ഓട്ടോറിക്ഷ അപകടത്തിൽ ഡ്രൈവർ മരിച്ചു

attn kollam പന്തളം: നിയന്ത്രണംവിട്ട ഓട്ടോറിക്ഷ മതിലിൽ ഇടിച്ച് ഡ്രൈവർ​ മരിച്ചു. ഒരാൾക്ക് ഗുരുതര പരിക്കേറ്റു. കൊട്ടാരക്കര വെട്ടിക്കവല പനവേലിയിൽ രാജേഷ് മന്ദിരത്തിൽ രാജ‍​ൻെറ മകനും ശിവസേന കൊല്ലം ജില്ല പ്രസിഡൻറുമായ ആർ. രാജേഷാണ്​ (32) മരിച്ചത്. കൊട്ടാരക്കര പുലമൺ ജങ്​ഷനിലെ ഓട്ടോ ഡ്രൈവറായിരുന്നു. ഒപ്പമുണ്ടായിരുന്ന കൊട്ടാരക്കര ഓയൂർ രതീഷ് ഭവനിൽ രതീഷിനെ (32) പരിക്കുകളോടെ പന്തളത്തെ സ്വകാര്യ ആശുപത്രിയിൽ പ്രവേശിപ്പിച്ചു. എം.സി റോഡിൽ കുളനട മാന്തുക ഗ്ലോബ് പള്ളിക്ക് സമീപം ഞായറാഴ്ച വൈകീട്ട്​ 4.45നായിരുന്നു അപകടം. ഇതുവഴി വന്ന ആംബുലൻസിലാണ് ഇരുവരെയും പന്തളത്തെ ആശുപത്രിയിലെത്തിച്ചത്. ആശുപത്രിയിലെത്തിക്കുംമുമ്പ്​ രാജേഷ് മരിച്ചിരുന്നു. മാതാവ്​: ശകുന്തള. ഭാര്യ: അശ്വതി. മക്കൾ: അക്ഷയ, അർജുൻ, അഭിഷേക്. ഫോട്ടോ: രാജേഷ്