി​ൽ 32 ​യാ​ന​ങ്ങ​ളാ​ണ്​ നി​ല​വി​ൽ സാ​മ്പ്രാ​ണി​ക്കോ​ടി​യി​ലേ​ക്ക്​ സ​ർ​വി​സ്​ ന​ട​ത്തു​ന്ന​ത്. അ​ന​ധി​കൃ​ത യാ​ന​ക്കാ​ർ​ക്ക്​ ഇ​വി​ടെ അ​ടു​ക്കാ​ൻ ക​ഴി​യി​ല്ല. ഇ​തോ​ടെ​യാ​ണ്​ ബ​ദ​ലാ​യി ഇ​വ​ർ മേ​രി​ലാ​ൻ​ഡി​നെ ‘അ​വ​ത​രി​പ്പി​ച്ച​ത്​’. വി​നോ​ദ​സ​ഞ്ചാ​ര​ത്തി​ന്​ യാ​തൊ​രു​വി​ധ​ത്തി​ലും യോ​ഗ്യ​മ​ല്ലാ​ത്ത ഇ​ട​മാ​ണി​ത്.

സാ​മ്പ്രാ​ണി​ക്കോ​ടി​യെ​ക്കു​റി​ച്ചോ ഇ​വി​ട​ത്തെ തു​രു​ത്തു​ക​ളെ​ക്കു​റി​ച്ചോ ധാ​ര​ണ​യി​ല്ലാ​ത്ത പു​റ​ത്തു​നി​ന്നു​ള്ള വി​നോ​ദ​സ​ഞ്ചാ​രി​ക​ളെ​ അ​ക്ഷ​രാ​ർ​ഥ​ത്തി​ൽ പ​റ​ഞ്ഞു​പ​റ്റി​ച്ചാ​ണ്​ ഇ​വി​ടെ​യെ​ത്തി​ക്കു​ന്ന​ത്. സാ​മ്പ്രാ​ണി​ക്കോ​ടി​യി​ൽ എ​ത്തി​ക്കാ​മെ​ന്ന്​ പ​റ​ഞ്ഞാ​ണ്​ കൊ​ണ്ടു​പോ​കു​ന്ന​ത്. എ​ന്നാ​ൽ, മേ​രി​ലാ​ൻ​ഡ്​ എ​ന്ന​ത്​ സാ​മ്പ്രാ​ണി​ക്കോ​ടി​യി​ൽ​നി​ന്ന്​ മു​ക്കാ​ൽ മ​ണി​ക്കൂ​ർ ദൂ​ര​ത്താ​ണ്. ക​ട​ലി​നോ​ട്​ ചേ​ർ​ന്ന്​ കി​ട​ക്കു​ന്ന, എ​പ്പോ​ൾ വേ​ണ​മെ​ങ്കി​ലും വേ​ലി​യി​റ​ക്ക​വും ക​യ​റ്റ​വും ഉ​ണ്ടാ​കു​ന്ന, അ​ടി​യൊ​ഴു​ക്കു​ള്ള സ്ഥ​ല​ത്താ​ണ്​ മാ​ന​ദ​ണ്ഡം പാ​ലി​ക്കാ​തെ ആ​ളു​ക​ളെ എ​ത്തി​ക്കു​ന്ന​ത്. ഡി.​ടി.​പി.​സി കേ​ന്ദ്ര​ത്തി​ന്​ സ​മീ​പ​ത്തു​നി​ന്നാ​ണ്​ പ​ത്തോ​ളം ബോ​ട്ടു​ക​ൾ ഇ​ത്ത​രം ആ​ളു​ക​ളെ കൊ​ണ്ടു​​പോ​കു​ന്ന​ത്. ഇ​ത്​ ചൂ​ണ്ടി​ക്കാ​ണി​ച്ചി​ട്ട്​ പോ​ലും ന​ട​പ​ടി​യു​ണ്ടാ​കു​ന്നി​ല്ല എ​ന്നാ​ണ്​ ആ​ക്ഷേ​പ​മു​യ​രു​ന്ന​ത്. ആ​ളു​ക​ളി​ൽ​നി​ന്ന്​ എ​ത്ര പ​ണം വാ​ങ്ങു​ന്നു, എ​ത്ര പേ​രെ കൊ​ണ്ടു​പോ​കു​ന്നു, എ​​പ്പോ​ൾ തി​രി​കെ എ​ത്തി​ക്കു​ന്നു എ​ന്ന​തി​നൊ​ന്നും ക​ണ​ക്കി​ല്ല. പൊ​ലീ​സി​നെ​പോ​ലും വെ​ല്ലു​വി​ളി​ച്ചാ​ണ്​ ഇ​ത്ത​ര​ക്കാ​ർ പ്ര​വ​ർ​ത്തി​ക്കു​ന്ന​ത്. മ​ണ​ലി ക്ഷേ​ത്ര​ത്തി​ന്​ സ​മീ​പ​ത്തു​നി​ന്ന് ​പ​ത്തോ​ളം ബോ​ട്ടു​ക​ൾ സ​ർ​വി​സ്​ ന​ട​ത്തു​ന്നു​ണ്ട്. തി​ങ്ക​ളാ​ഴ്ച​പോ​ലും പ​രി​ശോ​ധ​ന​ക്കെ​ത്തി​യ പൊ​ലീ​സി​നെ വെ​ല്ലു​വി​ളി​ക്കു​ന്ന സ​മീ​പ​ന​മാ​ണ്​ അ​ന​ധി​കൃ​ത ബോ​ട്ടു​കാ​ർ ന​ട​ത്തി​യ​ത്. രേ​ഖാ​മൂ​ലം പ​രാ​തി​ക​ൾ പോ​യി​ട്ടു​പോ​ലും ഇ​തു​വ​രെ ന​ട​പ​ടി​യു​ണ്ടാ​യി​ട്ടി​ല്ല എ​ന്ന​തി​ൽ വ​ലി​യ പ്ര​തി​ഷേ​ധ​മാ​ണു​ള്ള​ത്.

