അടിമാലി: പൊന്മുടി ഭൂമി പാട്ടവിഷയത്തിൽ സി.പി.ഐയെയും റവന്യൂ വകുപ്പിനെയും വിമര്‍ശിച്ച് മുൻ മന്ത്രി എം.എം. മണിയുടെ മകളും മരുമകനും രംഗത്ത്. രാജാക്കാട് പഞ്ചായത്ത് പ്രസിഡന്‍റ് എം.എസ്. സതിയും ഭർത്താവും രാജാക്കാട് സർവിസ് സഹകരണ ബാങ്ക് പ്രസിഡന്‍റുമായ വി.എ. കുഞ്ഞുമോനുമാണ് ഫേസ്ബുക്ക് പോസ്റ്റിൽ വിമർശനം ഉന്നയിച്ചത്. പൊന്മുടിയില്‍ റവന്യൂ വകുപ്പിന്‍റെ നീക്കമെന്തെന്ന് സി.പി.ഐ ജില്ല നേതൃത്വം വ്യക്തമാക്കണമെന്ന് കുഞ്ഞുമോൻ ആവശ്യപ്പെട്ടു. ഇതിന് പിന്നാലെയായിരുന്നു റവന്യൂ വകുപ്പിനെതിരെ എം.എസ്. സതിയുടെ പോസ്റ്റ്. ബാങ്ക് ഭരണസമിതിയിൽ സി.പി.ഐ അംഗങ്ങളുമുണ്ട്. പൊന്മുടി ഹൈഡൽ ടൂറിസം സെന്‍ററിന് എം.എം. മണി വൈദ്യുതി മന്ത്രിയായിരിക്കെ കെ.എസ്.ഇ.ബി ഭൂമി രാജാക്കാട് ബാങ്കിന് പാട്ടത്തിന് നൽകിയിരുന്നു. കൈമാറിയതിൽ റവന്യൂ ഭൂമിയുമുണ്ടെന്ന അവകാശവാദവുമായി ശനിയാഴ്ച ഭൂമി അളന്ന് തിട്ടപ്പെടുത്താൻ സർവേ ഉദ്യോഗസ്ഥര്‍ എത്തിയപ്പോള്‍ ബാങ്ക് പ്രസിഡന്‍റിന്‍റെ നേതൃത്വത്തില്‍ തടഞ്ഞ് തിരിച്ചയക്കുകയായിരുന്നു. കെ.എസ്.ഇ.ബിയെയും ബാങ്കിനെയും രേഖാമൂലം അറിയിച്ചില്ലെന്ന് ചൂണ്ടിക്കാട്ടിയായിരുന്നു പ്രതിഷേധം. 70 വർഷമായി കെ.എസ്.ഇ.ബി കൈവശം വെച്ച് നിരവധി നിർമാണപ്രവർത്തനങ്ങൾ നടത്തിയപ്പോഴൊന്നും അവകാശവാദം ഉന്നയിക്കാതിരുന്നതിനെക്കുറിച്ച് റവന്യൂ ഉദ്യോഗസ്ഥർക്കും അവരെ ന്യായീകരിക്കുന്ന സി.പി.ഐ ജില്ല സെക്രട്ടറി കെ.കെ. ശിവരാമനും എന്താണ് പറയാനുള്ളതെന്ന് കുഞ്ഞുമോൻ ചോദിച്ചു. 'എം.എം. മണി മരുമകന് പതിച്ച് കൊടുത്ത സര്‍ക്കാര്‍ ഭൂമി അളന്ന് തിട്ടപ്പെടുത്താന്‍ വരുന്ന ഉടുമ്പന്‍ചോല തഹസില്‍ദാര്‍ക്കും പരിവാരങ്ങള്‍ക്കും രാജാക്കാട്ടേക്ക് സ്വാഗതം' എന്നാണ് എം.എസ്. സതിയുടെ പോസ്റ്റിലെ പരിഹാസം. പോസ്റ്റിനെ അനുകൂലിച്ചും പ്രതികൂലിച്ചും നിരവധി പേര്‍ രംഗത്തെത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.