കായംകുളം: ഔദ്യോഗികപക്ഷം വ്യക്തമായ മേൽക്കൈ നേടിയ സി.പി.എം ഏരിയ സമ്മേളനത്തിൽ സെക്രട്ടറിയായി പി. അരവിന്ദാക്ഷനെ വീണ്ടും തെരഞ്ഞെടുത്തു. 21 അംഗ കമ്മിറ്റിയിൽ ലോക്കൽ സെക്രട്ടറിമാരായ ഐ. റഫീഖ്, സുരേഷ്കുമാർ എന്നിവർ മാത്രമാണ് പുതുതായി ഇടംപിടിച്ചത്. പ്രായപരിധി മാനദണ്ഡത്തിൽ പുറത്ത് പോകേണ്ടവരെയടക്കം നിലനിർത്തി ഐക്യസന്ദേശം നൽകിയെങ്കിലും ജില്ല സെക്രട്ടറിയെ അനുകൂലിക്കുന്ന ജി. സുധാകരപക്ഷത്തിൻെറ മേൽക്കൈ വ്യക്തമാണ്. അതേസമയം, പുതിയ കമ്മിറ്റിയിൽ ഇടം കിട്ടുമെന്ന് പ്രതീക്ഷയർപ്പിച്ച പലരും പുറത്തായി. കഴിഞ്ഞ കമ്മിറ്റിയിൽനിന്ന് നടപടിയിലൂടെ പുറത്തായ എസ്. കേശുനാഥും പ്രതീക്ഷയിലായിരുന്നു. മുതിർന്ന നേതാക്കളായ പ്രഫ. എം.ആർ. രാജശേഖരൻ, കെ.പി. മോഹൻദാസ് എന്നിവരെ ജില്ല പ്രതിനിധി സമ്മേളനത്തിൽനിന്ന് ഒഴിവാക്കിയത് സജി ചെറിയാൻ പക്ഷത്തിന് തിരിച്ചടിയായി. സമ്മേളനത്തിലുടനീളം യു. പ്രതിഭ എം.എൽ.എെക്കതിരെയുള്ള വിമർശനമാണ് നിറഞ്ഞുനിന്നത്. ചർച്ചയുടെ ഗണ്യഭാഗവും വിമർശനം കവർന്നതിൽ ജില്ല സെക്രട്ടറി ആർ. നാസർ മറുപടിയിൽ അസംതൃപ്തി പ്രകടിപ്പിച്ചതായും അറിയുന്നു. ക്ഷണിതാവായിട്ടും യു. പ്രതിഭ എം.എൽ.എ സമ്മേളനത്തിൽ പ്രതിനിധിയായില്ലെന്നതും ശ്രദ്ധേയമായിരുന്നു. ചിത്രം: APLKY2CPM സി.പി.എം കായംകുളം ഏരിയ സെക്രട്ടറി പി. അരവിന്ദാക്ഷൻ
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.