പാലക്കാട്: ബീഫ് ഫെസ്റ്റിവലുകള്‍ നടത്തി സി.പി.എം ചിലരുടെ മതവികാരം വൃണപ്പെടുത്തുകയും മുസ്ലിംകളിലെ തീവ്രവാദികളെ പ്രീതിപ്പെടുത്തുകയുമാണ് ചെയ്യുന്നതെന്ന് കെ.പി.എ മജീദ്. ഫാഷിസത്തിനെതിരെ മുസ്ലിം ലീഗ് പാലക്കാട്ട് സംഘടിപ്പിച്ച പരിപാടിയില്‍ സംസാരിക്കുകയായിരുന്നു അദ്ദേഹം.
കേരളത്തില്‍ സി.പി.എമ്മും അവര്‍ നേതൃത്വം നല്‍കുന്ന സര്‍ക്കാരും സംഘ്പരിവാറിനെ പ്രീതിപ്പെടുത്തുകയാണെന്ന് മജീദ് ആരോപിച്ചു. സി.പി.എം ഫാഷിസത്തെ പ്രതിരോധിക്കുന്നുവെന്നാണ് പറയുന്നത്. സി.പി.എം നേതൃത്വം നല്‍കുന്ന സര്‍ക്കാര്‍ സംഘ്പരിവാര്‍ അജണ്ടയാണ് നടപ്പിലാക്കുന്നത് എന്ന് പറഞ്ഞ കെ.പി.എ മജീദ് ബീഫ് ഫെസ്റ്റിവലുകളെ വിമര്‍ശിച്ചു.
ഗവര്‍ണര്‍ വിളിച്ചപ്പോള്‍ ഓടിപ്പോയി കണ്ടത് പിണറായിയുടെ സംഘ് പരിവാര്‍ വിധേയത്വമാണ് കാണിക്കുന്നത്. എന്നാല്‍ ബംഗാളില്‍ മമത ഗവര്‍ണര്‍ക്ക് നല്‍കിയ മറുപടി എന്താണെന്ന് നോക്കണമെന്ന് മജീദ് പറഞ്ഞു. സി.പി.എം ഭരണത്തില്‍ ദലിതുകള്‍ക്കും രക്ഷയില്ലെന്ന് ഗോവിന്ദാപുരത്തെ അയിത്തം ചൂണ്ടിക്കാട്ടുന്നുവെന്നും അദ്ദേഹം പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.