ര​ജി​സ്​​ട്രേ​ഷ​നും ലൈ​സ​ൻ​സും വേണം

ജ​ല​യാ​ന​ങ്ങ​ൾ​ക്ക്​ ര​ജി​സ്​​ട്രേ​ഷ​നും ഓ​ടി​ക്കു​ന്ന​യാ​ൾ​ക്ക്​ ലൈ​സ​ൻ​സും ഉ​ണ്ടെ​ങ്കി​ൽ മാ​ത്ര​മേ പ്ര​വ​ർ​ത്തി​പ്പി​ക്കാ​വൂ എ​ന്നാ​ണ്​ ച​ട്ടം. എ​ന്നാ​ൽ, പോ​ർ​ട്ട്​ ഓ​ഫി​സി​നെ അ​റി​യി​ക്കാ​തെ നി​ർ​മി​ക്കു​ക​യും ഇ​തി​നാ​ൽ ര​ജി​സ്​​ട്രേ​ഷ​ൻ കി​ട്ടാ​തെ വ​രു​ക​യും ചെ​യ്ത ബോ​ട്ടു​ക​ളും ലൈ​സ​ൻ​സ്​ ടെ​സ്റ്റി​ൽ പ​രാ​ജ​യ​പ്പെ​ട്ട ഡ്രൈ​വ​ർ​മാ​രു​മാ​ണ്​ അ​ന​ധി​കൃ​ത ബോ​ട്ടു​ക​ളാ​യി ജ​ല​ത്തി​ൽ ഇ​റ​ക്കു​ന്ന​ത്. ര​ജി​സ്​​ട്രേ​ഷ​നു​ള്ള ബോ​ട്ടു​ക​ൾ​ക്കു​പോ​ലും എ​ല്ലാ​വ​ർ​ഷ​വും സ്​​റ്റെ​ബി​ലി​റ്റി പ​രി​ശോ​ധ​ന​ക്ക്​ സ​ർ​വേ ന​ട​ത്ത​ണം. എ​ന്നാ​ൽ, ഇ​തൊ​ന്നും ബാ​ധ​ക​മാ​കാ​തെ​യാ​ണ്​ ഒ​രു​കൂ​ട്ട​ർ ജി​ല്ല​യി​ലെ കാ​യ​ലു​ക​ളി​ൽ വി​ഹ​രി​ക്കു​ന്ന​ത്.

