കളമശ്ശേരി മെഡിക്കൽ കോളജിന് സമീപം നിർത്തിയിട്ട ടിപ്പർ ലോറിക്ക് തീപിടിച്ചത്
അഗ്നിരക്ഷാസേന അണക്കുന്നു
കളമശ്ശേരി: റോഡരികിൽ നിർത്തിയിട്ട ടിപ്പർ ലോറി കത്തിനശിച്ചു. കളമശ്ശേരി മെഡിക്കൽ കോളജിന് സമീപം ഇഖ്റ മസ്ജിദിന് എതിർവശത്ത് നിർത്തിയിട്ട ലോറിക്കാണ് തീപിടിച്ചത്. ബുധനാഴ്ച രാവിലെ ഒമ്പതിനാണ് സംഭവം. സ്കൂൾ സമയമായതിനാൽ ഡ്രൈവർ അക്ബർ അലി വാഹനം നിർത്തി ചായ കുടിക്കാൻ നീങ്ങവേയാണ് ലോറിയുടെ മുൻഭാഗത്തുനിന്ന് പുക ഉയരുന്നത് ശ്രദ്ധയിൽപെട്ടത്.
ഉടൻ എൻജിൻ ഭാഗത്തേക്കും കാബിനിലേക്കും തീ പടർന്നു. ഏലൂർ, തൃക്കാക്കര ഭാഗങ്ങളിൽനിന്നുള്ള അഗ്നിരക്ഷാസേന എത്തി തീ അണക്കുകയായിരുന്നു. ഈ സമയത്തിനകം കാബിനും മുൻഭാഗത്തെ ടയറുകളും കത്തിനശിച്ചു. ഡീസൽ ടാങ്കിലേക്ക് തീ എത്തുന്നതിന് മുമ്പ് അണച്ചതിനാൽ പൊട്ടിത്തെറി ഒഴിവായതായി ഏലൂർ ഫയർ ഓഫിസർ സതീശൻ പറഞ്ഞു. കാലടി സ്വദേശി താരിഖ് അസീസിന്‍റേതാണ് ലോറി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.