കോഴിക്കോട്: മുഖ്യമന്ത്രിയെയും മന്ത്രിമാരെയും വ്യക്തിഹത്യ നടത്താനായി കേന്ദ്ര ഏജൻസികൾ രാഷ്ട്രീയ കള്ളക്കളികൾ നടത്തുവെന്നാരോപിച്ച് എൽ.ഡി.എഫ് നേതൃത്വത്തിൽ കസ്റ്റംസ് ഓഫീസുകളിലേക്ക്‌ മാർച്ച് നടത്തി. തിരുവനന്തപുരം, കൊച്ചി, കോഴിക്കോട് കസ്റ്റംസ് മേഖലാ ഓഫീസുകളിലേക്കാണ്‌ മാർച്ച് നടത്തിയത്‌.
എൽ.ഡി.എഫ് സർക്കാറിനെ കേന്ദ്ര അന്വേഷണ ഏജൻസികളെ ഉപയോഗിച്ച് കീഴ്‌പെടുത്താനുള്ള നീക്കമാണ്‌ ബി.ജെ.പി നടത്തുന്നത്‌. സംസ്ഥാന ഭരണനേതൃത്വത്തെയും സർക്കാരിനെയും അവഹേളിക്കാനുള്ള ഹീന ശ്രമമാണ് കേന്ദ്രസർക്കാർ ഏജൻസികളെ ഉപയോഗിച്ച് നടത്തുന്നതെന്ന് നേതാക്കൾ പറഞ്ഞു.
തിരുവനന്തപുരം കസ്റ്റംസ് ഓഫീസിലേക്ക് നടന്ന മാർച്ച് സി.പി.എം പി.ബി അംഗം എം.എ ബേബി ഉദ്ഘാടനം ചെയ്തു. കൊച്ചിയിൽ മാർച്ച് ജില്ലാ സെക്രട്ടറി സി.എൻ മോഹനൻ ഉദ്ഘാടനം ചെയ്തു.കോഴിക്കോട് മുതലക്കുളം മൈതാനം കേന്ദ്രീകരിച്ചാണ് മാർച്ച് നടന്നത്, ജില്ലാ സെക്രട്ടറി പി മോഹനൻ ഉദ്ഘാടനം ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.