ട്രാക്കുകളിൽ രക്തം പടരുന്നു; വേണം അതീവ ശ്രദ്ധ

കൊ​ച്ചി: ട്രെ​യി​നി​ൽ​നി​ന്ന് വീ​ണ യു​വാ​വി​ന്‍റെ കാ​ലി​ന് ഗു​രു​ത​ര പ​രി​ക്കേ​റ്റ ദാ​രു​ണ സം​ഭ​വ​ത്തി​നാ​ണ് ചൊ​വ്വാ​ഴ്ച എ​റ​ണാ​കു​ളം നോ​ർ​ത്ത് റെ​യി​ൽ​വേ സ്റ്റേ​ഷ​ൻ സാ​ക്ഷ്യം​വ​ഹി​ച്ച​ത്. ആ​ല​പ്പു​ഴ വ​യ​ലാ​ർ സ്വ​ദേ​ശി ശ​രു​ൺ​ജി​ത്തി​നാ​ണ് പ​രി​ക്കേ​റ്റ​ത്. നോ​ർ​ത്ത് റെ​യി​ൽ​വേ സ്റ്റേ​ഷ​നി​ലെ​ത്തി​യ ട്രെ​യി​ൻ മു​ന്നോ​ട്ട് നീ​ങ്ങി​യ​പ്പോ​ഴാ​യി​രു​ന്നു സം​ഭ​വം. ട്രാ​ക്കി​ലും പ്ലാ​റ്റ്ഫോ​മി​ലു​മൊ​ക്കെ​യാ​യി ഇ​ത്ത​രം അ​പ​ക​ട​ങ്ങ​ൾ നാ​ടി​ന്‍റെ വി​വി​ധ പ്ര​ദേ​ശ​ങ്ങ​ളി​ൽ​നി​ന്ന് റി​പ്പോ​ർ​ട്ട് ചെ​യ്യ​പ്പെ​ടു​ന്നു​ണ്ട്. അ​പ​ക​ട​ങ്ങ​ൾ ഒ​ഴി​വാ​ക്കാ​ൻ ശ്ര​ദ്ധ​വേ​ണ​മെ​ന്നാ​ണ് അ​ധി​കൃ​ത​ർ ആ​വ​ശ്യ​പ്പെ​ടു​ന്ന​ത്.

സ​മീ​പ​കാ​ല​ത്തെ ട്രെ​യി​ൻ ത​ട്ടി​യു​ള്ള അ​പ​ക​ട​ങ്ങ​ൾ

കൊ​ച്ചി​ൻ ഹാ​ർ​ബ​ർ ടെ​ർ​മി​ന​ൽ​സി​ലേ​ക്ക് വ​രു​ക​യാ​യി​രു​ന്ന ആ​ഡം​ബ​ര ട്രെ​യി​ൻ ഗോ​ൾ​ഡ​ൻ ചാ​രി​യ​റ്റ് ഇ​ടി​ച്ച് കൊ​ച്ചി വാ​ത്തു​രു​ത്തി​യി​ൽ താ​മ​സി​ക്കു​ന്ന ഉ​ത്ത​ർ​പ്ര​ദേ​ശ് സ്വ​ദേ​ശി മ​രി​ച്ച​ത്​ ഏ​താ​നും ആ​​ഴ്ച മു​മ്പാ​ണ്. പ​ഴ​യ മ​ട്ടാ​ഞ്ചേ​രി ഹാ​ൾ​ട്ട് സ്റ്റേ​ഷ​നു സ​മീ​പ​ത്തെ റെ​യി​ൽ​വേ ട്രാ​ക്കി​ലാ​യി​രു​ന്നു സം​ഭ​വം. ട്രെ​യി​ൻ ഹോ​ൺ മു​ഴ​ക്കി​യെ​ങ്കി​ലും ചെ​വി​യി​ൽ ഹെ​ഡ്സെ​റ്റ് വെ​ച്ച് യു​വാ​വ് ഫോ​ൺ വി​ളി​യി​ൽ മു​ഴു​കി​യി​രു​ന്ന​തി​നാ​ൽ ശ്ര​ദ്ധി​ക്കാ​തി​രു​ന്ന​താ​ണ് അ​പ​ക​ട​കാ​ര​ണ​മെ​ന്നാ​ണ് അ​ധി​കൃ​ത​ർ പ​റ​ഞ്ഞ​ത്.

