ദുരിതം പെയ്തിറങ്ങുന്ന ദേശീയപാത

കാ​യം​കു​ളം: നി​ർ​മാ​ണം സൃ​ഷ്ടി​ക്കു​ന്ന പ്ര​തി​സ​ന്ധി​ക​ൾ​ക്കി​ടെ മ​ഴ​യും ശ​ക്ത​മാ​യ​തോ​ടെ ദേ​ശീ​യ​പാ​ത​യി​ലെ യാ​ത്ര ഇ​ര​ട്ടി ദു​രി​ത​മാ​യി. കു​ണ്ടും കു​ഴി​യും നി​റ​ഞ്ഞ റോ​ഡി​ലൂ​ടെ സാ​ഹ​സി​ക യാ​ത്ര​യാ​ണ് വേ​ണ്ടി വ​രു​ന്ന​ത്. വെ​ള്ളം ഒ​ഴു​കി പോ​കാ​ൻ സൗ​ക​ര്യ​മി​ല്ലാ​ത്ത വി​ധം കെ​ട്ടി​യ​ട​ച്ചു​ള്ള നി​ർ​മാ​ണ​മാ​ണ് പ്ര​ധാ​ന പ്ര​ശ്നം.

നീ​രൊ​ഴു​ക്കി​നെ സു​ഗ​മ​മാ​ക്കി​യി​രു​ന്ന കാ​ന​ക​ളും ക​ലു​ങ്കു​ക​ളും അ​ട​ച്ച​തും ദു​രി​തം ഇ​ര​ട്ടി​പ്പി​ക്കു​ന്നു. ഇ​തോ​ടൊ​പ്പം ഇ​രു​വ​ശ​ത്തു​മു​ള്ള ഓ​ട​ക​ൾ ഉ​യ​ർ​ത്തി നി​ർ​മി​ച്ച​തി​ലൂ​ടെ റോ​ഡി​ലെ വെ​ള്ളം ഒ​ഴു​കി പോ​കാ​ൻ സൗ​ക​ര്യ​മി​ല്ലാ​തെ തോ​ടാ​യി മാ​റി​യ​തും പ്ര​ശ്ന​മാ​യി. കൃ​ഷ്ണ​പു​രം മു​ത​ൽ രാ​മ​പു​രം വ​രെ​യു​ള്ള ഭാ​ഗം താ​ണ്ട​ണ​മെ​ങ്കി​ൽ മ​ണി​ക്കൂ​റു​ക​ൾ വേ​ണ​മെ​ന്ന​താ​ണ് സ്ഥി​തി. നി​ർ​മാ​ണം പു​രോ​ഗ​മി​ക്കു​ന്ന ദേ​ശി​യ പാ​ത​യി​ലെ പ​ല​സ്ഥ​ല​ങ്ങ​ളും കു​ഴി​പ്പാ​ത​യും ജ​ല​പാ​ത​യു​മാ​യി മാ​റു​ന്ന അ​വ​സ്ഥ​യി​ലാ​ണ്. സ​മാ​ന്ത​ര പാ​ത​ക​ളും വെ​ള്ളം​നി​റ​ഞ്ഞ​ത് യാ​ത്ര​യെ ബാ​ധി​ക്കു​ന്നു. മ​തി​യാ​യ സൗ​ക​ര്യ​ങ്ങ​ൾ ഒ​രു​ക്കു​ന്ന​തി​ൽ സം​ഭ​വി​ച്ച വീ​ഴ്ച​ക​ളും പ്ര​ശ്ന​മാ​ണ്. ഗ്രാ​വ​ലും ക്വാ​റി വേ​സ്റ്റും ടാ​ർ പൊ​ടി​യും നി​റ​ഞ്ഞ പാ​ത ചെ​ളി​ക്കു​ള​മാ​യി മാ​റി. വാ​ഹ​ന​ങ്ങ​ൾ ഇ​ഴ​ഞ്ഞു നീ​ങ്ങു​ന്ന​ത് മൂ​ലം ഗ​താ​ഗ​ത കു​രു​ക്ക് രൂ​ക്ഷ​മാ​ണ്.

