മുറിക്കൽ ബൈപാസ്; ഡി.പി.ആർ മാറുന്നു; പാലത്തിന് വീതികൂടും

മൂ​വാ​റ്റു​പു​ഴ: മു​റി​ക്ക​ൽ ബൈ​പാ​സ് നി​ർ​മാ​ണം ലാ​ൻ​ഡ്​ സ്പാ​ൻ മോ​ഡ​ലി​ലാ​ക്കി പു​തി​യ ഡി.​പി.​ആ​ർ നി​ല​വി​ൽ വ​ന്നു. പ​ദ്ധ​തി ചെ​ല​വ് നി​ല​വി​ൽ ഉ​ണ്ടാ​യി​രു​ന്ന 54 കോ​ടി​യി​ൽ​നി​ന്ന്​ 109 കോ​ടി​യാ​യി ഉ​യ​ർ​ത്തി കി​ഫ്ബി അം​ഗീ​കാ​ര​വും പ​ദ്ധ​തി​ക്ക് ല​ഭി​ച്ച​താ​യി മാ​ത്യു കു​ഴ​ൽ​നാ​ട​ൻ എം.​എ​ൽ.​എ പ​റ​ഞ്ഞു.

നി​ല​വി​ൽ നി​ർ​മാ​ണം പൂ​ർ​ത്തി​യാ​യി കി​ട​ക്കു​ന്ന മു​റി​ക്ക​ല്ല് പാ​ലം വീ​തി കൂ​ട്ടു​ന്ന​തി​നും വ​ള​വു​ക​ളി​ല്ലാ​തെ 80 കി​ലോ​മീ​റ്റ​ർ വേ​ഗ​ത്തി​ൽ സ​ഞ്ച​രി​ക്കാ​ൻ ക​ഴി​യു​ന്ന ത​ര​ത്തി​ൽ റോ​ഡു​ക​ളു​ടെ അ​ലൈ​ൻ​മെ​ന്‍റു​ക​ളി​ൽ മാ​റ്റം വ​രു​ത്തി​യു​മു​ള്ള നി​ർ​മാ​ണ പ്ര​വ​ർ​ത്ത​ന​ങ്ങ​ളു​മാ​ണ് ന​ട​ത്തു​ക.

ഭാ​വി​യി​ലെ വാ​ഹ​ന​പ്പെ​രു​പ്പ​വും കൂ​ടി ക​ണ​ക്കി​ലെ​ടു​ത്താ​ണ് മാ​റ്റം വ​രു​ത്താ​ൻ ആ​വ​ശ്യ​പ്പെ​ട്ട​തെ​ന്ന് എം.​എ​ൽ.​എ പ​റ​ഞ്ഞു. പു​തി​യ മാ​റ്റ​ങ്ങ​ളോ​ടെ ഇ​ര​ട്ടി​യി​ല​ധി​കം തു​ക പ​ദ്ധ​തി​ക്കാ​യി അ​നു​വ​ദി​പ്പി​ക്കാ​ൻ ക​ഴി​ഞ്ഞ​താ​യും എം.​എ​ൽ.​എ വ്യ​ക്ത​മാ​ക്കി. ഇ​തി​ന​നു​സ​രി​ച്ച് മു​റി​ക്ക​ല്ല് പാ​ല​ത്തി​ന്‍റെ നി​ല​വി​ലെ വീ​തി വ​ർ​ധി​പ്പി​ക്കു​ന്ന​ത​ട​ക്ക​മു​ള്ള കാ​ര്യ​ങ്ങ​ൾ ഡി.​പി.​ആ​റി​ലു​ണ്ട്. ഇ​തി​ന്‍റെ പ​ഠ​ന​വും ന​ട​ത്തി​യി​ട്ടു​ണ്ട്.

നേ​ര​ത്തേ ഉ​ണ്ടാ​യി​രു​ന്ന ഡി.​പി.​ആ​ർ പ്ര​കാ​രം നി​ർ​മാ​ണ ഇ​ട​ങ്ങ​ളി​ൽ വ​ലി​യ തോ​തി​ൽ വെ​ള്ള​ക്കെ​ട്ട് രൂ​പ​പ്പെ​ടു​ക​യും അ​തു​മൂ​ലം വെ​ള്ള​പ്പൊ​ക്ക സ​മ​യ​ത്ത് മൂ​വാ​റ്റു​പു​ഴ​യാ​റ്റി​ൽ ജ​ല​നി​ര​പ്പ് അ​തി​ഗ​ണ്യ​മാ​യി വ​ർ​ധി​ക്കാ​നു​ള്ള സാ​ധ്യ​ത​യും ഉ​ണ്ടാ​യി​രു​ന്നു. ഇ​വ ക​ണ​ക്കി​ലെ​ടു​ത്ത് നീ​രൊ​ഴു​ക്കു​ക​ൾ ത​ട​സ്സ​പ്പെ​ടാ​തെ​യി​രി​ക്കാ​ൻ വേ​ണ്ടി​യാ​ണ് ലാ​ൻ​ഡ്​ സ്പാ​ൻ രീ​തി​യി​ലേ​ക്ക് നി​ർ​മാ​ണം മാ​റ്റി​യ​ത്. ഡി.​പി.​ആ​റി​ന്‍റെ ഭേ​ദ​ഗ​തി​ക്ക​നു​സ​രി​ച്ച് നി​ർ​മാ​ണം പൂ​ർ​ത്തി​യാ​കു​ന്ന​തോ​ടെ റോ​ഡി​ലെ വ​ള​വു​ക​ൾ പ​ര​മാ​വ​ധി ഇ​ല്ലാ​താ​കു​മെ​ന്നും എം.​എ​ൽ.​എ പ​റ​ഞ്ഞു.