മുഖ്യമന്ത്രി പറഞ്ഞത് തമാശ; ഇത്തരത്തിൽ പലപ്പോഴും പറയാറുണ്ടെന്ന് കെ.ടി. ജലീൽ

കോഴിക്കോട്: എ.ആർ നഗർ ബാങ്ക് ക്രമക്കേടിൽ എൻഫോഴ്സ്മെന്‍റ് ഡയറക്ടറേറ്റിന്‍റെ (ഇ.ഡി) അന്വേഷണം വേണമെന്ന് താൻ ആവശ്യപ്പെട്ടിട്ടില്ലെന്ന് കെ.ടി ജലീൽ എം.എൽ.എ. സഹകരണ ബാങ്ക് വിഷയത്തിൽ സി.പി.എം നേതാക്കൾ ചോദിച്ചാൽ വിശദീകരണം നൽകുമെന്നും ജലീൽ വ്യക്തമാക്കി.

ഇ.​ഡി​യി​ൽ കു​റെ​ക്കൂ​ടി വി​ശ്വാ​സം ജലീലിന് വ​ന്നി​ട്ടു​ണ്ടെന്ന് തോ​ന്നു​ന്നുവെന്ന മുഖ്യമന്ത്രി പിണറായി വിജയന്‍റെ പരാമർശത്തിനും അദ്ദേഹം മറുപടി നൽകി. മുഖ്യമന്ത്രി പറഞ്ഞത് തമാശയാണെന്ന് ജലീൽ പറഞ്ഞു. ആ നിലക്കെ താൻ അതിനെ കാണുന്നുള്ളൂ. തന്നോട് പലപ്പോഴും ഇത്തരത്തിൽ പറയാറുണ്ടെന്നും ജലീൽ വ്യക്തമാക്കി.

ചന്ദ്രിക കള്ളപ്പണ കേസുമായി ബന്ധപ്പെട്ട രേഖകൾ ഇ.ഡിക്ക് കൈമാറും. ഇ.ഡി ആവശ്യപ്പെട്ടത് കൊണ്ടാണ് തെളിവുകൾ കൈമാറുന്നത്. ഇതിനായി നാളെ വൈകിട്ട്  ഇ.​ഡി​യു​ടെ ഓ​ഫി​സി​ലെ​ത്തു​മെ​ന്ന്​ കെ.​ടി. ജ​ലീ​ൽ അറിയിച്ചു. എ.​ആ​ർ ന​ഗ​ർ സ​ഹ​ക​ര​ണ ബാ​ങ്ക്​ ക്ര​മ​ക്കേ​ടു​മാ​യി ബ​ന്ധ​പ്പെ​ട്ട്​ ഇ.​ഡി​യെ സ​മീ​പി​ച്ച ന​ട​പ​ടി ഉ​ചി​ത​മാ​യി​ല്ലെ​ന്ന മു​ഖ്യ​മ​ന്ത്രി​യു​ടെ വി​മ​ർ​ശ​ന​ത്തി​ന്​ പി​റ​കെ​യാ​ണ്​ തെ​ളി​വ്​ ന​ൽ​കാ​ൻ ജ​ലീ​ൽ ബു​ധ​നാ​ഴ്​​ച ഹാ​ജ​രാ​വു​ന്ന​ത്.

ഇ.​ഡി ആ​വ​ശ്യ​പ്പെ​ട്ട​ത​നു​സ​രി​ച്ചാ​ണ്​ പോ​വു​ന്ന​തെ​ന്നും അ​ത്​ മു​ഖ്യ​മ​ന്ത്രി വി​ല​ക്കി​യി​​ട്ടി​ല്ലെ​ന്നും ജ​ലീ​ൽ പ്ര​തി​ക​രി​ച്ചു. കു​ഞ്ഞാ​ലി​ക്കു​ട്ടി​ക്കെ​തി​രാ​യ പോ​രാ​ട്ടം തു​ട​രു​ം. ലോ​ക​ത്തെ​വി​ടെ​യും 10 രൂ​പ​യു​ടെ അ​വി​ഹി​ത സ​മ്പാ​ദ്യ​മി​ല്ല. ലീ​ഗ് രാ​ഷ്​​്ട്രീ​യ​ത്തെ ക്രി​മി​ന​ൽ​വ​ത്​​ക​രി​ച്ച കു​ഞ്ഞാ​ലി​ക്കു​ട്ടി​ക്കും അ​ദ്ദേ​ഹ​ത്തി​െൻറ ക​ള്ള​പ്പ​ണ-​ഹ​വാ​ല ഇ​ട​പാ​ടു​ക​ൾ​ക്കും അ​ന​ധി​കൃ​ത സ്വ​ത്തു സ​മ്പാ​ദ​ന​ത്തി​നു​മെ​തി​രെ അ​വ​സാ​ന ശ്വാ​സം വ​രെ പോ​രാ​ട്ടം തു​ട​രും. മു​ഖ്യ​മ​ന്ത്രി പി​തൃ​തു​ല്യ​നാ​ണെ​ന്നും അ​ദ്ദേ​ഹ​ത്തി​ന് ശാ​സി​ക്കാ​നും ഉ​പ​ദേ​ശി​ക്കാ​നും തി​രു​ത്താ​നും അ​ധി​കാ​ര​മു​ണ്ടെ​ന്നും ​ഫേ​സ്​​ബു​ക്ക്​ കു​റി​പ്പി​ൽ ജ​ലീ​ൽ വ്യ​ക്​​ത​മാ​ക്കി.