വെള്ളാപ്പള്ളി നടേശന്‍ 25 വര്‍ഷം പൂര്‍ത്തിയാക്കിയതിൻെറ ആഘോഷം നാളെ തുടങ്ങും ചേര്‍ത്തല: എസ്.എന്‍.ഡി.പി യോഗം ജനറല്‍ സെക്രട്ടറി, എസ്.എന്‍. ട്രസ്റ്റ് സെക്രട്ടറി പദവികളില്‍ വെള്ളാപ്പള്ളി നടേശന്‍ 25 വര്‍ഷം പൂര്‍ത്തിയാക്കിയതിൻെറ ആഘോഷം ഞായറാഴ്ച ചേർത്തല ശ്രീനാരായണ കോളജിൽ നടക്കുമെന്ന് സ്വാഗതസംഘം ചെയര്‍മാന്‍ തുഷാർ വെള്ളാപ്പള്ളി, കണ്‍വീനര്‍ അരയാക്കണ്ടി സന്തോഷ്, കോഓഡിനേറ്റര്‍ കെ.പത്മകുമാര്‍, സിനില്‍ മുണ്ടപ്പള്ളി എന്നിവര്‍ വാർത്താസമ്മേളനത്തില്‍ അറിയിച്ചു. ഇതിൻെറ ഭാഗമായി വിവിധ സാമൂഹ്യക്ഷേമ പദ്ധതികൾ നടപ്പാക്കും. വൈകീട്ട് നാലിന് നടക്കുന്ന സമ്മേളനം കേരള ഗവര്‍ണര്‍ ആരിഫ് മുഹമ്മദ്ഖാന്‍ ഉദ്ഘാടനം ചെയ്യും. മുഖ്യമന്ത്രി പിണറായി വിജയന്‍ അധ്യക്ഷത വഹിക്കും. ശ്രീനാരായണ ധർമസംഘം പ്രസിഡൻറ് സച്ചിദാനന്ദസ്വാമി അനുഗ്രഹപ്രഭാഷണം നടത്തും. കേന്ദ്രമന്ത്രി വി. മുരളീധരന്‍ മുഖ്യപ്രഭാഷണം നടത്തും. സിവില്‍ സർവിസ് പരിശീലന പദ്ധതി കേന്ദ്രമന്ത്രി രാജീവ്ചന്ദ്രശേഖര്‍ ഉദ്ഘാടനം ചെയ്യും. ഭവന പദ്ധതികളുടെ ഉദ്ഘാടനം സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍ നിർവഹിക്കും. കോവിഡ് പ്രോട്ടോക്കോൾ അനുസരിച്ച് നടക്കുന്ന സമ്മേളനം ലോകത്തിൻെറ വിവിധ ഭാഗങ്ങളില്‍ കാണുന്നതിന് സൈബര്‍സേന ക്രമീകരണം ഒരുക്കിയിട്ടുണ്ട്. സമുദായത്തിലെ ഭവനരഹിതര്‍ക്ക് ഭവനനിർമാണം, സാമ്പത്തികമായി പിന്നാക്കം നില്‍ക്കുന്ന വിദ്യാര്‍ഥികള്‍ക്ക് സൗജന്യമായി ഉന്നതപഠനസൗകര്യം, രോഗികള്‍ക്ക് ചികിത്സ സഹായം തുടങ്ങിയ ക്ഷേമ പ്രവര്‍ത്തനങ്ങളാണ് ആഘോഷത്തിൻെറ ഭാഗമായി തുടങ്ങുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.