കൊച്ചി: ദേശീയ നിയമ സർവകലാശാലയായ നുവാൽസിൽ അന്താരാഷ്ട്ര മാതൃഭാഷാദിനത്തോടനുബന്ധിച്ച് നാനാത്വത്തിൽ ഏകത്വം എന്ന സന്ദേശം പ്രചരിപ്പിക്കാൻ സൻസ്‌കൃതി എന്ന പേരിൽ ഒരാഴ്ച നീളുന്ന ആഘോഷ പരിപാടികൾ സംഘടിപ്പിച്ചു. വൈസ് ചാൻസലർ പ്രഫ. ഡോ. കെ. സി. സണ്ണി അധ്യക്ഷത വഹിച്ചു. മഹാത്മാഗാന്ധി സർവകലാശാല മുൻ വൈസ് ചാൻസലർ പ്രഫ. ഡോ. സിറിയക്‌ തോമസ് മുഖ്യാതിഥിയായി. ചിത്രരചന, പോസ്റ്റർ നിർമാണം, കാലിഗ്രഫി എഴുത്ത്, കവിത പാരായണം, വിഡിയോ നിർമാണം എന്നീ മത്സരങ്ങൾ സംഘടിപ്പിച്ചു. വ്യക്തിഗത മത്സരങ്ങളിൽ സാന്ദ്ര സുനിൽ, അഭിരാമി, കാർത്തിക് മേനോൻ എന്നിവരും ഗ്രൂപ് മത്സരത്തിൽ ഒന്നാം വർഷ ബി.എ എൽഎൽ.ബി വിദ്യാർഥികളും സമ്മാനാർഹരായി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.