ആ​ലു​വ​യി​ൽ റെ​യി​ൽ​വേ ട്രാ​ക്കി​ൽ ര​ണ്ട് മൃ​ത​ദേ​ഹ​ങ്ങ​ൾ ക​ണ്ടെ​ത്തി​യ സം​ഭ​വ​വു​മു​ണ്ടാ​യി. സെ​ന്‍റ്​ സേ​വ്യേ​ഴ്സ് കോ​ള​ജി​ന​ടു​ത്തും കെ.​എ​സ്.​ആ​ർ.​ടി.​സി ബ​സ് സ്റ്റാ​ൻ​ഡി​ന​ടു​ത്തു​മാ​യി​രു​ന്നു മൃ​ത​ദേ​ഹ​ങ്ങ​ൾ. എ​ട​യ​പ്പു​റം ഹെ​ൽ​ത്ത് സെ​ന്‍റ​റി​ന് സ​മീ​പം വ​യോ​ധി​ക​നെ ട്രെ​യി​നി​ടി​ച്ച് മ​രി​ച്ച​നി​ല​യി​ൽ ക​ണ്ടെ​ത്തി​യി​രു​ന്നു.

അ​ശ്ര​ദ്ധ​മു​ത​ൽ പ​ല​വി​ധ കാ​ര​ണ​ങ്ങ​ൾ

റെ​യി​ൽ​പാ​ള​ങ്ങ​ളി​ൽ ജീ​വ​ൻ​പൊ​ലി​യു​ന്ന സം​ഭ​വ​ങ്ങ​ൾ​ക്കു​പി​ന്നി​ൽ അ​ശ്ര​ദ്ധ​മു​ത​ൽ നി​യ​മ​ലം​ഘ​ന​ങ്ങ​ൾ​വ​രെ വി​വി​ധ കാ​ര​ണ​ങ്ങ​ളു​ണ്ടെ​ന്ന് അ​ധി​കൃ​ത​ർ വ്യ​ക്ത​മാ​ക്കു​ന്നു. ട്രെ​യി​ൻ വ​രു​മ്പോ​ൾ പാ​ളം മു​റി​ച്ചു​ക​ട​ക്കു​ക, ഓ​ടു​ന്ന ട്രെ​യി​നി​ൽ ചാ​ടി​ക്ക​യ​റാ​ൻ ശ്ര​മി​ക്കു​ക, വാ​തി​ലി​ന് സ​മീ​പ​ത്തു​നി​ന്ന് യാ​ത്ര​ചെ​യ്യു​ക, പാ​ള​ത്തി​ലൂ​ടെ ന​ട​ക്കു​ക തു​ട​ങ്ങി​യ​വ അ​പ​ക​ട​ങ്ങ​ൾ വി​ളി​ച്ചു​വ​രു​ത്തും. സ്വ​യം അ​പ​ക​ട​ത്തി​ലേ​ക്ക് ചാ​ടു​ന്ന​വ​രു​മു​ണ്ട്.

തീ​വ​ണ്ടി​ക​ളു​ടെ എ​ണ്ണ​വും വേ​ഗ​ത​യും മു​ൻ​കാ​ല​ങ്ങ​ളി​ലേ​തി​നേ​ക്കാ​ൾ വ​ർ​ധി​ച്ച​തും ശ​ബ്ദം കു​റ​ഞ്ഞ​തും പെ​ട്ടെ​ന്ന് ശ്ര​ദ്ധ ല​ഭി​ക്കാ​തി​രി​ക്കാ​ൻ കാ​ര​ണ​മാ​കാ​റു​ണ്ടെ​ന്ന് അ​ധി​കൃ​ത​ർ പ​റ​യു​ന്നു. ഡീ​സ​ൽ എ​ൻ​ജി​ൻ ട്രെ​യി​നു​ക​ളാ​യി​രു​ന്ന​പ്പോ​ൾ ഉ​ണ്ടാ​യി​രു​ന്ന അ​ത്ര​യും ശ​ബ്ദം ഇ​ല​ക്ട്രി​ക് എ​ൻ​ജി​നു​ക​ൾ​ക്കി​ല്ല. എ​ങ്കി​ലും ശ​ബ്ദ​ത്തി​ൽ ഹോ​ൺ മു​ഴ​ക്കി​യാ​ണ് ട്രെ​യി​നു​ക​ളെ​ത്താ​റു​ള്ള​തെ​ന്ന് അ​വ​ർ കൂ​ട്ടി​ച്ചേ​ർ​ത്തു.

ഫോ​ണി​ൽ സം​സാ​രി​ച്ചും മ​റ്റും ന​ട​ക്കു​മ്പോ​ഴാ​ണ് അ​ത്ത​ര​ത്തി​ൽ അ​പ​ക​ട​മു​ണ്ടാ​കാ​റു​ള്ള​ത്. ദ​ക്ഷി​ണ റെ​യി​ല്‍വേ ചെ​ന്നൈ ഡി​വി​ഷ​നു​ക​ളി​ലെ ട്രാ​ക്കു​ക​ളി​ല്‍ ര​ണ്ട​ര വ​ര്‍ഷ​ത്തി​നി​ട​യി​ലു​ണ്ടാ​യ അ​പ​ക​ട​ങ്ങ​ളി​ല്‍ 2784 ജീ​വ​ൻ ന​ഷ്‌​ട​മാ​യി​ട്ടു​ണ്ട്.

