പെരുമ്പാവൂര്‍: പൂപ്പാനിയില്‍ വീടിന്റെ വാതില്‍ തകര്‍ത്ത് അഞ്ചുപവന്‍ സ്വര്‍ണം കവര്‍ന്നു. പൂപ്പാനി തിവെള്ളച്ചാലില്‍ അക്ഷയയില്‍ വിജയന്റെ വീട്ടില്‍നിന്നാണ് ആഭരണങ്ങള്‍ മോഷ്ടിച്ചത്. ഞായറാഴ്ച വീട്ടുകാര്‍ വിനോദയാത്രക്ക് പോയിരുന്ന സമയത്താണ് സംഭവം. തിങ്കളാഴ്ച രാത്രി കുടുംബം തിരിച്ചെത്തിയപ്പോഴാണ് മോഷണവിവരം അറിഞ്ഞത്.
വിജയന്റെ ഭാര്യ സുധയുടെ സ്വർണാഭരണങ്ങള്‍ അലമാരയിലാണ് സൂക്ഷിച്ചിരുന്നത്. വീടിന്റെ മുന്‍വശത്തെ വാതില്‍ പൊളിച്ചാണ് മോഷ്ടാക്കള്‍ അകത്ത് പ്രവേശിച്ചത്.
പൂട്ടിയിട്ടിരുന്ന കിടപ്പു മുറിയുടെ വാതിലും സ്വര്‍ണം സൂക്ഷിച്ചിരുന്ന അലമാരയും തകര്‍ത്തനിലയിലാണ്. ഡോഗ് സ്‌ക്വാഡും വിരലടയാള വിദഗ്ധരും സ്ഥലത്തെത്തി തെളിവെടുപ്പ് നടത്തി.
പെരുമ്പാവൂര്‍ പൊലീസ് കേസെടുത്ത് അന്വേഷണം തുടങ്ങി. പ്രദേശത്തെ സി.സി ടി.വി കാമറകള്‍ പരിശോധിച്ചുവരുകയാണെന്ന് പൊലീസ് അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.