മാ​ർ​ച്ചി​ൽ ദു​ര​ന്തം ഒ​ഴി​ഞ്ഞു​പോ​യി
ശി​ക്കാ​ര വ​ള്ളം മു​ങ്ങി​യ അ​പ​ക​ട​ത്തി​ൽ പി​ഞ്ചു​കു​ഞ്ഞ്​ ഉ​ൾ​പ്പെ​ടെ അ​ത്ഭു​ത​ക​ര​മാ​യി ര​ക്ഷ​പ്പെ​ട്ട അ​പ​ക​ടം കൊ​ല്ല​ത്ത്​ ഉ​ണ്ടാ​യി​ട്ട്​ ര​ണ്ടു മാ​സം പി​ന്നി​ടു​ന്ന​തേ​യു​ള്ളൂ. അ​ഷ്ട​മു​ടി കാ​യ​ലി​ൽ പെ​രി​ങ്ങാ​ല​ത്തി​നു സ​മീ​പ​മാ​ണ്​ വി​നോ​ദ​സ​ഞ്ചാ​രി​ക​ൾ സ​ഞ്ച​രി​ച്ച ശി​ക്കാ​ര വ​ള്ളം മു​ങ്ങി​യ​ത്. സം​സ്ഥാ​ന ജ​ല​ഗ​താ​ഗ​ത വ​കു​പ്പ്​ ബോ​ട്ടി​ലെ ജീ​വ​ന​ക്കാ​ർ കൃ​ത്യ​സ​മ​യ​ത്ത്​ ര​ക്ഷാ​പ്ര​വ​ർ​ത്ത​നം ന​ട​ത്തി​യ​തി​നാ​ലാ​ണ്​ അ​ന്ന്​ ര​ണ്ടു​ സ്ത്രീ​ക​ളും ഒ​രു പു​രു​ഷ​നും മൂന്ന് മാസം പ്രായമുള്ള കുഞ്ഞും ഉ​ൾ​പ്പെ​ടെ എട്ടുപേർ ര​ക്ഷ​പ്പെ​ട്ട​ത്.

