എൽസൺ ബേസിൽ
കോതമംഗലം: കോൺഗ്രസ് നെല്ലിക്കുഴി മണ്ഡലം പ്രസിഡന്‍റ് അലി പടിഞ്ഞാറെച്ചാലിയെ മർദിച്ച സംഭവത്തിൽ രണ്ട് പേർ അറസ്റ്റിൽ.
തട്ടേക്കാട് കദളിപറമ്പിൽ ബേസിൽ എൽദോസ് (കദളി 26), കോതമംഗലം എം.എ കോളേജ് ജങ്ഷനിൽ വാഴങ്ങോലിൽ എൽസൺ വി. സജി (വാട്ടി 29) എന്നിവരെയാണ് കോതമംഗലം പൊലീസ് അറസ്റ്റ് ചെയ്തത്.
പ്രതികൾ ഹൈകോടതിയിൽ നൽകിയ ജാമ്യാപേക്ഷ തള്ളിയതിനെ തുടർന്നാണ് അറസ്റ്റ്. ഡിസംബർ 10ന് ഇരുമലപ്പടി ഹൈടെക് ജങ്ഷനിലെ പെട്രോൾ പമ്പിൽ വച്ച് അലിയെ നാലംഗ സംഘം മർദിക്കുകയായിരുന്നു. മൂന്നും നാലും പ്രതികളായ കുത്തുകുഴി മംഗലത്ത് റിതേഷ് പപ്പു (22), നെല്ലിക്കുഴി ചൂരത്തൊട്ടിയിൽ അൽത്താഫ് കബീർ (28) എന്നിവർക്ക് കോടതി നേരത്തെ ജാമ്യം നൽകിയിരുന്നു.
ആക്രമണം നടന്ന് നാലാഴ്ച്ച പിന്നിട്ടിട്ടും പ്രതികളെ അറസ്റ്റ് ചെയ്യാത്ത പൊലീസ് നടപടിയിൽ പ്രതിഷേധിച്ച് കഴിഞ്ഞ ദിവസം കോതമംഗലം പൊലീസ് സ്റ്റേഷന് മുന്നിൽ അലി കുത്തിയിരിപ്പ് സമരം നടത്തിയിരിന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.