കർശന സുരക്ഷ: സമാധാനപരമായി ചക്രസ്​തംഭന സമരം

കൊച്ചി: നടൻ ജോജു ജോർജി​ൻെറ കാർ തകർത്ത സംഭവത്തിലേക്ക്​ വരെ എത്തിയ എൻ.എച്ച്​ ഉപരോധത്തി​ന്​ ശേഷം ജില്ല കോൺഗ്രസ്​ കമ്മിറ്റി നടത്തിയ ചക്രസ്​തംഭന സമരം സമാധാനപരം. എറണാകുളം മേനക ജങ്​ഷനിൽ ജി.സി.ഡി.എ ഷോപ്പിങ്​ കോംപ്ലക്​സിന്​ മുന്നിൽ നടത്തിയ സമരം നേരിടാൻ കർശന പൊലീസ്​ സുരക്ഷ ഏർപ്പെടുത്തിയിരുന്നു. ഗതാഗതം തടസ്സപ്പെടുത്താതെ നടത്തിയ സമരം രാവിലെ 11ന്​ തുടങ്ങി 11.30ഓടെ അവസാനിച്ചു. ഇന്ധന നികുതിയിൽ ഇളവ് നൽകാത്ത ഇടത് ഭരണത്തിൽ പ്രതിഷേധിച്ച് നടത്തിയ സമരം ഹൈബി ഈഡൻ എം. പി ഉദ്ഘാടനം ചെയ്​തു. ഇന്ധന വില വർധനയിൽ കേന്ദ്ര സർക്കാറിനുള്ള അതേ പങ്ക് സംസ്ഥാന സർക്കാറിനുമുണ്ടെന്ന്​ അദ്ദേഹം പറഞ്ഞു. അതിൽ നിന്നും പിണറായി സർക്കാർ ഒളിച്ചോടാൻ ശ്രമിക്കരുത്​. ഇത്രയധികം ദിവസം തുടർച്ചയായി ഇന്ധന വില വർധിക്കുന്നത് ചരിത്രത്തിൽ തന്നെ ആദ്യമാണ്. കേന്ദ്ര സർക്കാർ ജനങ്ങളെ പിഴിയുകയാണ്. പിണറായി പഞ്ചാബിനെ കണ്ട് പഠിക്കാൻ തയാറാവണം. ഇന്ധന വില കുറക്കാത്ത പക്ഷം സമാനതകളില്ലാത്ത സമരങ്ങൾക്ക് രാജ്യം സാക്ഷിയാകുമെന്നും ഹൈബി പറഞ്ഞു. ഡി.സി.സി പ്രസിഡൻറ്​ മുഹമ്മദ് ഷിയാസ് അധ്യക്ഷത വഹിച്ചു. മുൻ കേന്ദ്രമന്ത്രി പ്രൊഫ. കെ.വി. തോമസ്, കെ.പി.സി.സി വൈസ് പ്രസിഡൻറുമാരായ വി.ജെ. പൗലോസ്, വി.പി. സജീന്ദ്രൻ, ജനറൽ സെക്രട്ടറിമാരായ അബ്​ദുൽ മുത്തലിബ്, ദീപ്തി മേരി വർഗീസ്, നേതാക്കളായ കെ.പി. ധനപാലൻ, ജെയ്സൻ ജോസഫ്, പി.ജെ. ജോയി, കെ.പി. ഹരിദാസ്, മുഹമ്മദുകുട്ടി മാസ്​റ്റർ, ലാലി വിൻസൻറ്, എൻ. വേണുഗോപാൽ, ഡൊമനിക് പ്രസ​േൻറഷൻ, അജയ് തറയിൽ, വി.കെ. മിനിമോൾ, എം.പി. രാജൻ എന്നിവർ സംസാരിച്ചു. ചിത്രം