കു​ഴി​ക​ൾ ദേ​ശീ​യ​പാ​ത​യി​ലൂ​ടെ​യു​ള്ള യാ​ത്ര ന​ടു​വൊ​ടി​ക്കു​ന്ന സ്ഥി​തി​യി​ലാ​ക്കു​ന്നു. മ​ഴ​യു​ടെ തു​ട​ക്കം ത​ന്നെ ഇ​താ​ണ് സ്ഥി​തി​യെ​ങ്കി​ൽ കാ​ല​വ​ര്‍ഷം ശ​ക്ത​മാ​കു​മ്പോ​ള്‍ എ​ന്താ​യി​രി​ക്കും ഇ​വി​ട​ത്തെ ദു​രി​ത​മെ​ന്ന്​ യാ​ത്ര​ക്കാ​ർ ചോ​ദി​ക്കു​ന്നു. കു​ഴി​യി​ൽ വീ​ഴാ​തി​രി​ക്കാ​ൻ വാ​ഹ​നം വെ​ട്ടി​ച്ചാ​ൽ അ​ടു​ത്ത കു​ഴി​യി​ൽ വീ​ഴു​ന്ന അ​വ​സ്ഥ​യാ​ണ്. ഇ​രു​ച​ക്ര​വാ​ഹ​ന​ക്കാ​ർ കു​ഴി​യി​ൽ വീ​ഴാ​തെ ഭാ​ഗ്യ​ത്തി​നാ​ണ്​ ര​ക്ഷ​പ്പെ​ടു​ന്ന​ത്. തു​ട​ർ​ച്ച​യാ​യി കു​ഴി​യു​ള്ള​തി​നാ​ൽ വാ​ഹ​ന​ങ്ങ​ൾ നി​ര​ങ്ങി നീ​ങ്ങു​ന്ന​ത് ദീ​ർ​ഘ​ദൂ​ര യാ​ത്ര​ക്കാ​രെ​യും പ്ര​തി​കൂ​ല​മാ​യി ബാ​ധി​ക്കു​ന്നു​ണ്ട്. പ്ര​ധാ​ന പാ​ത​യു​ടെ നി​ർ​മാ​ണം ന​ട​ക്കു​ന്നി​ട​ങ്ങ​ളി​ൽ ഉ​പ​റോ​ഡി​ലൂ​ടെ​യാ​ണ്​ വാ​ഹ​ന​ങ്ങ​ൾ ക​ട​ത്തി​വി​ടു​ന്ന​ത്. ഉ​പ​റോ​ഡു​ക​ൾ വാ​ഹ​ന​ങ്ങ​ൾ സു​ഗ​മ​മാ​യി ക​ട​ന്നു​പോ​കും​വി​ധം ത​യാ​റാ​ക്കാ​തെ ത​ട്ടി​ക്കൂ​ട്ടി ഒ​രു​ക്കി​യ​തി​നാ​ലാ​ണ്​ മ​ഴ വ​ന്ന​തോ​ടെ യാ​ത്ര ദു​രി​ത​ത്തി​ലാ​ക്കി​യ​ത്. ദേ​ശീ​യ പാ​ത അ​തോ​റി​റ്റി​യും നി​ർ​മാ​ണം ക​രാ​റെ​ടു​ത്ത ക​മ്പ​നി​ക​ളും പു​ല​ർ​ത്തു​ന്ന അ​ലം​ഭാ​വ​മാ​ണ്​ വാ​ഹ​ന​ങ്ങ​ൾ ഇ​ഴ​ഞ്ഞ്​ നീ​ങ്ങു​ന്ന അ​വ​സ്ഥ സം​ജാ​ത​മാ​ക്കി​യ​ത്.

ഇ​തി​നെ​തി​രെ പ്ര​തി​ഷേ​ധി​ച്ചാ​ൽ വി​ക​സ​ന​ത്തി​ന്​ ത​ട​സം സൃ​ഷ്ടി​ക്കു​ന്നു എ​ന്ന്​ മു​ദ്ര​യ​ടി​ച്ച്​ പ്ര​തി​ഷേ​ധ​ക്കാ​രെ തു​ര​ത്തു​ക​യാ​ണ്. രാ​ഷ്ട്രീ​യ പാ​ർ​ട്ടി​ക​ളും ജ​ന​പ്ര​തി​നി​ധി​ക​ളും വാ​ഹ​ന​ങ്ങ​ൾ സു​ഗ​മ​മാ​യി ക​ട​ന്നു​പോ​കാ​ൻ വ​ഴി​യൊ​രു​ക്ക​ണ​മെ​ന്ന്​ ദേ​ശീ​യ പാ​ത അ​തോ​റി​ട്ടി​യോ​ട്​ ആ​വ​ശ്യ​പ്പെ​ടു​ന്നു​മി​ല്ല. എം.​പി​യും പാ​ത ക​ട​ന്നു​പോ​കു​ന്ന ഇ​ട​ങ്ങ​ളി​ലെ എം.​എ​ൽ.​എ​മാ​രും യാ​ത്ര​ക്കാ​രു​ടെ ദു​രി​തം പ​രി​ഹ​രി​ക്കാ​ൻ യാ​തൊ​രു ഇ​ട​പെ​ട​ലും ന​ട​ത്തു​ന്നി​ല്ല. പാ​ത നി​ർ​മാ​ണം പൂ​ർ​ത്തി​യാ​കാ​ൻ ഇ​നി​യും കാ​ല​ങ്ങ​ൾ എ​ടു​ക്കു​മെ​ന്ന​തി​നാ​ൽ വാ​ഹ​ന​ങ്ങ​ൾ തി​രി​ച്ച്​ വി​ടു​ന്ന​ത്​ സ​ഞ്ചാ​ര​യോ​ഗ്യ​മാ​യ പാ​ത ഒ​രു​ക്കി​യി​ട്ടാ​ക​ണ​മെ​ന്ന ആ​വ​ശ്യം ശ​ക്​​ത​മാ​ണ്. ​