വിഷ്ണു
മുഹമ്മ: മാറ്റിവെച്ച വൃക്കയും തകരാറിലായതോടെ വീണ്ടും സുമനസ്സുകളുടെ സഹായംതേടി യുവാവ്. മുഹമ്മ പഞ്ചായത്ത് 16ാം വാർഡ്‌ ചരമംഗലം ഉണിച്ചാൻ വീട്ടിൽ എം.ജി. അശോകന്റെ മകൻ എം.എ. വിഷ്ണുവിനാണ് (27) വൃക്ക മാറ്റിവെക്കൽ അനിവാര്യമായത്. 2017 ജനുവരി 31നാണ് വിഷ്ണുവിന് വൃക്ക മാറ്റിവെച്ചത്. അന്ന് പാലാ സ്വദേശിയാണ് വൃക്ക നൽകിയത്.
എന്നാൽ, മാറ്റിവെച്ച വൃക്ക പ്രവർത്തനരഹിതമായതോടെ കഴിഞ്ഞ അഞ്ച് മാസമായി ഡയാലിസിസ് ചെയ്താണ് വിഷ്ണുവിന്‍റെ ജീവൻ നിലനിർത്തുന്നത്. സഹോദരൻ കമൽദേവും വൃക്കരോഗിയാണ്.
2014ൽ ഇവരുടെ മാതാവ് മോളിയാണ് കമൽദേവിന് വൃക്ക നൽകിയത്. പ്രമേഹ രോഗിയായ പിതാവ് അശോകന്റെ വൃക്ക മാറ്റിവെക്കാൻ കഴിയാത്തതിനാലാണ് സുമനസ്സുകളുടെ സഹായം തേടുന്നത്. എ പോസിറ്റിവ് വൃക്കയാണ് വിഷ്ണുവിന് വേണ്ടത്. കാരുണ്യമുള്ളവർ കനിഞ്ഞാൽ വിഷ്ണുവിനെ ജീവിതത്തിലേക്ക് തിരിച്ചെത്തിക്കാം. ഫോൺ: 9567416744, 9496332617. ചികിത്സ സഹായത്തിനായി എസ്.ബി.ഐ മുല്ലക്കൽ ബ്രാഞ്ചിൽ അക്കൗണ്ട് തുറന്നിട്ടുണ്ട്. അക്കൗണ്ട് നമ്പർ: 32521010667. IFSC:SBIN0003106. ഗൂഗ്ൾ പേ നമ്പർ: 9567416744.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.