തെങ്ങിൽനിന്ന് വീണ് നട്ടെല്ല് തകർന്ന യുവാവ് ചികിത്സ സഹായം തേടുന്നു

അ​ങ്ക​മാ​ലി: തെ​ങ്ങി​ൽ​നി​ന്ന് വീ​ണ് ന​ട്ടെ​ല്ല് ത​ക​ർ​ന്ന നി​ർ​ധ​ന യു​വാ​വും കു​ടും​ബ​വും സു​മ​ന​സ്സു​ക​ളു​ടെ ക​നി​വ് തേ​ടു​ന്നു.ക​റു​കു​റ്റി പ​ഞ്ചാ​യ​ത്ത്​ മു​ന്നൂ​ർ​പ്പി​ള്ളി​യി​ൽ മ​ഞ്ഞേ​ലി പ​രേ​ത​നാ​യ രാ​ജ​െൻറ മ​ക​ൻ ജി​ഷ്ണു​വി​നാ​ണ് അ​പ​ക​ടം സം​ഭ​വി​ച്ച​ത്. തെ​ങ്ങി​ൽ ക​യ​റി​യ​പ്പോ​ൾ കൈ​പി​ടി​ച്ച പ​ട്ട​യോ​ടൊ​പ്പം താ​ഴെ വീ​ഴു​ക​യാ​യി​രു​ന്നു. ന​ട്ടെ​ല്ല് ത​ക​ർ​ന്ന​തോ​ടൊ​പ്പം സു​ഷു​മ്ന നാ​ഡി​ക്ക് ക്ഷ​ത​വും സം​ഭ​വി​ച്ചു. 26 വ​യ​സ്സു​ള്ള ജി​ഷ്ണു വി​വാ​ഹി​ത​നും മൂ​ന്ന് മാ​സം മാ​ത്രം പ്രാ​യ​മാ​യ കു​ഞ്ഞി​െൻറ പി​താ​വു​മാ​ണ്. കൂ​ലി​പ്പ​ണി​ക്കാ​ര​നാ​യ ജി​ഷ്ണു​വി​െൻറ തു​ച്ഛ​മാ​യ വ​രു​മാ​ന​ത്തെ ആ​ശ്ര​യി​ച്ചാ​ണ് കു​ടും​ബം ജീ​വി​ക്കു​ന്ന​ത്.

ജി​ഷ്ണു കി​ട​പ്പി​ലാ​യ​തോ​ടെ ദൈ​നം​ദി​ന ജീ​വി​തം ദു​രി​ത​ത്തി​ലാ​യി. എ​റ​ണാ​കു​ളം മെ​ഡി​ക്ക​ൽ ട്ര​സ്​​റ്റ്​ ആ​ശു​പ​ത്രി​യി​ൽ ക​ഴി​യു​ന്ന ജി​ഷ്ണു​വി​ന് ചി​കി​ത്സ​ക്ക് അ​ടി​യ​ന്ത​ര​മാ​യി അ​ഞ്ച് ല​ക്ഷം രൂ​പ​യെ​ങ്കി​ലും വേ​ണ്ട​തു​ണ്ട്.

ഉ​ദാ​ര​മ​തി​ക​ളി​ലു​ള്ള പ്ര​തീ​ക്ഷ​യി​ലാ​ണ് കു​ടും​ബം. പ​ഞ്ചാ​യ​ത്തി​ൽ​നി​ന്ന് കി​ട്ടി​യ സ​ഹാ​യം കൊ​ണ്ടു​ണ്ടാ​ക്കി​യ ചെ​റി​യ​വീ​ടും അ​ഞ്ച് സെൻറ്​ ഭൂ​മി​യും ആ​ണ് ആ​കെ​യു​ള്ള കൈ ​മു​ത​ൽ. ഗ്രാ​മ​പ​ഞ്ചാ​യ​ത്ത് അം​ഗം മേ​രി ആ​ൻ​റ​ണി​യു​ടെ നേ​തൃ​ത്വ​ത്തി​ൽ ചി​കി​ത്സ സ​ഹാ​യ നി​ധി​ശേ​ഖ​ര​ണ സ​മി​തി രൂ​പ​വ​ത്ക​രി​ച്ച് പ്ര​വ​ർ​ത്ത​നം ആ​രം​ഭി​ച്ചി​ട്ടു​ണ്ട്. യൂ​നി​യ​ൻ ബാ​ങ്ക് പാ​ലി​ശ്ശേ​രി ശാ​ഖ​യി​ൽ ജി​ഷ്ണു​വി​െൻറ പേ​രി​ൽ അ​ക്കൗ​ണ്ടും ആ​രം​ഭി​ച്ചു.അ​ക്കൗ​ണ്ട് ന​മ്പ​ർ: 588802010006323 ,ഐ.​എ​ഫ്.​എ​സ്.​സി കോ​ഡ്- UBIN0558885. ഭാ​ര്യ ധ​ന്യ​യു​ടെ പേ​രി​ൽ ഗൂ​ഗി​ൾ പേ ​അ​ക്കൗ​ണ്ടും ആ​രം​ഭി​ച്ചു. ന​മ്പ​ർ- 7902726014.