ജലീൽ തെറ്റുചെയ്​തിട്ടില്ല, ഇല്ലാക്കഥ പ്രചരിപ്പിച്ച്​ നാട്ടിൽ ​പ്രശ്​നങ്ങളുണ്ടാക്കാൻ ശ്രമിക്കുന്നു -മുഖ്യമന്ത്രി

തിരുവനന്തപുരം: നയതന്ത്ര ബാഗേജുമായി ബന്ധപ്പെട്ട്​ എൻഫോഴ്​സ​്​മെൻറ് ഡയറക്​ടർ ചോദ്യം ചെയ്​ത​ മന്ത്രി കെ.ടി. ജലീൽ ഒരു തെറ്റും ചെയ്​തിട്ടില്ലെന്ന്​ മുഖ്യമന്ത്രി പിണറായി വിജയൻ. കെ.ടി. ജലീലിനെതിരെ എന്ത്​ ആക്ഷേപമാണുള്ളതെന്നും അദ്ദേഹവുമായി ബന്ധ​പ്പെട്ട കാര്യങ്ങളിൽ ജലീൽ തന്നെ വ്യക്തത വരുത്തി കഴിഞ്ഞതായും മുഖ്യമന്ത്രി പറഞ്ഞു.

'ജലീലിനെതിരെ ആക്ഷേപം ഉന്നയിച്ച്​ കേരളത്തി​െൻറ പൊതുവായ അന്തരീക്ഷം അട്ടിമറിക്കാൻ ശ്രമിക്കുന്നു. നേരത്തേ വിരോധമുള്ള ചിലരും ജലീലുമായി സമരസപ്പെട്ടു പോകാൻ കഴിയാത്തവരുമുണ്ട്​. ഇതെല്ലാം ഓരോരുത്തരുടെ വീക്ഷണത്തി​െൻറ ഭാഗമാണ്​. ആ വീക്ഷണത്തി​െൻറ ഭാഗമായി ഒരു വ്യക്തിയെ തേജോവധം ചെയ്യാൻ പാടില്ല. നേരത്തേ അദ്ദേഹം കൃത്യമായ രാഷ്​ട്രീയ നിലപാട്​ സ്വീകരിച്ചു. നേരത്തേയുണ്ടായിരുന്ന പ്രസ്​ഥാനത്തിൽനിന്ന്​ എൽ.ഡി.​എഫിനൊപ്പം വരാൻ തയാറായി. ഇത്​ ഇന്നലെ സംഭവിച്ച കാര്യമല്ല. പക്ഷേ അതിനോടുള്ള പക ഒരുകാലത്തും ചിലർക്ക്​ വിട്ടുമാറുന്നില്ല. പ്രത്യേകിച്ച്​ അപ്പുറത്ത്​ നേതൃത്വം അവർ നീക്കുന്നു. ഇത്​ കേരളമാണെന്ന്​ ഓർക്കണം. ബി.ജെ.പിക്കും ഇന്ത്യൻ യൂനിയൻ മുസ്​ലിം ലീഗിനും കാര്യങ്ങൾ ഒരേ രീതിയിൽ നീക്കാൻ ജലീൽ എന്ന കഥാപാത്രത്തെ സൃഷ്​ടിക്കുന്നു. ഇത്​ ജലീൽ തെറ്റുചെയ്​തതുകൊണ്ടല്ല. ഈ രണ്ടുകൂട്ടർക്കും പ്രത്യേക ഉദ്ദേശങ്ങളുണ്ട്​. ഈ ഉദ്ദേശങ്ങൾവെച്ച്​ നാട്​ കുട്ടിച്ചോറാക്കാൻ ശ്രമങ്ങൾ നടക്കുന്നു. ഇത്​ സമൂഹത്തിന്​ മനസിലായി' -മുഖ്യമന്ത്രി കൂട്ടി​േചർത്തു.

ഇപ്പോൾ നടക്കുന്നത്​ അപവാദ പ്രചാരണമാണ്​. ഇല്ലാക്കഥ പ്രചരിപ്പിച്ച്​ നാട്ടിൽ പ്രശ്​നങ്ങൾ ഉണ്ടാക്കാനും ശ്രമിക്കുന്നു. അതിന്​ ആളുകളെ വലിയ തോതിൽ ഇളക്കിവിടുകയും വിശേഷണങ്ങൾ ചാർത്തികൊടുക്കുകയും ചെയ്​തു. ചില സമരക്കാരെ പുലികൾ എന്നു വിശേഷിപ്പിച്ചു. എന്തിനാണ്​ പുലികളെ രംഗത്തിറക്കിയതെന്നും ഉദ്ദേശം എന്താണെന്നും മുഖ്യമന്ത്രി ചോദിച്ചു. ഒരു മന്ത്രി എന്ന നിലയിൽ സംസ്​ഥാനത്ത്​ ഒരു ഏജൻസിയുടെ ചോദ്യം ചെയ്യൽ ആദ്യമായാണോ നടക്കുന്നത്​. എൽ.ഡി.എഫ്​ മ​ന്ത്രിസഭയിലെ ഒരു അംഗത്തെ ഏജൻസി ചോദ്യം ​ചെയ്യുന്നത്​ ആദ്യമായാ​െണന്ന്​ പറയാനാകും. പക്ഷേ കേരളത്തിൽ മന്ത്രിസ്​ഥാനത്തി​രിക്കേ ആരൊയൊക്കെ ചോദ്യം ചെയ്​തുവെന്നും മുഖ്യമന്ത്രി ​ചോദിച്ചു.

ആക്ഷേപം വന്നാൽ ഏജൻസികൾ പരിശോധന നടത്തുന്നതിൽ തെറ്റില്ല. സക്കാത്തും മതഗ്രന്​ഥവും ജലീലല്ല ചോദിച്ചത്​. പ്രത്യേക വിഭാഗത്തി​െൻറ സാംസ്​കാരിക രീതി അനുസരിച്ച്​ കോൺ​സു​േലറ്റാണ്​ ഇതെല്ലാം വിതരണം ചെയ്യാൻ താൽപര്യമുണ്ടെന്നറിയിച്ച്​ ഇങ്ങോട്ട്​ വന്നത്​. ന്യൂനപക്ഷ വകുപ്പ്​ മന്ത്രിയെന്ന നിലയിൽ ജലീൽ ജലീൽ സൗക​ര്യം ഏർപ്പെടുത്തി നൽകി. അദ്ദേഹം അങ്ങോട്ടുപോയതല്ല. അതെങ്ങനെയാണ്​ കുറ്റമാകുകയെന്നും മുഖ്യമന്ത്രി ചോദിച്ചു.

ലൈഫ്​ മിഷൻ പദ്ധതിയിൽ റെഡ്​ ക്രസൻറുമായി ബന്ധപ്പെട്ട്​ പുറത്തുവന്ന കാര്യങ്ങൾ സർക്കാർ പരിശോധിക്കുന്നുണ്ട്​. മറ്റു കാര്യങ്ങളിൽ സർക്കാറിന്​ ബന്ധമില്ല. റെഡ്​ ക്രസൻറുമായി ഒപ്പിട്ടട എം.ഒ.യു കോപി ​പ്രതിപക്ഷ നേതാവിന്​ നൽകാത്തത്​ സംബന്ധിച്ച്​ ഉത്തരം പറയാൻ കഴിയില്ലെന്നും മുഖ്യമന്ത്രി കൂട്ടിച്ചേർത്തു.