കായംകുളത്തെ ദേശീയപാത വികസനം സമരസമിതി സർവേ തുടങ്ങി

കാ​യം​കു​ളം: ദേ​ശീ​യ​പാ​ത വി​ക​സ​ന​ത്തി​ന്‍റെ ഭാ​ഗ​മാ​യി കാ​യം​കു​ളം കോ​ള​ജ്​ ജ​ങ്​​ഷ​നി​ൽ കോ​ട്ട​കെ​ട്ടി വേ​ർ​തി​രി​ക്കു​ന്ന​തി​നെ​തി​രെ സ​മ​ര​സ​മി​തി നി​യ​മ​പോ​രാ​ട്ട​ത്തി​നും തു​ട​ക്കം​കു​റി​ക്കു​ന്നു.

ഭാ​വി​യി​ൽ നേ​രി​ടാ​ൻ സാ​ധ്യ​ത​യു​ള്ള ഗ​താ​ഗ​ത​ക്കു​രു​ക്ക് സം​ബ​ന്ധി​ച്ച വി​വ​ര​ങ്ങ​ൾ നീ​തി​പീ​ഠ​ങ്ങ​ളു​ടെ മു​ന്നി​ലെ​ത്തി​ക്കാ​നാ​ണ് ശ്ര​മം. ഇ​തി​നാ​യി വാ​ഹ​ന സ​ർ​വേ തു​ട​ങ്ങി. പ​ടി​ഞ്ഞാ​റ​ൻ പ്ര​ദേ​ശ​ങ്ങ​ളെ ടൗ​ണു​മാ​യി ബ​ന്ധി​പ്പി​ക്കു​ന്ന കോ​ള​ജ് ജ​ങ്ഷ​നി​ലൂ​ടെ മാ​ത്രം മ​ണി​ക്കൂ​റി​ൽ 1800 ഓ​ളം വാ​ഹ​ന​ങ്ങ​ൾ ക​ട​ന്നു​പോ​കു​ന്ന​താ​യി സ​ർ​വേ​യി​ൽ വ്യ​ക്ത​മാ​യി. ദേ​ശീ​യ​പാ​ത വി​ക​സി​പ്പി​ക്കു​മ്പോ​ൾ, ര​ണ്ട് ചെ​റി​യ അ​ടി​പ്പാ​ത​ക​ളി​ലൂ​ടെ ഇ​ത്ര​യും വാ​ഹ​ന​ങ്ങ​ൾ ക​ട​ന്നു​പോ​കു​ന്ന​ത് ഗു​രു​ത​ര ഗ​താ​ഗ​ത പ്ര​ശ്ന​ങ്ങ​ൾ​ക്ക് കാ​ര​ണ​മാ​കും. കോ​ട്ട​കെ​ട്ടി വേ​ർ​തി​രി​ക്കു​ന്ന​തോ​ടെ അ​ട​ക്ക​പ്പെ​ടു​ന്ന കൊ​റ്റു​കു​ള​ങ്ങ​ര മു​ത​ൽ കോ​ള​ജ് ജ​ങ്ഷ​ൻ വ​രെ​യു​ള്ള ഇ​ട​റോ​ഡു​ക​ളി​ലൂ​ടെ​യും നി​ര​വ​ധി വാ​ഹ​ന​ങ്ങ​ൾ ദേ​ശീ​യ​പാ​ത​യി​ലേ​ക്ക് പ്ര​വേ​ശി​ക്കു​ന്നു​ണ്ട്.

ഇ​തു​സം​ബ​ന്ധി​ച്ച്​ പൊ​തു​താ​ൽ​പ​ര്യ ഹ​ര​ജി ന​ൽ​കാ​ൻ തെ​ളി​വ് ശേ​ഖ​രി​ക്കു​ന്ന​തി​ന്‍റെ ഭാ​ഗ​മാ​യാ​ണ്​ സ​മ​ര​സ​മി​തി സ​ർ​വേ തു​ട​ങ്ങി​യ​ത്. മ​ണി​ക്കൂ​റി​ൽ 1240 ഇ​രു​ച​ക്ര​വാ​ഹ​ന​ങ്ങ​ൾ, 123 മു​ച്ച​ക്ര വാ​ഹ​ന​ങ്ങ​ൾ, 342 ചെ​റി​യ നാ​ലു​ച​ക്ര വാ​ഹ​ന​ങ്ങ​ൾ, 74 വ​ലി​യ ബ​സ്, ലോ​റി, ട്ര​ക്ക് ഇ​ന​ങ്ങ​ളാ​യ വാ​ഹ​ന​ങ്ങ​ളും സി​ഗ്ന​ൽ മു​റി​ച്ച് ഇ​രു​വ​ശ​ങ്ങ​ളി​ലേ​ക്കും സ​ഞ്ച​രി​ക്കു​ന്നു. 6500 ഓ​ളം കാ​ൽ​ന​ട​ക്കാ​രും മ​ണി​ക്കൂ​റി​ൽ റോ​ഡ്​ മു​റി​ച്ചു​ക​ട​ക്കു​ന്ന​താ​യി സ​ർ​വേ​യി​ൽ ക​ണ്ടെ​ത്തി. സ​മാ​ന​മാ​യ സാ​ഹ​ച​ര്യ​മാ​ണ് തൊ​ട്ട​ടു​ത്ത ക​മ​ലാ​ല​യം ജ​ങ്​​ഷ​നി​ലും.