ചാ​ടി​യി​റ​ങ്ങ​ലും ഓ​ടി​ക്ക​യ​റ​ലും

ഓ​ടു​ന്ന ട്രെ​യി​നി​ൽ​നി​ന്ന് ചാ​ടി​യി​റ​ങ്ങു​ക, ഓ​ടി​ക്ക​യ​റു​ക എ​ന്നി​വ അ​പ​ക​ടം വി​ളി​ച്ചു​വ​രു​ത്തും. റെ​യി​ൽ​വേ സ്റ്റേ​ഷ​ൻ പ്ലാ​റ്റ്ഫോ​മു​ക​ൾ​ക്കും ട്രെ​യി​നി​നും ഇ​ട​യി​ൽ വീ​ണു​ള്ള അ​പ​ക​ട​ങ്ങ​ൾ ഭൂ​രി​ഭാ​ഗ​വും ഇ​ത്ത​ര​ത്തി​ലു​ള്ള​താ​ണ്. സ്റ്റേ​ഷ​നു​ക​ളി​ൽ ട്രെ​യി​ൻ നി​ർ​ത്തു​മ്പോ​ൾ സാ​ധ​ന​ങ്ങ​ൾ വാ​ങ്ങാ​ൻ ക​ട​ക​ളി​ലേ​ക്ക് പോ​കു​ക​യും അ​വ കൈ​യി​ൽ​പി​ടി​ച്ചു​കൊ​ണ്ട് തി​രി​ച്ച് ഓ​ടി​ക്ക​യ​റാ​ൻ ശ്ര​മി​ക്കു​ക​യും ചെ​യ്യു​ന്ന​ത് അ​പ​ക​ട​ത്തി​ലേ​ക്ക് ന​യി​ക്കാ​റു​ണ്ട്. എ​റ​ണാ​കു​ളം സൗ​ത്ത്, നോ​ർ​ത്ത് റെ​യി​ൽ​വേ സ്റ്റേ​ഷ​നു​ക​ളു​ടെ ഔ​ട്ട​റു​ക​ളി​ൽ ഓ​ടു​ന്ന ട്രെ​യി​നു​ക​ളി​ൽ​നി​ന്ന് ആ​ളു​ക​ൾ ചാ​ടി​യി​റ​ങ്ങു​ന്ന സം​ഭ​വം ശ്ര​ദ്ധ​യി​ൽ​പെ​ട്ട് പൊ​ലീ​സ് നി​രീ​ക്ഷ​ണം ശ​ക്ത​മാ​ക്കി​യി​രു​ന്നു.

നി​യ​മ​ങ്ങ​ള്‍ ക​ര്‍ശ​നം

പാ​ള​ത്തി​ൽ അ​തി​ക്ര​മി​ച്ചു​ക​യ​റ​ൽ, ട്രാ​ക്ക് മു​റി​ച്ചു​ക​ട​ക്ക​ൽ എ​ന്നി​വ​ക്ക് ആ​യി​ര​ക്ക​ണ​ക്കി​ന് കേ​സു​ക​ളാ​ണ് ഓ​രോ വ​ർ​ഷ​വും കേ​ര​ള​ത്തി​ലെ വി​വി​ധ സ്റ്റേ​ഷ​നു​ക​ളി​ൽ ര​ജി​സ്റ്റ​ർ ചെ​യ്യു​ന്ന​ത്. ഫു​ട്ഓ​വ​ർ ബ്രി​ഡ്ജു​ക​ൾ ഉ​പ​യോ​ഗി​ക്കാ​തെ ട്രാ​ക്കി​ലൂ​ടെ ന​ട​ന്ന് പ്ലാ​റ്റ് ഫോ​മു​ക​ളി​ലേ​ക്ക് ക​യ​റു​ന്ന​വ​ർ​ക്കെ​തി​രെ എ​റ​ണാ​കു​ള​ത്തും നി​ര​വ​ധി കേ​സു​ക​ൾ എ​ടു​ത്തി​ട്ടു​ണ്ട്. നി​യ​മ​പ്ര​കാ​രം നൂ​റു​ക​ണ​ക്കി​ന് ആ​ളു​ക​ൾ​ക്കെ​തി​രെ പി​ഴ​യീ​ടാ​ക്കി​യി​ട്ടു​മു​ണ്ട്.