കാക്കനാട്: െഎ.ടി ഹബായ ഇൻഫോപാർക്കിൽ വൻ തീപിടിത്തം. ഇടച്ചിറ പാലത്തിന് സമീപം നിർമാണത്തിലിരിക്കുന്ന കെട്ടിടത്തിലാണ് തീപിടിച്ചത്. അഗ്‌നിരക്ഷാസേനയുടെ അഞ്ച് യൂനിറ്റ് എത്തി തീയണച്ചു. വ്യാഴാഴ്ച വൈകീട്ട് 5.30 നാണ് സംഭവം.
കെട്ടിടത്തിൽ വെൽഡിങ് ജോലിക്കിടെ ഉണ്ടായ തീപ്പൊരി ആളിപ്പടരുകയായിരുന്നു. ഇൻറീരിയർ ജോലിക്കും മറ്റുമായി കൂട്ടിയിട്ടിരുന്ന സ്പോഞ്ചുകളിലേക്ക് തീപ്പൊരി വീണ് ആളിക്കത്തുകയായിരുന്നു. തീ നിയന്ത്രണാതീതമായതോടെ അഗ്‌നിരക്ഷാസേനയെ വിവരം അറിയിച്ചു.
തൃക്കാക്കരയിലെ രണ്ട് യൂനിറ്റ് സ്ഥലത്തെത്തിയെങ്കിലും മതിയായില്ല. തുടർന്ന് ഗാന്ധിനഗർ, ഏലൂർ, തൃപ്പൂണിത്തുറ എന്നിവിടങ്ങളിൽനിന്ന് ഓരോ യൂനിറ്റുകൂടി എത്തി. കൃത്യസമയത്ത് എല്ലാവരും പുറത്തു കടന്നതിനാൽ ആളപായം ഒഴിവായി. മൂന്ന് മണിക്കൂർ പടർന്ന് കത്തിയ തീ പ്രദേശത്ത് ദുർഗന്ധവും അന്തരീക്ഷ മലിനീകരണവുമുണ്ടാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.