അങ്കമാലി: ബൈക്ക് യാത്രികരെ ഇരുചക്രവാഹനം കയറ്റിയും കുത്തിയും കൊല്ലാൻ ശ്രമിച്ച ചെയ്ത സംഭവത്തിൽ അഞ്ചു േപർ അറസ്റ്റിൽ. പാറക്കടവ് എളവൂർ വട്ടത്തേരിയിൽ ശ്രീജിത്ത് (22), പീച്ചാനിക്കാട് മത്തലാംകോട് വടക്കൻ വീട്ടിൽ ആൻസൻ (23), കുന്നപ്പിള്ളിശ്ശേരി കുരിശിങ്കൽ മാർട്ടിൻ (23), പാറക്കടവ് കുന്നപ്പിള്ളിശ്ശേരി തറപ്പറമ്പിൽ അഭിജിത്ത് (26), പൂവത്തുശ്ശേരി ഐനിക്കത്താഴം അനന്തു എന്ന സോനു (22) എന്നിവരെ പ്രത്യേക അന്വേഷണ സംഘമാണ് അറസ്റ്റ് ചെയ്തത്.
വെള്ളിയാഴ്ച രാത്രി 9.30ഓടെ ഡബിൾ പാലത്തിനു സമീപമായിരുന്നു സംഭവം. നായത്തോട് സ്വദേശി പോൾവിൻ, സുഹൃത്തുക്കളായ അമൽ, നിഥിൻ എന്നിവർ ബൈക്കിൽ സഞ്ചരിക്കവെ മൊബൈലിൽ കോൾ വന്നതോടെ റോഡരികിൽ നിർത്തി. പിറകെ ഇരുചക്ര വാഹനങ്ങളിലെത്തിയ അഞ്ചംഗ സംഘം മൂവരെയും വാഹനങ്ങൾ കയറ്റി ഇടിച്ചു തെറിപ്പിച്ചു. റോഡിൽ വീണ യുവാക്കളെ പൂർവ വൈരാഗ്യമുണ്ടായിരുന്ന പ്രതികൾ കത്തി കൊണ്ട് കുത്തിയും കുപ്പി കൊണ്ട് തലക്കടിച്ചും പരുക്കേൽപ്പിച്ചു. സംഭവത്തിന് ശേഷം സംഘം ഒളിവിൽ പോവുകയായിരുന്നു.
ജില്ല റൂറൽ എസ്.പി കെ. കാർത്തിക്കിന് ലഭിച്ച വിവരത്തെ തുടർന്ന് പൊലീസ് പ്രതികളെ നാടകീയമായി പിടികൂടുകയായിരുന്നു. അങ്കമാലി ഇൻസ്പെക്ടർ സോണി മത്തായി, എസ്.ഐ മാരായ എൽദോ പോൾ, മാർട്ടിൻ ജോൺ, എ.എസ്.ഐ റജിമോൻ എസ്.സി.പി.ഒ മാരായ ഷൈജു അഗസ്റ്റിൻ, പ്രസാദ്, അഭിലാഷ് എന്നിവരാണ് പൊലീസ് അന്വേഷണ സംഘത്തിലുണ്ടായത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.