വാഹനമിടിച്ച്​ പരിക്കേറ്റ കാട്ടുപൂച്ചക്ക് വനപാലകർ രക്ഷകരായി

കോതമംഗലം: കോഴിപ്പിള്ളിയിൽ വാഹനമിടിച്ച്​ അർധജീവനായി കിടന്ന കാട്ടുപൂച്ചയെ വനപാലകർ രക്ഷപ്പെടുത്തി. വെള്ളിയാഴ്ച വൈകിട്ട് അഞ്ചരയോടെ കോഴിപ്പിള്ളി-വാഴക്കുളം റോഡിൽ കോഴിപ്പിള്ളി സർക്കാർ സ്കൂളിന് സമീപമാണ് കാട്ടുപൂച്ച റോഡ് മുറിച്ചുകടക്കവേ അപകടത്തിൽപെട്ടത്. ഇതുവഴി വന്ന റിട്ട. വനം വകുപ്പ് ജീവനക്കാരനാണ് കാട്ടുപൂച്ചയാണെന്ന് തിരിച്ചറിഞ്ഞ്​ വനപാലകരെ വിവരം അറിയിച്ചത്. വനപാലകരെത്തി കാട്ടുപൂച്ചയെ ഏറ്റെടുത്തു. ചികിത്സ നൽകിയശേഷം വനത്തിൽ വിടുമെന്ന് വനപാലകർ പറഞ്ഞു. EM KMGM 9 wild cat പരിക്കേറ്റ കാട്ടുപൂച്ച