കോടതി സമുച്ചയത്തിലെ ലിഫ്റ്റ് തകരാറിലായി; ഏഴുപേര്‍ കുടുങ്ങി

പെ​രു​മ്പാ​വൂ​ർ: കോ​ട​തി സ​മു​ച്ച​യ​ത്തി​ലെ ലി​ഫ്റ്റ് ത​ക​രാ​റി​ലാ​യ​തി​നെ​ത്തു​ട​ർ​ന്ന്​ അ​ഭി​ഭാ​ഷ​ക​ർ ഉ​ൾ​പ്പെ​ടെ ഏ​ഴു​പേ​ർ കു​ടു​ങ്ങി. ചൊ​വ്വാ​ഴ്ച രാ​വി​ലെ 10.30നാ​ണ്​ സം​ഭ​വം. ര​ണ്ട് പു​രു​ഷ​ന്മാ​ർ​ക്ക്​​ പു​റ​മെ ഗ​ർ​ഭി​ണി​യ​ട​ക്കം അ​ഞ്ച് സ്ത്രീ​ക​ളാ​ണ് ലി​ഫ്റ്റി​ൽ അ​ക​പ്പെ​ട്ട​ത്.അ​ഭി​ഭാ​ഷ​ക​രാ​യ ടി.​എ​ൻ. സ​ദാ​ന​ന്ദ​ൻ, ഇ.​ജി. അ​മ്പി​ളി, ഷൈ​ജ, അ​ന്ന, ശ്രീ​ല​ക്ഷ്മി, അ​ഞ്ജ​ലി, ഗു​മ​സ്ത​ൻ രാ​മ​ച​ന്ദ്ര​ൻ എ​ന്നി​വ​രാ​യി​രു​ന്നു ലി​ഫ്റ്റി​ൽ. നാ​ലു​നി​ല കെ​ട്ടി​ട​ത്തി​ൽ കോ​ട​തി പ്ര​വ​ര്‍ത്തി​ക്കു​ന്ന മു​ക​ൾ നി​ല​യി​ലേ​ക്ക് ലി​ഫ്റ്റ് ഉ​യ​രു​മ്പോ​ൾ വൈ​ദ്യു​തി​ബ​ന്ധം നി​ല​ച്ചു.

മി​നി​റ്റു​ക​ള്‍ക്കു​ള്ളി​ൽ വൈ​ദ്യു​തി പു​നഃ​സ്ഥാ​പി​ക്ക​പ്പെ​ട്ടെ​ങ്കി​ലും ലി​ഫ്റ്റ് പ്ര​വ​ര്‍ത്തി​ച്ചി​ല്ല. ഇ​തോ​ടെ കോ​ട​തി കെ​ട്ടി​ട​ത്തി​ലു​ണ്ടാ​യി​രു​ന്ന അ​ഭി​ഭാ​ഷ​ക​ർ അ​ഗ്നി​ര​ക്ഷാ​സേ​ന​യെ വി​ളി​ച്ചു. ഇ​വ​ർ ലി​ഫ്​​റ്റ്​ തു​റ​ക്കാ​ൻ ശ്ര​മി​ച്ചെ​ങ്കി​ലും ആ​ദ്യം വി​ജ​യി​ച്ചി​ല്ല.അ​ടി​യ​ന്ത​ര ഘ​ട്ട​ത്തി​ല്‍ ലി​ഫ്റ്റ് തു​റ​ക്കാ​നു​ള്ള താ​ക്കോ​ല്‍ ക​ണ്ടെ​ത്താ​തി​രു​ന്ന​തും പ്ര​തി​സ​ന്ധി​യാ​യി. ലി​ഫ്റ്റ് സ്ഥാ​പി​ച്ച​വ​രെ ഫോ​ണി​ൽ ബ​ന്ധ​പ്പ​ട്ട് പ​രി​ഹ​രി​ക്കാ​ന്‍ ന​ട​ത്തി​യ ശ്ര​മ​വും പ​രാ​ജ​യ​പ്പെ​ട്ടു.

മു​ക്കാ​ൽ മ​ണി​ക്കൂ​ർ നീ​ണ്ട ശ്ര​മ​ത്തി​നൊ​ടു​വി​ൽ അ​ഗ്നി​ര​ക്ഷാ​സേ​ന ലി​ഫ്റ്റ് കു​റ​ച്ച് ഇ​റ​ക്കി വാ​തി​ൽ അ​ക​ത്തി​യ ശേ​ഷം കു​ടു​ങ്ങി​യ​വ​രെ പു​റ​ത്തെ​ത്തി​ച്ചു. സ്റ്റേ​ഷ​ൻ ഓ​ഫി​സ​ർ ടി.​കെ. സു​രേ​ഷി​ന്റെ നേ​തൃ​ത്വ​ത്തി​ലാ​യി​രു​ന്നു ര​ക്ഷാ​പ്ര​വ​ര്‍ത്ത​നം. ശാ​രീ​രി​ക അ​സ്വ​സ്ഥ​ത​യെ തു​ട​ര്‍ന്ന് ഗ​ർ​ഭി​ണി​യാ​യ അ​ഭി​ഭാ​ഷ​ക​യും മ​റ്റൊ​രാ​ളും ആ​ശു​പ​ത്രി​യി​ൽ ചി​കി​ത്സ​തേ​ടി. ലി​ഫ്റ്റ് പ​ല​പ്പോ​ഴും പ​ണി​മു​ട​ക്കു​ന്ന​താ​യും പ്ര​ശ്‌​നം ചൂ​ണ്ടി​ക്കാ​ട്ടി​യി​ട്ടും പ​രി​ഹാ​ര​മു​ണ്ടാ​യി​ല്ലെ​ന്നും അ​ഭി​ഭാ​ഷ​ക​ര്‍ പ​റ​യു​ന്നു.