മുറിക്കൽ ബൈപാസ് റോഡ്; സ്ഥലം ഏറ്റെടുക്കൽ അവസാന ഘട്ടത്തിലേക്ക്

മൂ​വാ​റ്റു​പു​ഴ: മു​റി​ക്ക​ൽ ബൈ​പാ​സ് റോ​ഡു​മാ​യി ബ​ന്ധ​പ്പെ​ട്ട സ്ഥ​ലം ഏ​റ്റെ​ടു​ക്ക​ൽ ന​ട​പ​ടി​ക​ൾ അ​വ​സാ​ന ഘ​ട്ട​ത്തി​ലേ​ക്ക്. സ്ഥ​ല ഉ​ട​മ​ക​ളു​ടെ യോ​ഗം വെ​ള്ളി​യാ​ഴ്ച ന​ട​ക്കും. ഒ​ന്ന​ര പ​തി​റ്റാ​ണ്ട് മു​മ്പ് പാ​ലം പ​ണി പൂ​ർ​ത്തി​യാ​യി​ട്ടും സ്ഥ​ലം ഏ​റ്റെ​ടു​ക്ക​ൽ പൂ​ർ​ത്തി​യാ​കാ​ത്ത​തി​നാ​ൽ റോ​ഡ് നി​ർ​മാ​ണം ന​ട​ക്കാ​തെ അ​നി​ശ്ചി​ത​ത്വ​ത്തി​ലാ​യ മു​റി​ക്ക​ൽ ബൈ​പാ​സു​മാ​യി ബ​ന്ധ​പ്പെ​ട്ട സ്ഥ​ലം ഏ​റ്റെ​ടു​പ്പി​നാ​ണ് ഒ​ടു​വി​ൽ തീ​രു​മാ​ന​മാ​യി​രി​ക്കു​ന്ന​ത്. നി​ർ​മാ​ണ​വു​മാ​യി ബ​ന്ധ​പ്പെ​ട്ട് മാ​റാ​ടി വി​ല്ലേ​ജി​ലെ 80ഓ​ളം വ്യ​ക്തി​ക​ളു​ടെ ഉ​ട​മ​സ്ഥ​ത​യി​ലു​ള്ള 1.8279 ഹെ​ക്ട​ർ ഭൂ​മി​യും വെ​ള്ളൂ​ർ​ക്കു​ന്നം വി​ല്ലേ​ജി​ലെ 0.1246 ഹെ​ക്ട​ർ ഭൂ​മി​യും ഏ​റ്റെ​ടു​ക്കാ​ൻ ഭൂ​മി ഏ​റ്റെ​ടു​ക്ക​ൽ നി​യ​മ​പ്ര​കാ​രം വി​ജ്ഞാ​പ​നം പു​റ​പ്പെ​ടു​വി​ച്ചു. ആ​ദ്യ​ഘ​ട്ട​മാ​യി ഭൂ​മി ഏ​റ്റെ​ടു​ക്കു​ന്ന സ്ഥ​ല​മു​ട​മ​ക​ൾ​ക്ക് ഭൂ​മി​യു​ടെ വി​ല അ​ട​ക്കം ന​ഷ്ട​പ​രി​ഹാ​രം ന​ൽ​കാ​ൻ​ വെ​ള്ളി​യാ​ഴ്ച രാ​വി​ലെ താ​ലൂ​ക്ക് ഓ​ഫി​സ് കോ​ൺ​ഫ​റ​ൻ​സ് ഹാ​ളി​ൽ യോ​ഗം ചേ​രും.

സ്ഥ​ലം ഉ​ട​മ​ക​ൾ ആ​വ​ശ്യ​മാ​യ രേ​ഖ​ക​ളു​മാ​യി എ​ത്ത​ണ​മെ​ന്നും അ​വ​രു​ടെ ഉ​ട​മ​സ്ഥാ​വ​കാ​ശം പ​രി​ശോ​ധി​ച്ച് ന​ഷ്ട​പ​രി​ഹാ​രം നി​ർ​ണ​യി​ച്ച്​ ന​ൽ​കു​മെ​ന്നും മാ​ത്യു കു​ഴ​ൽ​നാ​ട​ൻ എം.​എ​ൽ.​എ അ​റി​യി​ച്ചു. ഇ​തു​സം​ബ​ന്ധി​ച്ച് ലാ​ൻ​ഡ്​ അ​ക്വി​സി​ഷ​ൻ ത​ഹ​സി​ൽ​ദാ​ർ നോ​ട്ടീ​സ് ന​ൽ​കി​യി​ട്ടു​ണ്ടെ​ന്നും എം.​എ​ൽ.​എ വ്യ​ക്ത​മാ​ക്കി.ബാ​ക്കി​യു​ള്ള സ്ഥ​ലം ഉ​ട​മ​ക​ൾ​ക്ക് അ​ടു​ത്തു​ത​ന്നെ നോ​ട്ടീ​സ് ന​ൽ​കി ന​ഷ്ട​പ​രി​ഹാ​രം തി​ട്ട​പ്പെ​ടു​ത്തി പ​ണം കൈ​മാ​റി സ്ഥ​ലം ഏ​റ്റെ​ടു​ക്കു​മെ​ന്നും മ​തി​യാ​യ രേ​ഖ​ക​ൾ ഹാ​ജ​രാ​ക്കാ​ത്ത​വ​രു​ടെ​യും സ്ഥ​ലം വി​ട്ടു​ന​ൽ​കാ​ൻ ത​ട​സ്സം നി​ൽ​ക്കു​ന്ന​വ​രു​ടെ​യും ന​ഷ്ട​പ​രി​ഹാ​ര​ത്തു​ക കോ​ട​തി​യി​ൽ കെ​ട്ടി​വെ​ച്ച് സ്ഥ​ലം ഏ​റ്റെ​ടു​ക്കു​മെ​ന്നും റ​വ​ന്യൂ വ​കു​പ്പ് അ​റി​യി​ച്ചു.

സ്ഥ​ലം ഏ​റ്റെ​ടു​ക്കാ​ൻ നേ​ര​ത്തേ 57 കോ​ടി രൂ​പ സ​ർ​ക്കാ​ർ അ​നു​വ​ദി​ച്ചി​രു​ന്നു. സ്ഥ​ലം ഏ​റ്റെ​ടു​പ്പ് പൂ​ർ​ത്തി​യാ​യാ​ൽ റോ​ഡ് നി​ർ​മാ​ണ​ത്തി​നു​ള്ള ടെ​ൻ​ഡ​ർ ന​ട​പ​ടി ആ​രം​ഭി​ക്കു​മെ​ന്നും എം.​എ​ൽ.​എ അ​റി​യി​ച്ചു.