ഹിരൺചന്ദ്
പെരുമ്പാവൂർ: കടം വാങ്ങിയ പണം തിരികെ ചോദിച്ചതിലുള്ള വൈരാഗ്യത്തില് യുവാവിനെ വെടിെവച്ച് കൊലപ്പെടുത്താന് ശ്രമിച്ച കേസിലെ പ്രതി പിടിയില്.
വേങ്ങൂര് തുരുത്തിക്കര തുരുത്തിമാലില് വീട്ടില് ഹിരൺ ചന്ദിനെയാണ് (23) കുറുപ്പംപടി പൊലീസ് പിടികൂടിയത്. തുരുത്തിക്കര സ്വദേശിയായ വിഷ്ണുവിനോട് ഹിരൺചന്ദ് പണം കടം വാങ്ങിയിരുന്നു.
പലപ്രാവശ്യം പണം തിരികെ അവശ്യപ്പെട്ടിട്ടും നല്കാത്തതിനെ തുടര്ന്ന് കഴിഞ്ഞ ദിവസം ഹിരൺചന്ദിെൻറ വീട്ടിലെത്തി വിഷ്ണു പണം അവശ്യപ്പെടുകയായിരുന്നുവെന്ന് പൊലീസ് പറഞ്ഞു. ഇതില് പ്രകോപിതനായ ഹിരൺചന്ദ് വീട്ടില് സൂക്ഷിച്ച എയർ ഗൺ ഉപയോഗിച്ച് നിറയൊഴിച്ചു.
കഴുത്തിനു സമീപം വെടിയേറ്റ വിഷ്ണു ചികിത്സയിലാണ്. തിങ്കളാഴ്ച വൈകീട്ട് അഞ്ചിനായിരുന്നു സംഭവം. കുറുപ്പംപടി പൊലീസ് ഇന്സ്പെക്ടര് ജെ. പ്രദീപിെൻറ നേതൃത്വത്തിലുള്ള അന്വേഷണ സംഘമാണ് പ്രതിയെ പിടികൂടിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.