ദേ​ശീ​യ​പാ​ത വി​ക​സ​ന രൂ​പ​രേ​ഖ​യി​ൽ കോ​ള​ജ്, ക​മ​ലാ​ല​യം ജ​ങ്ഷ​നു​ക​ളി​ൽ ര​ണ്ട് ചെ​റി​യ അ​ടി​പ്പാ​ത​ക​ളാ​ണ് നി​ല​വി​ൽ നി​ർ​ദേ​ശി​ച്ചി​ട്ടു​ള്ള​ത്. എ​ന്നാ​ൽ, എം.​എ​സ്.​എം കോ​ള​ജ് മു​ത​ൽ ചി​റ​ക്ക​ട​വം വ​രെ തൂ​ണു​ക​ളി​ലെ ഉ​യ​ര​പ്പാ​ത സ്ഥാ​പി​ച്ചാ​ൽ ഇ​തി​ന് പ​രി​ഹാ​ര​മാ​കു​മെ​ന്ന ശാ​സ്ത്രീ​യ നി​ർ​ദേ​ശം അം​ഗീ​ക​രി​ക്കാ​ൻ ദേ​ശീ​യ​പാ​ത അ​തോ​റി​റ്റി വി​മു​ഖ​ത കാ​ട്ടു​ക​യാ​ണ്.

ഇ​ന്ത്യ​ൻ റോ​ഡ് കോ​ൺ​ഗ്ര​സ് നി​ബ​ന്ധ​ന​യ​നു​സ​രി​ച്ച് വാ​ഹ​ന പ്ര​വാ​ഹ സാ​ന്ദ്ര​ത പ​രി​ശോ​ധ​ന ന​ട​ത്തി​യാ​ണ് അ​ടി​പ്പാ​ത​ക​ൾ അ​നു​വ​ദി​ക്കേ​ണ്ട​ത്. എ​ന്നാ​ൽ, നി​ശ്ചി​ത സ​മ​യ​പ​രി​ധി​ക്കു​ള്ളി​ൽ ക​ട​ന്നു​പോ​കു​ന്ന വി​വി​ധ​ത​രം വാ​ഹ​ന​ങ്ങ​ൾ സം​ബ​ന്ധി​ച്ച ഒ​രു പ​ഠ​ന​വും ഇ​വി​ടെ ന​ട​ത്തി​യി​ട്ടി​ല്ല.

ടൗ​ണി​ലേ​ക്കു​ള്ള പ്ര​ധാ​ന ക​വാ​ട​ത്തി​ൽ അ​ടി​പ്പാ​ത​ക്ക് പോ​ലും നേ​ര​ത്തേ നി​ർ​ദേ​ശ​മു​ണ്ടാ​യി​ല്ല. പ്ര​തി​ഷേ​ധം ശ​ക്ത​മാ​യ​പ്പോ​ഴാ​ണ് ചെ​റി​യ അ​ടി​പ്പാ​ത രൂ​പ​രേ​ഖ​യി​ൽ ഉ​ൾ​പ്പെ​ടു​ത്തി​യ​ത്. എ​ന്നാ​ൽ, തൂ​ണു​ക​ളി​ലെ ഉ​യ​ര​പ്പാ​ത മാ​ത്ര​മാ​ണ് പ​രി​ഹാ​ര​മെ​ന്നാ​ണ് സ​മ​ര​സ​മി​തി മു​ന്നോ​ട്ടു​വെ​ക്കു​ന്ന പ​രി​ഹാ​ര​മാ​ർ​ഗം.

സ​മ​ര​സ​മി​തി ക​ൺ​വീ​ന​ർ ദി​നേ​ശ് ച​ന്ദ​ന, അ​ജീ​ർ യൂ​ന​സ്, സ​ജീ​ർ കു​ന്നു​ക​ണ്ടം, എ.​എ. നി​ഹാ​സ്, നൗ​ഫ​ൽ താ​ഹ, റി​യാ​സ് പു​ല​രി​യി​ൽ, സി​യാ​ദ് മ​ണ്ണാ​മു​റി, അ​ന​സ് ഇ​ല്ലി​ക്കു​ളം, പി.​എ. കു​ഞ്ഞു​മോ​ൻ, സ​ജീ​വ് എ​ന്നി​വ​ർ സ​ർ​വേ​ക്ക് നേ​തൃ​ത്വം ന​ൽ​കി.