കൊച്ചി: വടക്കാഞ്ചേരി ലൈഫ് മിഷൻ കേസിൽ സി.ബി.ഐക്ക് അന്വേഷണം തുടരാമെന്ന് ഹൈകോടതി. സംസ്ഥാന സർക്കാർ സി.ബി.ഐ അന്വേഷണത്തോട് സഹകരിക്കണമെന്നും ഹൈകോടതി നിർദേശം നൽകി.
അതേസമയം വടക്കാഞ്ചേരി ൈലഫ് മിഷൻ പദ്ധതിക്കെതിരായ സി.ബി.ഐ അന്വേഷണം റദ്ദാക്കണമെന്ന സർക്കാറിെൻറ ഹരജി ഹൈകോടതി ഫയലിൽ സ്വീകരിച്ചു. കേസ് അടുത്ത വ്യാഴാഴ്ച പരിഗണിക്കും.
പ്രാഥമിക അന്വേഷണം നടത്താതെയാണ് സി.ബി.ഐ എഫ്.ഐ.ആർ രജിസ്റ്റർ ചെയ്തതെന്ന് സർക്കാർ അഭിഭാഷകൻ കോടതിയെ അറിയിച്ചിരുന്നു. ലൈഫ് മിഷൻ പദ്ധതിയുമായി ബന്ധപ്പെട്ട് എഫ്.സി.ആർ.ഐ ചട്ടം ബാധകമാകില്ലെന്നും യുനിടെക്കും റെഡ് ക്രസൻറും തമ്മിലാണ് ഇടപാടെന്നും സർക്കാറിന് ബന്ധമില്ലെന്നും അഭിഭാഷകൻ കോടതിയെ അറിയിച്ചു.
ഫ്ലാറ്റ് നിർമിക്കുന്നതിന് ആവശ്യമായ സ്ഥലം കണ്ടെത്തി നൽകുക മാത്രമാണ് സർക്കാർ ചെയ്തതെന്നും കോടതിയിൽ വ്യക്തമാക്കി. സർക്കാറിന് വേണ്ടി സുപ്രീംകോടതിയിലെ മുതിർന്ന അഭിഭാഷകൻ കെ.വി. വിശ്വനാഥനാണ് വിഡിയോ കോൺഫറൻസിങ് വഴി ഡൽഹിയിൽനിന്ന് ഹാജരായത്.
നിയമോപദേശം ലഭിച്ചതിെൻറ അടിസ്ഥാനത്തിൽ ലൈഫ് മിഷൻ കേസിലെ സി.ബി.ഐ അന്വേഷണം റദ്ദാക്കണമെന്ന് ആവശ്യെപ്പട്ട് കഴിഞ്ഞ ദിവസമാണ് സർക്കാർ ഹൈകോടതിയിൽ ഹരജി നൽകിയത്. സി.ബി.ഐ അന്വേഷണം നിയമവിരുദ്ധവും നിയമവ്യവസ്ഥയെ അപഹസിക്കുന്നതുമാണെന്നാണ് സർക്കാർ ഹരജിയിൽ പറയുന്നു. പ്രാഥമിക അന്വേഷണം പോലും നടത്താതെയാണ് സി.ബി.ഐ അന്വേഷണം ആരംഭിച്ചതെന്നും പിന്നിൽ മറ്റു താൽപര്യങ്ങളുണ്ടെന്നും സർക്കാർ ഹരജിയിൽ പറയുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.