മാവേലിക്കര: യുക്രെയ്നിലെ കിയവ് വിമാനത്താവളത്തിനടുത്തെ ഫ്ലാറ്റിലാണ് മാവേലിക്കര സ്വദേശി ഏബലിന്‍റെ താമസം. താമസസ്ഥലത്തിന്‍റെ 800 മീറ്റർ അടുത്താണ് സ്ഫോടനമുണ്ടായത്. ശരിക്കും ഞെട്ടി. ഭീതി ഇപ്പോഴും വിട്ടുമാറിയിട്ടില്ല. പിന്നീട് മലയാളിയായ മറ്റൊരു വിദ്യാർഥിയുടെ ഫ്ലാറ്റിലേക്ക് മാറുകയായിരുന്നു. അടുത്തുള്ള മറ്റ് മലയാളി വിദ്യാർഥികൾ താമസിക്കുന്ന ഹോസ്റ്റലിലേക്ക് കഴിഞ്ഞ ദിവസം ചെന്നെങ്കിലും രാത്രിയായതിനാൽ അവിടെ കയറ്റിയില്ല. ഫോണിലൂടെയുള്ള ഈ സംസാരത്തിൽതന്നെ കിയവിൽ സ്ഥിതി അതിരൂക്ഷമാണെന്ന് ബോധ്യപ്പെടും. മാവേലിക്കര ആക്കനാട്ടുകര കോട്ടയിൽ ഏബൽ വില്ലയിൽ തോമസ് പി. ജോർജിന്റെ മകൻ ഏബൽ ജോർജ് തോമസ് (24) യുക്രെയ്ൻ-അമേരിക്കൻ കോൺകോർഡിയ സർവകലാശാലയിൽ എം.ബി.എ വിദ്യാർഥിയാണ്. പഠനത്തിന് ഒരുവർഷം മുമ്പ് യുക്രെയ്നിൽ എത്തിയ ഏബൽ കോവിഡ് പശ്ചാത്തലത്തിൽ നാട്ടിൽ തിരികെയെത്തിയിരുന്നു. പരീക്ഷ എഴുതാനും വിസ പുതുക്കാനുമായി ഒരുമാസം മുമ്പാണ് തിരികെ പോയത്. ഇന്‍റർനെറ്റ് സംവിധാനം പൂർണമായും തകരാറിലായി. സാധനങ്ങൾ വാങ്ങുന്നതിന് കാർഡ് ഉപയോഗിക്കാൻ കഴിയുന്നില്ല. ആഹാരസാധനങ്ങൾ തീർന്നുകൊണ്ടിരിക്കുകയാണ് -ഏബൽ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.