പ​രി​ശോ​ധ​ന​ക​ൾ വേ​ണം ഫ​ല​പ്ര​ദ​മാ​യി

വ​കു​പ്പു​ക​ൾ ത​മ്മി​ൽ മ​ത്സ​രി​ക്കു​ക​യും പ​ര​സ്പ​രം വെ​ച്ചൊ​ഴി​യു​ക​യും ചെ​യ്ത്​ അ​ന​ധി​കൃ​ത ബോ​ട്ട്​ സ​ർ​വി​സു​കാ​ർ​ക്ക്​ വ​ള​മി​ട്ടു​കൊ​ടു​ക്കു​ന്നെ​ന്ന ആ​ക്ഷേ​പ​വു​മു​ണ്ട്. യാ​ന​ങ്ങ​ൾ പ​രി​ശോ​ധി​ക്കേ​ണ്ട​ത്​ ​പോ​ർ​ട്ട്​ ഓ​ഫി​സെ​ന്ന്​ പ​റ​ഞ്ഞാ​ണ്​ പൊ​ലീ​സ്​ കൈ​ക​ഴു​കു​ന്ന​ത്. ആ​വ​ശ്യ​ത്തി​ന്​ ജീ​വ​ന​ക്കാ​രി​ല്ലെ​ന്നാ​കും​ പോ​ർ​ട്ട്​ ഓ​ഫി​സി​ൽ​നി​ന്നു​ള്ള മ​റു​പ​ടി. ബോ​ട്ടു​ക​ൾ ര​ജി​സ്​​ട്രേ​ഷ​ൻ ന​ട​ത്തേ​ണ്ട​ത്​ പോ​ർ​ട്ട്​ ​ഓ​ഫി​സി​ലൂ​ടെ​യാ​ണ്. യാ​നം നി​ർ​മാ​ണ​ത്തി​ന്‍റെ ആ​ദ്യ​ഘ​ട്ടം മു​ത​ൽ ഇ​തി​ന്​ ന​ട​പ​ടി തു​ട​ങ്ങ​ണം. പ്ലാ​ൻ ഉ​ൾ​പ്പെ​ടെ ഹാ​ജ​രാ​ക്കി, സ​ർ​വേ​യ​ർ വി​വി​ധ ഘ​ട്ട​ങ്ങ​ളി​ൽ പ​രി​ശോ​ധി​ച്ച്​ ക്ഷ​മ​ത ഉ​റ​പ്പാ​ക്കി​യാ​ണ്​ ഏ​റ്റ​വും ഒ​ടു​വി​ൽ നി​ർ​മാ​ണം പൂ​ർ​ത്തി​യാ​ക്കി എ​ല്ലാ സ​ജ്ജീ​ക​ര​ണ​ങ്ങ​ളു​മാ​യി വ​രു​ന്ന യാ​ന​ത്തി​ന്​ ര​ജി​സ്​​ട്രേ​ഷ​ന്​ സ​ർ​ട്ടി​ഫി​ക്ക​റ്റ്​ ന​ൽ​കു​ന്ന​ത്. സ്റ്റെ​ബി​ലി​റ്റി പ​രി​ശോ​ധ​ന തു​ട​ർ​ന്നു​ള്ള വ​ർ​ഷ​ങ്ങ​ളി​ലും ആ​വ​ർ​ത്തി​ച്ചു​കൊ​ണ്ടി​രി​ക്ക​ണം. സ​ർ​വേ​യ​ർ​ക്ക്​ ​മു​ക​ളി​ലേ​ക്കു​ള്ള ഉ​ദ്യോ​ഗ​സ്ഥ​ർ​ക്കാ​ണ്​ യാ​ന​ങ്ങ​ളി​ൽ ഏ​തൊ​രു പ​രി​ശോ​ധ​ന​യും ന​ട​ത്താ​ൻ അ​ധി​കാ​രം. പ​രാ​തി​യു​ടെ അ​ടി​സ്ഥാ​ന​ത്തി​ൽ പോ​ർ​ട്ട്​ ​ഓ​ഫി​സ്​ യാ​ന​ങ്ങ​ളു​ടെ റെ​യി​ഡി​ന്​ പോ​യാ​ലും സ​ർ​വേ​യ​ർ സം​ഘ​ത്തി​ൽ ഉ​ണ്ടാ​ക​ണം. സ​ർ​വേ​യ​ർ​ക്ക്​ മാ​ത്ര​മാ​ണ്​ പി​ഴ​യി​ടാ​ൻ അ​ധി​കാ​രം. എ​ന്നാ​ൽ, കൊ​ല്ലം, തി​രു​വ​ന​ന്ത​പു​രം, ആ​ല​പ്പു​ഴ ജി​ല്ല​ക​ൾ​ക്കാ​യി ആ​കെ ഒ​രു സ​ർ​വേ​യ​റാ​ണു​ള്ള​ത്. യാ​ന​ങ്ങ​ളു​ടെ നി​ർ​മാ​ണ​കാ​ല പ​രി​ശോ​ധ​ന, വ​ർ​ഷം​തോ​റു​മു​ള്ള പ​രി​ശോ​ധ​ന എ​ന്നി​ങ്ങ​നെ ജോ​ലി പി​ടി​പ്പ​തു​ള്ള സ​ർ​വേ​യ​റെ​യും കൂ​ട്ടി ആ​ഴ്ച​​തോ​റും പോ​യി​ട്ട്​ പ​ല മാ​സ​ങ്ങ​ൾ​കൂ​ടു​മ്പോ​ൾ​പോ​ലും റെ​യ്​​ഡ്​ ന​ട​ത്താ​ൻ ക​ഴി​യാ​ത്ത പ്ര​തി​സ​ന്ധി​യാ​ണ്.

