പെരുമ്പാവൂര്‍: നിര്‍മാണം പൂര്‍ത്തിയാക്കിയ റോഡുകളുടെ ഗാരൻറി കാലാവധി കാണിക്കുന്ന ബോര്‍ഡ് സ്ഥാപിക്കുന്നതിൻെറ നിയോജകമണ്ഡല ഉദ്ഘാടനം കുറുപ്പംപടി സെക്ഷന് കീഴിലെ പുല്ലുവഴി-തട്ടാംമുകള്‍ റോഡില്‍ ബോര്‍ഡ് സ്ഥാപിച്ച് എല്‍ദോസ് കുന്നപ്പിള്ളി എം.എല്‍.എ നിര്‍വഹിച്ചു. പൊതുമരാമത്ത് വകുപ്പ് ഉടമസ്ഥതയിലുള്ള റോഡുകളുടെ ഗുണനിലവാരം മെച്ചപ്പെടുത്തുന്നതിൻെറ ഭാഗമായി കരാറുകാരൻെറയും പ്രവൃത്തി നിര്‍വഹിച്ച ഉദ്യോഗസ്ഥൻെറയും പേരും ഫോണ്‍ നമ്പറും കാലാവധിയും പ്രദര്‍ശിപ്പിക്കും. കാലാവധിക്കുള്ളില്‍ റോഡിന് ഏതെങ്കിലും വിധത്തിലുള്ള കേടുപാട് സംഭവിച്ചാല്‍ ജനങ്ങള്‍ക്ക് കരാറുകാരൻെറയോ എൻജിനീയറുടെയോ ടോള്‍ഫ്രീ നമ്പറില്‍ പരാതിപ്പെടാം. കാലാവധിക്കുള്ളിലാണ് റോഡ് തകരുന്നതെങ്കില്‍ കരാറുകാരന്‍ സ്വന്തം നിലയില്‍ നന്നാക്കണമെന്നാണ് വ്യവസ്ഥ. രായമംഗലം ഗ്രാമപഞ്ചായത്ത് പ്രസിഡൻറ് എന്‍.പി. അജയകുമാര്‍ അധ്യക്ഷത വഹിച്ചു. ഗ്രാമപഞ്ചായത്ത് അംഗം ജോയി പൂണേലി, പൊതുമരാമത്ത് എക്‌സി. എൻജിനീയര്‍ ഷിജി കരുണാകരന്‍, അസി. എക്‌സി. എൻജിനീയര്‍ ദേവകുമാര്‍ എന്നിവര്‍ സംബന്ധിച്ചു. em pbvr 1 Eldhose Kunnapilly MLA റോഡുകളുടെ ഗാരൻറി കാലാവധി കാണിക്കുന്ന ബോര്‍ഡ് സ്ഥാപിക്കുന്നതിൻെറ നിയോജകമണ്ഡല ഉദ്ഘാടനം പുല്ലുവഴി-തട്ടാംമുകള്‍ റോഡില്‍ ബോര്‍ഡ് സ്ഥാപിച്ച് എല്‍ദോസ് കുന്നപ്പിള്ളി എം.എല്‍.എ നിര്‍വഹിക്കുന്നു
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.