തി​ങ്ക​ളാ​ഴ്ച സി​റ്റി പൊ​ലീ​സ്​ ക​മീ​ഷ​ണ​റു​ടെ നി​ർ​ദേ​ശ​പ്ര​കാ​രം അ​ഞ്ചാ​ലും​മൂ​ട്​ ​പൊ​ലീ​സ്​ പോ​ർ​ട്ട്​ ഓ​ഫി​സ്​ ഉ​ദ്യോ​ഗ​സ്ഥ​രു​മാ​യി സാ​മ്പ്രാ​ണി​ക്കോ​ടി മേ​ഖ​ല​യി​ൽ പ​രി​ശോ​ധ​ന​ക്കി​റ​ങ്ങി​യ​തു​പോ​ലും സ​ർ​വേ​യ​ർ ഇ​ല്ലാ​തെ​യാ​ണ്. ആ​ല​പ്പു​ഴ​യി​ലെ പ​രി​ശോ​ധ​ന തി​ര​ക്കി​ലാ​ണ്​ സ​ർ​വേ​യ​ർ. ഈ ​സ്ഥി​തി​യി​ൽ കൊ​ല്ല​ത്ത്​ ഫ​ല​പ്ര​ദ​മാ​യി പ​രി​ശോ​ധ​ന ന​ട​ത്താ​ൻ ക​ഴി​യാ​ത്ത സ്ഥി​തി​യാ​ണ്.

ഒ​രു യാ​നം പ​രി​ശോ​ധ​ന ന​ട​ത്തു​മ്പോ​ൾ​ത​ന്നെ മ​റ്റെ​ല്ലാ അ​ന​ധി​കൃ​ത യാ​ന​ങ്ങ​ളും കാ​യ​ൽ​പ​ര​പ്പി​ൽ​നി​ന്ന്​ അ​പ്ര​ത്യ​ക്ഷ​മാ​കു​ന്ന ‘പ്ര​തി​ഭാ​സ​വും’ ഉ​ണ്ട്. വി​വ​രം കാ​ട്ടു​തീ​പോ​ലെ പ​ര​ന്ന്​ ഇ​ത്ത​രം യാ​ന​ങ്ങ​ൾ ഒ​ളി​പ്പി​ക്കു​ക​യാ​ണ്​ ചെ​യ്യു​ന്ന​ത്. തി​ങ്ക​ളാ​ഴ്ച​യും പൊ​ലീ​സ് പ​രി​ശോ​ധ​ക്കി​ട​യി​ൽ ഇ​താ​ണ് സം​ഭ​വി​ച്ച​ത്. ഇ​തോ​ടെ അ​ന​ധി​കൃ​ത യാ​ന​ങ്ങ​ളെ ക​ണ്ടെ​ത്താ​ൻ ക​ഴി​ഞ്ഞി​ല്ല.

ഫ​ല​പ്ര​ദ​മാ​യി പ​രി​ശോ​ധ​ന​ക​ൾ ഉ​ണ്ടാ​യി​ല്ലെ​ങ്കി​ൽ വ​ലി​യ ദു​ര​ന്തം കൊ​ല്ല​ത്ത്​ സം​ഭ​വി​ക്കും എ​ന്ന​ മു​ന്ന​റി​യി​പ്പ്​ ഉ​യ​ര​വെ, ബ​ന്ധ​പ്പെ​ട്ട അ​ധി​കൃ​ത​ർ ഉ​ണ​ര​ണ​മെ​ന്നാ​ണ്​ ആ​വ​ശ്യ​മു​യ​രു​ന്ന​ത്.